القناة السعودية الأولى .. دعوة للضحك .. اللي مايشتري يتفرج !

[سمير]

... يسعد مساكم جميعا ...

أكيد هناك ناس كثير مثلي .. يضحكون صباح مساء على واقع اعلام البلد !!

الجرايد + التلفزيون + الإذاعة .. كلهم في الهوا سوا ...

لاحظوا معي البرنامج الجديد .. المسمى بــ ( ذاكرة التاريخ ) ..

هذا البرنامج موسيقى من الدرجة الأولى ...

الموسيقى فيه بسبب وبدون سبب وليتها موسيقى هادئة ...

قمة الدفاشة ... وعععع ..

يأتيك بتراجم الأقدمين من العلماء وعظماء الاسلام والتابعين ...

وهذا شيء طيب .. لكن ايش تشوف بعد كذا ؟!

ترى صورة عبدالله غيث أو فريد شوقي في دور بلال أو حمزة أو سعد بن معاذ رضي الله عنهم أجمعين ..!!

عندما يقوم ولي العهد ( أيده الله ) .. بزيارة لأحد المجمعات التجارية

يطلع لك المخرج بذكائه الخارق وعبقريته الفريدة .. وسخافته اللي مالها حدود ..

ويتفنن في إغفال نقل المواقف المعبرة بين ولي الأمر والرعية ..

ويركز على نقل الصفير والتصفيق ... لا وبصوت عالي ..

ثم يركز على ولي العهد ( حفظه الله ) .. وهو يقرمش بطاطا مقلية من مطعم كودو ..!!

ولسان حال المخرج يقول .. ( شوفوا .. تراه ياكل مثلكم ويشرب مثلكم .. !! ) ...

أنا أعتبر هالحركة من المخرج إساءة لولي العهد حفظه الله ...

ذات يوم حدثت هذه الحادثة الغريبة .. ونقلت لنا على الهواء مباشرة ..

فحوى الحادثة ..

أن ولي العهد كان يصول ويجول في مجمع العقارية بالعليا في الرياض ...

وأثناء تجواله تمكنت طفلة صغيرة من إختراق الصفوف والوصول إلى سموه الكريم ..

وأخذت تصيح وتقول : لاتتركني .. أنا ضايعة في المجمع .. مش عارفة في أي محل في السوق ماما ؟!

طبعا ولي العهد تفاجأ !!

أخذته النخوة وبادر بكل تلقائية وحملها على ذراعه .. وأخذ يبحث عن أمها بنفسه .. .

لكن الظاهر إن الأم كانت مدربة بصورة غير جيدة على المشهد .. تأخرت مادخلت في الصورة والتقطت ابنتها .. .

حتى ملّ ولي العهد من هذه المسرحية التافهه

وسلّم الطفلة إلى أحد رجال الأمن ليبحث عن أمها ...

والله حاجة مضحكة .. هههه ... :D

إليكم هذه المتاجرة الأخرى بإنسانية ولاة الأمر من قبل رجال الإعلام في بلادي !!

قبل فترة نقل لنا تلفزيون (( إستقبل وودع )) .. أحد إستقبالات ولي العهد حفظه الله للمواطنين ...

وكان من ضمن المواطنين رجل طاعن في السن ...

فلما وصل هذا الرجل عند سمو سيدي ولي العهد ...

طلب هذا المواطن المرهق الكبير في السن من ولي العهد أن يناوله كأس الماء المخصص لسموه ...

بادر صاحب السمو وأعطاه كأس الماء ...

فأخذ الرجل يشرب ويشرب ويشرب الين ماعاد بقي شيء في الكأس ... وولي العهد ينتظر لين يخلص الشايب ...

هل تدرون مالذي حدث ؟؟!

طلعت علينا الصحف ثاني يوووم .. وقد نشرت ثلاث صور لهذا العجوز وهو يشرب من كأس ولي العهد ..

وتقول الصحيفة على صدر صفحتها .. ( قصة كأس الماء ) ..

وجلسوا فترة وهم مالهم قصة الا كأس الماء

اللي طلعوووه من حلق هالعجوز المسكين .. http://arabsgate.net/vb/images/smilies/32.gif

وعندما تأتي نشرة الأخبار .. ترى المذيع مكفهرا وجهه عبوسا قمطريرا :mad:

الظاهر عنده أوامر من المخرج بعدم الضحك والا .. http://www.lmasat.com/lmasatlaugh46.gif

طبعا خلفية النشرة والاستديو هي هي ثابتة من عشر سنوات ..

نشرات الأخبار في القنوات الأخرى تكون أمام خلفيات متحركة ..

وأناس يمشون .. ومذيعون يبتسمون .. وأخبار مثل الناس ... [/COLO] R

[COLOR=darkblue]ويبقى تلفزيوننا يبث تفاهاته وبرامجه المخدرة من نقل للمباريات طول السنة ..

وليت عندنا دوري كرة يفتح النفس .. وعععع .. وععععين بعد ...

إلى برقيات التهاني والعزاء ....



في إعتقادي أن ولاة الأمر حفظهم الله

ليسوا بحاجة إلى بعض الحمقى لكي يصفقون لهم ويلمعون .. مع أنهم في الحقيقة يشوهون أكثر مما يلمعون ..

ولاة الأمر حفظهم الله في حاجة إلى من ينقل لهم الصورة الحقيقية ....

لكي لا يكونوا بمعزل عن بقية الشعب ......

آسف على الاطالة .. بعض الكلام منقوول .. مش كله ..!!

يمكن أرجع أكمل الموضوع ..

باااي :)

[شذى الزيزفون]

اسمير

يا خي حرام عليك حنا ما عندنا الا القناة الاولي والثانيه لا وتخب


خلاص عاد لا تطنز

[لمياء]

الحديث عن إعلامنا ذو شجون ولنا معه وقفات في وقت لاحق ولكنك ياأبو سمارة محق فيما تقول تماما ..
نكته:
في أحد الأيام والمنتخب مهزوم والمبارة مسجله وما ندري عن نتيجتها
طلع لنا المذيع جميل سمان وهو يبتسم وكأنه مبسوط من النتيجة وحنا ياغافلين لكم الله..
لا ويوم الجمعة يوم الإجازة والترفيه تنقل القناة الأولى سباق الحمير عفوا الخيول وهي تتطارد ..
والظاهر أن القناة الأولى أفلست فهذه الأيام تعرض بعد نشرة الأخبار مسلسل ( الرجل الآخر ) وهو المسلسل الذي سبق عرضه قبل مدة بسيطة وفي نفس وقت عرضه السابق..

[الفجر الأسير]

قلت لك يا سمير أن القناة الأولى ليست قناة بالمعنى الحقيقي لها لأنها تتدهور يوما بعد يوم ....... وأعيد وأكرر بأن ما خفي كان أعظم...

[سمير]

هلا بعاشقة المستحيل

صدقيني لو يسكرون هالقناتين ... يكون أزين ...

أو على الأقل .. يحولونها إلى محلية فقط ...

يعني بلاش البث يكون فضائي ... فشلونا عند الخلق برا السعودية ...

تحياتي ياعشوووق



مرحبا لمياء

أما قصة جميل سمّان ضحكتيني عليها والله ... :D

يسلمك ربي .. تحياتي


هلا والله بالفجر

إنتي شكلك متخاصمة مع النهار .. مانشوفك الا بالليل .. هههه ..

عموما معاك حق ..ماخفي كان اعظم ..

حنا عاوزين نطلع ماكان أعظم هذي ..

تحياتي

[غريب المدينه]

أهلين سمير
أشبك على القناه الأولى السعوديه
ياخي إذا مايعجبك شي فيها لاتتفرج .
بس شكلك تطالع علشان تنتقد.

بس تبي الصراحه الإعلام السعودي بشكل عام إعلام متخلف لايملك أي هامش من الحريه حتى لمناقشة القضايا الإجتماعيه.
لك تحياتي

[شذى الزيزفون]

اسمير هذي اخر مره اسمحلك تطنز بالقناة السعوديه
يا خي مره فرح قلبي ومدحها

[لك عيـوني]

لاااااااااااااااااا وازيدك من الشعر بيت 0000

ترا القناه الثانيه تجيب اغاني اجنبيه وااااااااااااااااااااااو :D :D

الفديو كليب ما يستمر الا لثانيتين بس وانت عارف ليش :D

والبرنامج اسمه ليلة خميس 000

بس الكذب خيبه تراه يجيب اغاني اجنبيه صح :D :D

هههههههههه

تسلم اخوي سمير مشاركه جدا جميله 00

[شذى الزيزفون]

اجل انا ازيدكم من الشعر بيوووووووووووووووووووووت


تجيب افلام انما ايه تهوس
والله صراحة الافلام الي تجيبها قويه مثل فرقة الانقاذ ومثل خفر السواحا
ومثل ناني وماني
بس اشن ما فيهم انهم ما يكمالون الفلم
ويعيدونه
انا كل فلم اشوفه بالقناة الثانيه اشوفه مرتين او ثلاث

[dmoo3 ad]

مادري أدخل بالموضوع ولا لا..........راح أدخل....

<===متعودة على اللقافة.....


المهم.........

القناة السعودية تحط أغاني ....لكن لازم يكون المغني رجل.....طيب ليش.......؟؟؟...منتو تحطون صور حريم بالإعلانات والمسلسلات.....
__________________
ويلبسون لبحريم اللي بالإعلان حجاب..........طيب واللي بالمسلسلات..؟؟

((حريم المسلسلات شوفهم حلال..)):D:D:D

___________________

طيب إعلان الشامبو......يحطون شعر الحرمة بدون ووجها.ووجها بدون شعرها............طيب ليه تحجبونها من أول........؟؟؟



أنا آسفة لو زودتها..............بس الإعلام الخليجي واحد...

<====أحلى ياخليجي.....:D:D:D

[كاتمة الدمعة000]

صدقيني لو يسكرون هالقناتين ... يكون أزين ...

أو على الأقل .. يحولونها إلى محلية فقط ...

يعني بلاش البث يكون فضائي ... فشلونا عند الخلق برا السعودية ...

------------

أنا معاك ياسمير والله فشلونا من جد
ماعندهم الا الدجة .. برامج أكثر من بايخة ..
حتى البرامج الترفيهية صارو مايجيبونها أيام الدراسة مدري ليش
يعني الترفيه بالعطلة بس .. والله مدري ..:D:D:D
من جد زهق .. فشلونا .. :mad::mad:

بس أنت ياسمير خف شوي عن التلفزيون السعودي
مو دفاع عنه ..
بس لاتفشلنا قدام اللي يدخلون موضوعك هذا
من الأعضاء غير السعوديين ..:D:D:D
وأولهم دموووووع شفها داخلة .. :D:D
والله فشلة ..:rolleyes:

[الفجر الأسير]

بس والله دمووووع صادقه .... يعني أحس بتناقض تام فيما يعرض في التلفزيون السعودي ....

[سمير]

غريب المدينة

عاشقة المستحيل

سفاري

دموووع

كاتمة الدمعة

الفجر الأسير

منــــ ياحبايبي ــــورين

غريب المدينة ....

أشكرك على صراحتك .. بالفعل إعلام متخلف ...

عاشقة المستحيل ... يابنت ياهوووه .. انتي مالك ومال التلفزيون ...

لايكون محامية وزارة الاعلام انتي ... هههه تحياتي ..

سفاري .... وش رايك نفجّر برج التلفزيون ...؟؟

دموووع .... ياويلك مني ... بس والله كلامك صح .. وسليم 100% .. تحياتي ......

كاتمة او كتيييييمة او كتووووم ... منورة الموضوع ..

وبعدين مش انا اللي فضحت التلفزيون عند دمووع ....

التلفزيون فضح نفسه بنفسه .. جالس يبث فضائي ... والله حالة .....

الفجر الأسير .....

عوافي اختي .... نحتاج نشوفك بالنهار ..... ههه ..

ومعاك حق .... دموع صادقة .. ..

سلاااام .. :)

[سمير]

يقول صاحبنا :

من محاسن الصدف ..

أني كنت ذاهب إلى إحدى الدوائر الحكومية ... وفوجئت بالمذيع سليمان العيسى

في لقاء حي مع المواطنين والمقيمين في برنامجه المعروف (( مع الناس )) ...

وإليكم ماشاهدته .... :D


وقفت من باب الفضول أتفرج وأشاهد المسخرة والضحك على الدقون

سليمان : أحد عنده سؤال من الحضور الكرام ؟

شخص يرفع يديه

سليمان : تفضل

الشخص : أنا من جمهورية مصر العربية كفيلي مش عاوز يديني المرتب بتاعي من ستة شهور ؛

اشتكيتوا ما فيش فايدة

سليمان : لمن اشتكيت ؟؟

الشخص : لمكتب العمل

سليمان : أعتقد أنك غلطان الجماعة ما منهم قصور الظاهر أن البلى منك

وبعدين يا أخي الكريم إذا مو عاجباك البلد عطنا مقفاك وانقلع

سليمان : من عنده سؤال ؟؟

شخص من الحضور يرفع يديه

سليمان : تعال يا أخي

الشخص : أستاذ سليمان أنا في مشكل كتير هذا كفيل حرامي في جيب أنا في كلام روه في شغل برة

لازم في يجيب كل شهر ألف ريال

سليمان : المفروض نبلغ عنك الجوازات كيف تشتغل عند غير كفيلك ؟؟

الشخص : والله العظيم هذا كفيل مافي راتب سنة في كلام مافي عاجبك روه شغل برة

سليمان : الكلام هذا مو صحيح والوضع عندنا يا سلام سلم توكل على الله بس

سليمان : الي بعده

يقول صاحبي : قطعت ترددي ودخلت ببشتي

سليمان : حياك الله طال عمرك من معاي ؟

صاحبنا : معاك فلان الفلاني

سليمان : حياك الله وش المشكلة ؟

صاحبي عندي سؤلان

الأول : ليش تجاوب أنت بدل الشخص المسؤول في المكتب ؟

الثاني : طوابير العاطلين عن العمل متى تنتهي ؛ أرجوك لا تجيب على هذا السؤال ؟

سليمان : الشق الأول علشان الوقت يا أستاذ وبعدين أنا عارف الروتين والنظام الشق الثاني أل ........

صاحبي : يا اخي لا تجاوب أنت

سليمان : اسمع الجواب بس . مافي عاطلين عن العمل كل شي زين والأمن مستتب ولله الحمد وتوكل على الله ؛

الي بعده

[الكــKASERــاسر]

لا ما دريتوا السعودية بتطلع قناة رياضية جديدة

[ساحر الكلمة]

http://www.smilies.org/basesmilies/baaa2.gif

[سمير]

هلا حبيب البي الكاسر ...

قنااااااااة رياضية .. الصراحة انا مش متحمس لهااااااا ..

تشكرات ياغالي .. :)

[الرجل القاسي]

والله يا اخي سمير موضوع فعلاً ممتاز
وانا اشكرك على هذه الغيره على اعلمنا واضم صوتي الى صوتك
ولك تحياتي

[بسمة الضي]

بصراحة القناة السعودية الاولى تحزن وتضحك في نفس الوقت

لكن وش نقول الله يعين عليهم


احلى شي في القناتين هو الصلاة ونقلها وووووبس

سلاااااااااام

[سمير]

الرجل القاسي .. مرحبا بك عيووووووووووني ..

بسمة الضي مرحبا بك اختي

.................................................. ..............

ساحر الكلمة .... هلابك ..

بس لازم تعلق .. هيك مابيصير عمووووووووو ! :D