&& كمبيوتر فاتح شقق عزاب للهكر &&

[بقاياالأمل]

السلام عليكم

شوفوا من أولها هذا الموضوع لقيته في مكان ثاني وجبته لكم تقرونه وتوسعون صدوركم ( يعني مو أنا اللي كاتبته ) وشوفوا صاحبة المقال ايش كتبت :

أول شي ابشركم سويت اشعة صوتيه لكمبيوتري ولقيته حامل بالشهر العاشر بفيروسين يجننون وبكم ملف تجسس ....

المفروض يسموني نصيرة الهكر ..وإلا القلب الحنون للهكر المجنون
.. مانيب مخليتهم يحتاجون شي وأنا راسي يشم الهوا ..

تصدقون إني حاطة لهم شقق مجاناً في الجهاز .. ومخليتهم ياخذون راحتهم ويتشمسون بسطح المكتب .. بس العزاب عزاب دايم حوسه .. تعبت وأنا أقولهم حطوا علب البيبسي في سلة المحذوفات بس مايسمعون الكلام كل ماجيت لقيت الدنيا حوسة..

لاتستغربون حنيتي تعرفون هم فاضين فقلت اضفهم بجهازي بدل مايهيتون بالشوارع لأنهم ماراح يلاقون شيء مافيه الا الدجة .. واحد يوم دخل بغى يصيح لأنه حس انه داخل بمنفوحه .. فحط خمسه ريال وورقة كاتب عليها : ( خذي هالخمسة ريال واشتري لك برامج ترزقي الله فيهم ) ههههههههههههههههههههههههههههه

المهم..

في يوم من الأيام جا في بالي أتفرج على السكان قصدي الهكر و اشوف وش يسوون .. وش ياكلون.. بالعربي اتلقف..

واجي وألف الجهاز وأدور باب ينفتح ....... ومادريت الا وهو جاي على جبهته على الأرض واشيله واجلسه على الطاولة واسمي عليه.. عين وماصلت على النبي.."اللهم صلي وسلم عليه"

واشغله ابشوف ينفس والا لا .. وشوي ولا الكيبورد بوجهي ... ويقول :

وجع فيني ضربة وش كبرها من طيحتي على وجهي وتبغيني اشتغل


أنا الآن أمام حقيقة مرّه .. الجهاز خربان يعني مافيه نت

مشكله اقعد بدون نت .. ومشكله اقول لأهلي خرّبته .. لأن اخوي الله ياجره بأخيته مل من كثر ماتردد بالجهاز يصلح .. وجهازي الله يخلف على شبابه صار يقط خيط وخيط من كثر مااتعبث فيه .. تصدقون ساعات يحاكي روحه يقول: أنا أتاري أنا أتاري


وتجمعت الدنيا براسي .. وتكالبت علي الهموم والغموم والكموم ( مشوها)
وهالهواجيس خلتني مثل القدر الكاتم وو تششششششششششش يدخن راسي .. وانا اللي أنقز لأمي .. وبحنيـّة صافرة الانذار ناديتها:

أمييييييييييييييييييييييييييييييييييييييي

أمي : بسم الله عليك يمه وش فيك <------------ تحسب البيت احترق

أنا : وش الحياة التعيسة هذي .. تبي ترفهوني وإلا أبطب من السطح

أمي : ليه ؟

أنا : ايه اسمحي لي أنا طابه طابه من السطح وإلا صلحوا كمبيوتري

أمي : مجنونة انتي .. كل ذا علشان الجهاز..


وتلحقني بالشبشب ( أمي أرهب وحده بالعالم ماتلبس عالي والا كان يخلف الله على عيني )
وتلحقني وانا أركض.. وماغير انا واياها دوران في الحوش حتى اني من كثر الدوران تبرمجت .. صرت ألف على البيت تلقائي ..

المهم اللي كتب الله حصل <------------------ مهيب معلمتكم وش سوت فيها أمها

الزبده اني قعدت شهر عقبها أناديها : يامامي يامامي
علشان تتحسن صورتي عندها
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آ
آآآآتشووووووو
وش فيكم ماقد شفتوا أحد يعطس :D :D :D
_____________________
مرة ثانية منقوووووووووووووول مع بعض التعديل .

[لولوة القلب]

|17| |17| |17| |17|

لا من جد مهي صاحيه على قولتكم (نايمه):D

يعني دحين احد يفتح على نفسه طاقة جهنم بنفسه


يله يارب الحمد للله على العقل


بس رهيبه ايش على بنتن مفاديه مررررره


تسلمي امولتي

روعه


:p

[ملجلج]

:D :D :D

:D :D :D

:D :D

ههههههههههههه

حلوووووة أختي بقايا ,.,


الله يعافيها ,.,

ما قصرت ,.,

يوم آوت العزاب المساكين في كمبيوترها ,.,


بصراحة حلوووة ,.,


بس نفسي أعرف وش سوت فيها أمها ,.,


مو لقافة ,.,


بس حب استطلاع ,.,