لغزجديد موديل 2003

[الوهاج]

الى الغالين في منتدى الوئام الجميل

اليكم هذه المشاركة الجديدة

قلتوا نبي لغــز نحــله على طول *** قلت ابشروا باللغز منا نجيبه
ياويش رجل حائـــر تقــل مشلول *** رجل لقيته فوق ظهر النجيبة
وكل على شي وهو عنه مسئول *** ومن ضيعه صارن عليه الغليبه
نظم أخوكم (( الوهاج )) 04/02/2003م

[الكنور]

الله0000الله0000 يالوهاج صح لسانك ملايين كفو قدها وماقصرت اوفيت

بوعدك

وش رئيك فى الرقروق

تحياتى

[المخلص]

هلا أخوي الوهاج يامرحبا شرفت المنتدي

ممكن يكون نبي الله نوح عليه السلام

[المعتزي]

اخوي الوهاج
الســـــــــــــــــــــــــلام عليكم ورحمة الله وبركاتة
تحيه وكل عام وانت بخير وعافيه00
وعندي محاولة 0وش رايك ف== المخيول== ( الفزاعه)
مع خالص تقديري0دمت بخير
اخوك=== المعتزي===

[عذب السجايا]

صح لسانك يالوهاج ومن العايدين انت والربع


وش رايك بعظيم ساري

[الوهاج]

أخي / عذب السجايا

صح بدنك وعساكم من عواده ومالك (لوا ) على الرمعة

شكرا لمشاركتك الغالية

(( الوهاج )) 16-02-2003 م

[المعتزي]

اخوي الوهاج
السلام عليكم ورحمة الله وبركاته
اخوي مادري ؟ مالك لوى للجميع 0او فقط لعذب السجايا؟
مع تحيات اخوك === المعتزي===

[الوهاج]

أخي الغالي// المعتزي وجميع الغالين

أخي المعتزي كل عام وأنت بخير وعافية أسف على ماحصل
ويبدو أنه كان عندي خطا بالدخول للمنتدى حيث لم أجد الا رمعة عذب السجايا فقط ورديت عليه أما الان 00 فجميع الحاولات لم تحل اللغز

تحياتي للجميع (( الوهاج )) 18/02/2003م

[الخيال الاول]

هلا بالوهاج وش رايك في الثوب اللي يوضع على عود في المزارع وغيرها ليرد من المتسللين والسباع وله اسم بس ما اعرفه وشكرا 00

اخوك الخيال

[جلمود]

هلا وغلا بالجميع

وينك يالوهاج


اخوك,

[الأعصار]

الأخ الوهاج السلام عليكم صح لسانك على اللغز
وش رأيك بالهدف الذي يكون أمام الرماه

وتحياتي للجميع...................

[أبن القبيله]

صح لسانك (( يالوهـــــــــــــــــــــاج ))

عندي لي رمعتين وش رايك
(( بالمرسام الخاص برسم الحدود سواء ًللأرض أوغيرها )) 0

والرمعه الثانيه (( الميقات )) ميقات الأحرام 0

/////////////// ذيب حوما ///////////////

[الوهاج]

ذيب حوما // صح لسانك اصبت الحل الصحيح

الحل ( مرسام الارض )

تحياتي لك ولكل من شارك بالمحاولات لحل اللغز ..

(( الوهاج ))

29/04/2003م