المساعد الشخصي الرقمي

مشاهدة النسخة كاملة : تخيلو لو معكم ريالين ونص


مرتاد الافق
02 / 05 / 2003, 45 : 12 AM
هلابكم
كيفكم شباب وبنات

تخيوا في زمن الغلاء الفضيع اللي نعيشه الان

تخيل لو معكم ريايلين ونص بس :eek:|1|:eek:|1|

وش راح تسوون فيها :eek::eek::eek:

هنا
02 / 05 / 2003, 01 : 01 AM
ههههههههههه

هلا مرتاد تخيل رائع

لو في ها الزمن عندي ريالين ونص
كنت ما اصرفهم اوفرهم الى ان يرجع الزمن مثل ماكان
زمن الرخص الفضيع
يمكن ها الريالين ونص تجيب ليي ارض مرة وحدة
كل شي ممكن يصير

مشكور مرتاد
تحياتي

يارا
02 / 05 / 2003, 02 : 02 AM
اشتري بيت وسيارة وأعطي أمي وأبوي


واخلي الباقي (يمكن أحتاجه في السوق)..

مرتاد الافق
02 / 05 / 2003, 58 : 09 PM
هلا هنا

بس وشلون بتعيشين الين يرجع زمن الرخص

وانتي ما معك الا هالريالين والنص

مرتاد الافق
02 / 05 / 2003, 59 : 09 PM
هلا يارا

طبعكم يالحريم ماتخلونه ابد

فيكم السوق فيكم مافي فكه

أمواج الخليج
08 / 05 / 2003, 42 : 03 AM
بالنسبة لي..
راح اخذ كل شهر ربع الربع..لما تنفك الازمة
ان شاء اللة........

مرتاد الافق
08 / 05 / 2003, 54 : 03 AM
هلا امواج
اقتصادية حكيمة

كذا الاقتصاد والا بلاش

سند
08 / 05 / 2003, 26 : 03 PM
السلام عليكم ورحمة الله وبركاته

نخش في الموضوع :

راس المال = 2.5ريال

اشتري كيلو بليله ناشفه = 2.00

الباقي = عشرة قروش

على فرض أن كل الأدوات المطلوبة لعمل البليلة موجودة عند الوالدة في مطبخها

نطبخ البليلة ونكيفها ونحكمها ونحطها في قدرها ونضع جميع الأدوات اللازمة للبيع في كرتون ( موز شيلي ) وندور في الحي وبما أن لدي صوت لا يعلى عليه ( حظ ألا صنج ) أبدى في الغناء و00و يا بليله بللو كي سبع بنات صنعوك و00بليـ ااااااااااااااااااااااله
و0والله زمان يا بليله زمان 00زمآن 00زمآن 00زمآآآآآآآآآآآن يا يا يا 00يأمل الشام

ونجبر عند المغرب واللي يبقى نوزعه على العيال 00

وبأذن الله يكون المكسب ضعف الضعف يعني = عشرة ريالات

نشتري كيلوين بليلة وقارورة توت ونتوسع في التجارة وبيع بليلة وأس كريم
ونستقر وسط الحارة ونبيع ونشتري ويكون الربح الصافي اليومي أن شاء الله
خمسون ريال0
بعد شهر :

صافي الربح الشهري = 50*25= 1250ريال( يوم الجمعة إجازة )

نقوم نتوسع في التجارة ونبيع مع البليلة والاسكريم بطاطس وحبش وبساكيت

ويكون صافي الربح اليومي إن شاء الله 200ريال

بعد شهر

صافي الربح الشهري = 200* 25= ريال= 5000ريال

نقوم نتوسع ونأخذ ( الدستن ) اللي أعطوني أعضاء الشرف يوم كنت العب شرعه في نادي ( أردينا ) واشدالبليله وملحقاتها في ظهر الدستن ونشتري أبو ريالين وأبو خمسه وندور في الحارات والأحياء الشعبية ( هم اللي يعطون ورعانهم الفلوس ) ويكون صافي الربح اليومي 1000ريال

بعد شهر

صافي الربح الشهري = 1000* 25= 25000 ريال


نقوم ناخذ دستن ثاني وسواقه ونوزع المناطق وهات يابيع وشرا

وعلي الطريقة السابقة بعد سنة كأمله نكون بأذن الله نملك أسطول من الدساتن وموزعين لنا في عموم أنحاء المملكة 00

صافي الربح الشهري يكون =25000*50( دستن ) = 1250000

نقوم نتوسع وندخل على الدول المجاورة ومجاورة المجاورة ويصبح أسطولنا مكون من 200( دستن ) وربحنا الشهري للدستن الواحد = 50الف ريال

إذن يكون صافي الربح الشهري = 50000*200= عشره مليون ريال شهري 0

والله أعجبتني الفكرة و أخلصت فيها



باقي شيء نسيته وش وش وشهو ؟

ايوه: باقي نص ريال من الريالين هذا با اتبرع به لصاحب الفكرة الأساسي ومشكور ومجمل واعذرنا أن كان حصل قصور وقدرك ارفع !!!

أمواج الخليج
08 / 05 / 2003, 39 : 05 PM
شكرا....
هذا مدح...ولا.....ذم

مرتاد الافق
08 / 05 / 2003, 30 : 07 PM
هلا سند

والله لو الف براسي مية مره ما اجيب فكرة البيلية والدداسن

ماشاء الله اقتصادي بارع

مرتاد الافق
08 / 05 / 2003, 31 : 07 PM
هلا امواج

ذم لا والله مدح

_رون_
08 / 05 / 2003, 18 : 08 PM
يعني هو لازم النص..

ريالين يكفي..

ريال اشتري به بفك

والريال الثاني امممممممم بفك ثاني

بعدين ربي محلل الطراره نطر:)

أميرة
08 / 05 / 2003, 49 : 09 PM
اقووووووووول سند ما تبي شريك


ما عليك نعرف نطبخ خخخخخخخخخخخخخخخخخخ

سند
09 / 05 / 2003, 52 : 02 PM
الأخ : مرتاد


بعد التحية00000

طمئني هل وصلت الحوالة التي بعثتها لكم بمبلغ :ـ نصف ريال سعودي فقط لا غير وذلك قيمة الفكرة التابعة لسعادتكم
************************************************** ********

سند
09 / 05 / 2003, 53 : 02 PM
الأخت : أميرة


الحين بعد ما كبرنا واصبح الدخل الشهري لنا عشره مليون وينكِ من زمان يوم كنت أدور بكرتون البليلة وسط القوائل 00ومافيه أحد يفزع حتى يسوي الخل وإلا يغسل الصحون


وبعدين أكاد اشك في اجتماع شغلتين في راس بنت وخاصة إذا كانت الشغلتين مثل هذي

(( النت0000والطبخ


قامت الحرب 00000( امزح والله امزح )


وحتى اثبت حسن النية 00ارسلي السيرة الذاتية و100صوره شمسيه مقاس 50في 50

واجتمع مع الخبير الياباني سندو ونقرر حسب المواصفات والخبرة


سندكم للتجارة والنقليات 00

قصيميه
09 / 05 / 2003, 50 : 03 PM
هلا اخوي مرتاد الافق

انا بصراحه راح اعطيك النص

علشان اشغلك زي ما اشغلتنا

واسئلك ويش راح تسوي بالنص ريال الى نهاية الشهر

والريالين اللي معي مالك خص فيهم انا اعرف اتصرف ..

تعرف النسوان اعلم بذي الامور;););)

تحياتي لك اخي

زهرة بنفسج
09 / 05 / 2003, 10 : 04 PM
السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه

هلااااااااا مرتاد


انا عني باشتري ساندويشة وعصير


ورزق بكرة يجيبه الله

الله الرزاق
انفق ما في الجيب يجيك ما في الغيب

زهرة بنفسج.

مرتاد الافق
09 / 05 / 2003, 41 : 09 PM
هلا صمت المشاعر

هلا بالتوهيقه

ليه الاحراج هذا

مرتاد الافق
09 / 05 / 2003, 44 : 09 PM
هلا زهرة البنفسج

فكرة جميلة

اتكال على الله حلو

أمواج الخليج
10 / 05 / 2003, 10 : 09 PM
الحمد للة