ياويش رجال تحبه وتغليه

[المهاجر998]

لغز منقول


بعض العرب تشفق لشوفه وطاريه= وبعض العرب قربه يجيب المصايب
ياويش رجال تحبه وتغليه= وتفرح على بعده وهذي عجايب
تحيا به الموتا وهذي حسانيه=موتان ماحطوا عليهم نصايب

لغز اخوكم
ابو مبارك (النداوي)

[اصيل]

اخوي المهاجر

اسعد الله اوقاتك

يسلم عليك متيه المغاتير من شبكة الجبيل والمتواجد حاليا بجده ويقول سلم له على ابو مبارك ويحتفظ بالرمعه


اخوك اصيل

[برق الوسم]

:p:p:p:p:p:p:p
حليت لغزك والمخاليق تطريه !
.................. وحل اللغز يا المهاجر وهايب!!
هذا{المطر} وخالق الكون يجريه
.................. وبرق الوسم رمزي ياعز الحبايب

|4| |4|

آسف إذا كان الشطر الأخير مكسور ولكن كنت مستعجل شوي |1|

[المهاجر998]

اخوي اصيل مرحبا مليون فيك وفي متيه المغاتير

وقله سلامه وصل والله لايهينه ولا يطفالكم نور انشاء الله


المها جر 998

[المهاجر998]

اما انت يابرق الوسم ودي اقول لك صح السانك
لكن عدل رمعتك وانفذ ايدك وانت تراك في الميدان

يعني لك ضربة جزاء بدون حارس


المهاجر998

[الجهني]

اخوي المهاجر

عندي رمعه مرافقه لرمعة اخوي برق الوسم

وان كانت صحيحه

فأعتبر الحل لبرق الوسم

وهي ( السيل )

وتقبل تحياتي

اخوك / الجهني

[المهاجر998]

الجهنى مرحبا مليون فيك

تراك في الميدان وحا ول مره ثانيه

[المعتزي]

اخوي المهاجر
السلام عليكم ورحمة الله وبركاته
اخوي عندى محاولة لو تكرمت ويش رايك في (النظر 0الشوف)
مع تحيات اخوك ===المعتزي===

[المهاجر998]

يالربع اسمحو لي اقول لبرق الوسم صح السانك وانت تقريبا جبت حل اللغز 90 في الميه

وصاحب اللغز يقصد حفر المطر

واشكر كل من شارك في اللغز

وابشرو بالعوض اخوكم النداوي بيعوضكم بلغز ثاني


المهاجر998