حاكم حكم له برئ متهوم

[عقيد القوم]

اخوانى

طال انتظارى اول قلت ماراح احط لغز لين تنحل اللى قبله

لانه لو كثرت وكلها ماتنحل ماهى حلوه

لاكن رجعت قلت خلينى اشوفكم مع هذا اللغز لانكم وحشتونى

ووحشنى مروركم على الغازى

تفضلوا هذا اللغز :-



حاكم حكم له برئ متهوم = نعمين بالحاكم العادل
مع رادة الله والمقسوم = لاهو حرامى ولا قاتل


مع تحيات محبكم عقيد القوم

[الأعصار]

صح لسانك ياعقيدالقوم
لغزك ذكرني بقصة الذي استدان من يهودي واذالم يتمكن من السدادفي وقته ياخذ اليهودي من جسمه كيلو من اللحم وبعدانتهاءالمدة تمسك اليهودي بشرطه وبعدمحاولات وصلت الى احد القضاة الذي حكم بتنفيذالشرط وقال تاخذ لحم واذااخذت معه دماساقتلك...... ومعذرة لللاطاله..
رمعه ثانيه وش رايك بحكم ايوب على زوجته

[عذب السجايا]

صح لسانك ...

وش رايك بسليمان عليه السلام والهدهد

تحياتي ،،،،

[عقيد القوم]

اخى الاعصار

مشكور على القصه

ومالك لوا فى حلك وحاول مرة ثانيه

ولك تحياتى اخوك عقيد القوم

[عقيد القوم]

اخى عذب السجايا

مالك لوا وحاول مرة ثانيه وتراك بتصيده

ولك تحياتى اخوك عقيد القوم

[الحربي]

ايش رايك في حكم المبارة

[عقيد القوم]

اخى الحربى

مالك لوا وحاول مرة ثانيه

ولك تحياتى اخوك عقيد القوم

[عذب السجايا]

طيب وش رايك في عزيز مصر ويوسف عليه السلام

تحياتي ،،،

[عقيد القوم]

اخى عذب السجايا

بيض الله وجهك وتسلم يالذيب يالغالى

وصح لسانك نعم هو عزيز مصر ويوسف عليه السلام

ولك منى الف تحيه وتقدير

اخوك عقيد القوم