وشفيك يا سيف

[العارض]

السلام عليكم ورحمة الله وبركاته ..


أستلم يا السيف .. أن كان لك رغبة بعد ما غيرناها عشانك





وشفيك يا سيف واقف ضدنا

؟؟؟؟؟؟؟؟؟؟؟؟؟؟حنا ترانا نجيب المستحيل

حنا لنا حق يالله غــــــــــدنا


؟؟؟؟؟؟؟؟؟؟؟؟؟أو رد بيتين يمـي يالسليل

[الســــيف]

:D :D

ارحب ارحب يالعارض

تمام التمام
استلم



بالله ياللي كلامك شدنا

%%%%%%% ماني على ادم وصبيانه وكيل


الى بغيت الغدا من مدنا

%%%%%%% اقلط ولاني عن الواجب بخيل


@

[العارض]

أستلم

حنا نخبرك وعلمك عندنا

&&&&&&&&&&&نعرف كريم الرجال أمن البخيل

مانيب قدك ولا أنتا قدنا

&&&&&&&&&&& حنا على هامت الضلع الطويل

[الســــيف]

طيب طيب


حنا عن الطيب محد ٍ ردنا
%%%%%%% والطيب مانقبل لغـــــــيره بديل


خلك بحدك وجــــنب حدنا

%%%%%%% تبغى من الهيل ولا الزنجبيل



@

[العارض]

أستلم

وأنّا على الخير محدً صدنا

**************نشب نار العرب فوق الفتيل

حدك بأعديه وأغسل يدنا

**************والهيل بارد .. نباها زنجبيـل

[أحلــى من العقد]

الله الله ...............مو عقوووووول

يا حيا الله العارض ..,نعم والله فيك واسمك ..:)

الله دركم ........العارض والسيف ....

قهوه وزنجبيل وعلوم طيبه ..........

الا على فكره يالسيف ...مانقلط معهم ؟؟؟؟؟؟؟؟؟؟؟


يا هلا فيك يا العارض ... وشد حيلك ..

عندنا قاعده دائما نشجع ونكون بصف اللي يبدأ المحاوره :):)

هذا العلم ...مكتوب عليه عاش العارض .........وبعد النتيجه بالوح به في التخصصي :):)

من جد المحاوره متعه وخصوصا اذا انتهت بهوشه ...
وشكلكم فيا لاخير بتكبون الدله ...:) :)

[الســــيف]

:D :D :D

الله يكفيني شرك يا احلى من العقد

انتي وراي وراي وتشجعين ضدي

:( :( :(

اكيد احد موصيك علي


المهم تكفين يا احلى من العقد بعدي الدله شوي


والعارض اشوفه قام يردف كثير مدري ما يطالع في البيوت اللي سرت


ولا هذي مديل جديد في المحاوره

العارض الاولى وعدت

بتكرير البخيل وانا قد قلتها قبلك

والثانيه بتكرار الزنجبيل كذلك

الثالثه مالك عذر:) :)
انشاء الله يكون الكلام واضح وقدام.

[الســــيف]

طيب استلم


نبغى نحقق نتيجة كدنا

%%%%%% لكن وش فيك تردف ياعميل



احذر ترى ماتبيّح سدنا

%%%%%% ولاظن بك حيل للحمل الثقيل


@

[العارض]

أستلم ..


وقف ترا السيل فاض بسدنا

************** لا جيش معنا ولا زاداً وخيل

وأن كان تبغى نطّول سردنا

*************ترا المدد فيه خيل وفيه فيــل

[الســــيف]

هلا وسهلا


ياحــرنا ليه تجرح بردنا

%%%%%%% بالجرح هــــــذا ترى مالك حصيل


قم ودنا للمعالي ودنا

%%%%%%% واغرف من الجزل لا تغرف هزيل



@