المساعد الشخصي الرقمي

مشاهدة النسخة كاملة : تعالوا شوفوا وش صار لي لما قريت هال...


طبرجل
06 / 05 / 2001, 30 : 11 AM
- غبي سمع بخطف الطائرات راح خطف قطار - الرياض الدمام - وقال للسواق اطلع جده

- فيه واحد كريم احترق بيته جو الاطفاء يطفون البيت ... قالهم والله ماتسوون شي لين تقهوون

- واحد غبي قاله الدكتور رح سو اشاعه .. طلع بالسيب قال ياناس يا هوه صدام دخل الشرقيه

- ديك قال:للدجاجة ليش يأخذون البيض وأنتي ساكته.قالت:له الدجاجة اسكت ..أحسن من اللي يأذن ولا يصلي

- واحد نذل سالوه ودك ابوك يموت وتورثه ؟ قال ودي ينصدم عشان اخذ الديه وارثه !

- فيه نذل فتح محل تموينات كتب عالبيبسي (رجه جيدا قبل الاستعمال ) !!

- فيه قزم راح يفصل ثوب ،، سأل الخياط قاله:متى يطلع الثوب؟؟؟؟ قاله: خذ لفه وتعال

- فيه محششين طبخوا مندي تعشوا نواشف ليه؟ ضيعوا حفرة المندي

- فيه عشرة عرابجه يتمازحون ماتوا اربعه قالوا الباقين :خلاص عاد لاتنقلب جد !!!!

- فيه واحد يصلي بخشوع وفيه اثنين جالسين يمدحون فيه وفي صلاته قام وقطع صلاته وقال لا وصايم بعد !

- نذل يوزع سمبوسة عند الحرم....ليه ؟ لحم حاشي (جمل)

- فيه ناقه وبريعصي تزوجوا..... جابوا جمل يمشي على الجدار

- فيه سكران بلغ الشرطه عن سبعين سياره منقلبه جت الشرطه ولقوه سكران في تشليح

- فيه محشش ماااسك الدجاجه اللي عنده ويطقها ويقول: كل يووووم بيض ماااافيه جبن !!!!!

- قراوى يتفرجون على كابتن ماجد، يوم فاز بالكاس طلعوا للتخصصي

- فى عجوز ناداها رجلها ياحصه ياحصه 00نزلت تركض على الدرج وطاحت وتكرفست على وجها قدام رجلها 00تفشلت 00وقامت قالت حلو ه الحركه يابو صالح

- في ثلاث صقور امريكي وفارسي و قروي طار الامريكي نص ساعاة ورجع وعلى منقاره دم قالوا الصقرين وين كنت قال ابد تشوفون ذاك الجبل قالوا ايه,قال شفت وراه بقرة صدتها وكلتها. طار الصقر الفارسي نص ساعة ورجع وعلى منقاره دم قالوا له وين رحت قال ابد شفتوا البيت اللي هناك قالوا ايه قال شفت وراه خروف صدته وكلته وجيت طار الصقر القروي وجلس 3 ساعات ورجع وكله دم قالوا له وين رحت قال ابد شفتوا ذاك العامود اللي هناك قالوا له ايه قال انا ماشفته

- فيه واحد ما يعرف يقول سبعة، دخل على راعي البقالة وقال له: عطني أربعة بيبسي وثلاثة بيبسي !!!!

- فيه حفرة في قرية قراوى .. طايم يطيح فيها الناس ويتأذون !! فاجتمع مجلس القرية علشان يدورون حل.. الأول اقترح انهم يحطون عربة اسعاف عند الحفرة ..الثاني اقترح انهم يبنون مستشفى عند الحفرة .. الثالث وهو الحكيم حقهم قال لا .. ادفنوا الحفرة واحفروا حفرة عند المستشفى !

- فيه ذبانه دخلت غرفه شباب محششين واخر الليل قاموا الشباب يحششون وصكوا الباب انحشرت الذبانه وقالت اجلس الين يفكون الباب وبعد ما شفطوا ست سجاير نزلت عليهم الذبانه مسفحه تقول جاااااااكم الصقر.

- فيه عجز يلعبون ورقة تهاوشن على الشايب !

- ثلاثة اشخاص في المستشفى ينتظرون زوجاتهم يولدوا ..طلعت الممرضه علىالاول قالت له مبروك جالك توأم قال يا محاسن الصدف انا اشتغل في شركة تو أم ..بعد شوي طلعت الممرضه وقالت للشخص الثاني مبروك جالك ثلاثه توائم قال والله خبر ظريف لاني اشتغل في شركة ثري أم .. الشخص الثالث قام جري .. سألوه على فين يا ابو الشباب قال انا طالع اقدم استقالتي لاني مدير مصنع سفن _أب

- فيه نملة تركض ويلحقونها عشر نملات .. ليه ؟ مسجلة هدف !!

- كان فيه واحد غبي مره دخل للعسكريه المهم لم وصل للتدريب الميداني سأله القائد : اذا جتك دبابه ومعك قنبله ايش تسوي ؟ قال الغبي : ارجم القنبله رد القائد وسأله : و اذا كانت دبابتين ؟ قال الغبي : ارجم قنبلتين قال القائد : واذا ثلاث ؟ قال الغبي : ارجم ثلاث قنابل قال القائد : واذا اربع دبابات ؟ رد الغبي وهو زعلان : " لعنبو ذا الجيش الي ما فيه الا انا " !!!

- ثلاثه محششين هاربين من الشرطة دخلوا مزرعة و تخبوا في ثلاثه اكياس جاء الشرطي وشاف الأكياس، وشات الكيس الاول قام اللي فيه يصيح :واق واق ( يقلد البط ) تركه الشرطي وراح للكيس الثاني وشاته قام اللي فيه وقال كوكو كوكو ( يقلد الديك ) تركه الضابط وراح للثالث وشات الكيس واللي فيه ساكت مايتكلم !! استغرب الضابط وقام يشوت بقوة مرة ثانيه وثالثة ومافي صوت وفي الأخير عصب الشرطي وشاته باقوى ما عنده طلع المحشش يصيح:: يقطع شكلك !! بطاطس وش تبيني اقول!!!!!

- في قروى حب يعمل مفاجأة لزوجته طلقها!!

- قروية شرالها زوجها جوال .. المهم ذاك اليوم راحت للليرومارشية الصباح وكلمها هو من الشغل وقال لها "ها يا حبيبتي وش رايك في الجوال" قالت "يهبل .. بس وش دراك إني في اليرومارشية ؟؟"

- الزوجة: أبو صالح يقبل زوجته كل يوم قبل ما يروح المكتب، ليش ما تسـوى مثله ؟؟ الزوج: ودي! بس أخاف ابو صالح يزعل مني

- قروي راح السوق واشترى ترمس بعد ما قاله البياع : تراه يخلي الحار حار والبارد بارد ولما راح اخوياه القراوى سألوه : ايش هذا ؟ قال: هذا ترمس يخلي الحار حار والبارد بارد سألوه ايش حاطط فيه ؟ رد : 2 كوب شاي وواحد ببسي

- خكري يصب القهوة لضيوف ابوه .. جاء وصب القهوة لرجال وناولها اياه باليسار.. جاء الرجال قال "يسراك ما تشناك" الخكري يحسب الرجال يمزح معاه قام فك كشرته وقال "طيب تقدر تقول خشبة الحبس حبست خمس خشبات وخشبة ؟ "

- في واحد نام في السطح حس بالبرد سكر باب السطح

- قروي مثل دور رافت الهجان اكشفوه من اول حلقه

- فيه قروي جاه ولدين سمى الاول محمد والثاني عبده ليه؟ علشان يسمونه ابو نوره

- فيه عجوز وصل عمرها 120 قالت تيت تيت تيت

- فيه واحد قروي طاح في بير رموا عليه الحبل وجروه يوم طلع فوق إلا هو ميت الأخ كان رابط الحبل في رقبته

- في مستشفى المجانين يسوون اختبار لهم وسألو واحد كم خمسه في سته قال 825وسألوا الثاني نفس السؤال قال الجمعه وسألوا الثالث قال ثلاثين وسألوه كيف عرفت قال بسيطه طرحت 825من الجمعه وطلعت ثلاثين .

- هذا عالم قروي .. كان يجري تجارب على ضفدع .. كان اذا صفق نقز الضفدع .. قام وقطع رجل من رجول الضفدع .. وصفق .. برضه نقز الضفدع .. قام وقطع رجله الثانية ..وصفق .. الضفدع المسكين عجز ينقز.. قام القروي.. وكتب نتيجة التجربة.. "عندما نقطع رجول الضفدع يفقد حاسة السمع"

- هذي طيارة .. طاحت في الصحراء وما نجا منها الا ثلاثة .. امريكي وياباني وقروي ....المهم بغوا يموتون من العطش .. لين لقوا ذاك المصباح السحري .. ويفركونه ويطلع لهم جني .. وقال لهم "شبيكم لبيكم عبدكم بين ايديكم .. راح البي لكل واحد منكم امنية وحدة" .. الامريكي قال "ودني امريكا" .. وبلحظة عين وداه امريكا .. الياباني قال "ودني اليابان " وبلحظة عين وداه اليابان.. القروي قام يتلفت وقال "وش دعوة.. خليتوني لحالي ؟!! جبهم لي ".

- يقولك فيه دكتور جاره قروي ......وعاد القروي يتلزق بالدكتور وكل يوم يسلم عليه والدكتور يرد من تحت خشمه ........بعد فتره جا القروي للدكتور وقاله يادكتور تدري اني هالمرة احسن منك رد الدكتور من تحت خشمه خير باي شي قال له القروي انا جاري دكتور وانت ياحسرة جارك قروي

- يقولك في قروي سافر لأمريكا ورجع .. عاد قاعد يسولف مع امه وابوه.. ويقولهم "هناك شفت واحد طب من فوق عمارة طويييلة.. قعد ثلاث ايام لين وصل الأرض".. عاد امه سألته"طيب مات ؟؟" .. جا الأبو يستذكي قال "ثلاث أيام لا يأكل ولا يشرب .. أكيد يموت".

- يقولك فيه واحد طاح ببير وقعد ينادي وفجأة مر واحد قروي وقاله خير وش تبي قال ارجوك انقذني قاله طيب بس بروح البيت اجيب حبل ..........بس لاتروح حتي اجي

- يقولك فيه واحد محشش نزل مره بالليل وهو منتهي لقي جاره شاري سياره جيب دفع رباعي مكتوب عليها 4*4 قام اخونا وبالسكروب حك السياره وكتب =16 جا راعي السياره الصبح شافها وانقهر قام وداها الورشه وزين البويه .......قام اخونا المحشش من الليله الثانيه وكتب نفس العباره وبعد راعي السياره سوي نفس الشي ......واستمر فتره ......اخر شي قام راعي السياره وبخط جميل كتب 4*4=16 عشان يرتاح من المحشش .......بالليل جا المحشش وشاف السياره وقرا الكلام .......قام بالسكروب كتب علامه صح ومشي

- واحد يمشي جنب سور.. وسمع ناس في البيت خلف السور يعدون " ثلاثطعش ....ثلاثطعش...ثلاثطعش" .. الرجال صار عنده فضول لا يطاق .. قام وطل من فتحة في السور وما درا الا اصبع داخل في عينه وبعدها سمع اللي جوا البيت يعدون "اربعطعش..اربعطعش .. اربعطعش.."

- قروي تزوج مدرسة لغة انجليزية يوم صحو الصبح قالت "صباح الخير يازوجي العزيز" قال "يلعن ابو الانقلينزي"

جلمود
07 / 05 / 2001, 31 : 02 AM
هههههههههههههه حللللللللللللللوه

الله يعطيك العافيهياطبرجل على هالنكت الجميله

اخوك: جلمود

عابر الشوق
07 / 05 / 2001, 58 : 09 AM
حلوووووووووووه

عزيزي طبرجل

وما قصرت

المزيد

ابو الريم

أسيرة الذكرى
16 / 05 / 2007, 10 : 02 PM
ههههههههههههههههههههههههههههه

خخخخخخخخخخخخخخخخخخخخخخخخ


هعهعهعهعهعهاااااااااااااااااااااااااااااااع


يسلموووو خيووو طبرجلووووووووه