عندما تقال لك العبارة الشهيرة ( قم ذاكر ) اليك أفضل طرق المذاكرة

[لك عيـوني]

أفــضــل طــريــقــة للــمــذاكــرة....:

يبدأ يومك المذاكري..من الظهر..واعتبر الصبحيه عطله....العب..ونابط لين يطيح اللي براسك..


حين تأتي حزة القايله..وماتسمى ايضا بالحزة اللي مالها داعي..حيث ان الجميع يعبرون عن سخطهم من الحر..في هذه الحزة..عليك بالتفاهم مع الرز...تفاهما جيدا..ولايهون كأسين لبن عقبه..


بعد هذه الغدوة الرايقه..انطلق الى فراشك...وانبطح..انبطاحة عميقة..وتمتع بالنوم هانئا...وانس شي اسمه اختبار...


بعدما تقوم من النوم طق لك ترويشة معتبرة....واتبع مايلي ..:


- تأكد من ان التلفزيون مافيه شي مهم...مثل فلم او مباراة...لأن ذلك سوف يخليك تهوجس بالتلفزيون كثيرا...وبالأختبار..سوف تخبص تخبيصة ليس لها مثيل..


- اذا كانك تدخل النت..فيفضل ان تتهاوش مع اصدقائك..او صديقاتك..كي لاتشتاق لهم..فإن دخلت النت..في يوم الأختبار..فاسمح لي اقولك انك حظك رايح فيها..مقدما...


- حينما تبدأ المذاكرة...لاتلبس لبس معقد...فايشغلك..وانت تذاكر..ويفضل للعيال لبس سروال السنه..وفنيلة نص كم...


- اذا كانت المادة طويلة..وتحتاج الى فهم...وصادفك درس مافهمته...فاعمل بمقولة ابوسليمان التي تقول...أجّل عمل اليوم الى الغد....نستشف من هذه المقولة..انك اذا بلشت بدرس مافهمته..فعادي..انقز الصفحة..ومحد داري عنك...


- عند احساسك..انك مافيه امل تخلص المادة..وانك من جنبها..واحسيت باحساس الدجاجه اذا شافت الديك مع دجاجة غيرها ( ادري المثال مهوب يم الموضوع )..اهم شي..لا تياس...وذاكر..واذا ماخلصت ..فلامانع من نقز بعض الدروس..على اعتبار انها محذوفة..


- لا تذاكر وانت معك قلم رصاص...كي لاتقعد تشخبط على الدفاتر...


- افضل جلسه للمذاكرة..هي الأنبطاح..مع اسناد اليد اليمنى على مركى..ويدك على خدك..واليسرى..تفتح الكتاب..


- لا ضرر من قرض الفصفص والفستق اثناء المذاكرة..ولا تضع قشور الفستق بصحن..بل جدعها يمينا ويسارا..ولايهمك احد..والظاهر عندكم شغاله تنظف عقبك..


- اذا كان لك صديق..دافور..وتعتبرونه المصري حقكم..فلابد من تضبيط العلاقة معه..فقد تحتاجه..اذا اكتشتف بيوم الأختبار انك ماعندك كتاب اساسا..


- أكثر من شرب الشاهي...فهو سبب رئيسي في الذهاب الى الحمام ( وانتم بكرامة) وفي هذا المكان..يصل الواحد الى قمة ذكائه...وتستطيع ان تفهم ماعجزت عن فهمه بغرفتك...اسأل مجرب ولا تسأل طبيب...


- قبل الذهاب الى قاعة الأختبار...اهم شيء البس شماغك..ودق لطمه..واربطها ربطا محكما..لأغراض..مهمه..


- اختار موقعك بالقاعه...قريب من اثنين ناوين يغشون...واسدح اذنك عندهم..فقد تنقز عليك معلومة انت ناسيها..


- ادخل القاعة..وانت مسوي فيها..ماهمك الأختبار...وانك ضامن تجيب 102 من 100..كي يجحدك المراقبين ولا يمرون من عندك..على اعتبار انك خابز المادة..مايدرون انك من جنبها مع احترامي للي جنبها..


- انس قلمك..مع وضع قلم احتياط في مخباتك ( جيب ثوبك )...فقد تحتاج لحيلة نسيت قلمي ياستاد..واذا لم تحتاجها...طلع قلمك السبير..


- واخيرا وقبل كل شيء...اقر آية الكرسي.....وبالتوفيق :D

[هنا]

وبتطبيق تلك الطرق اضمن لكم درجة كاملة في جميع المواد من دون اسثناء

مشكور لك عيوني
لنصائحك التي تقدر بالذهب

[لمياء]

مرحبااااااااااا


بعد هذه الغدوة الرايقه..انطلق الى فراشك...وانبطح..انبطاحة عميقة..وتمتع بالنوم هانئا...وانس شي اسمه اختبار...
..


يازززززززين النوم :) << أفضل حل للفكه من المذاكره :rolleyes:



كانك تدخل النت..فيفضل ان تتهاوش مع اصدقائك..او صديقاتك..كي لاتشتاق لهم..فإن دخلت النت..في يوم الأختبار..فاسمح لي اقولك انك حظك رايح فيها..مقدما...

يؤيؤيؤيؤ
يتهاوش مع خلق الله عشان مايشتاق لهم :confused: << هذا مو حــل


حينما تبدأ المذاكرة...لاتلبس لبس معقد...فايشغلك..وانت تذاكر..ويفضل للعيال لبس سروال السنه..وفنيلة نص كم...


طيب والبنات وش يلبسوووووووون !!:D





- لا تذاكر وانت معك قلم رصاص...كي لاتقعد تشخبط على الدفاتر...

كثروااااااااااااا منها
<<واحد من كتبها صار أسووود من كثر التخطيط والشخابيط


لا ضرر من قرض الفصفص والفستق اثناء المذاكرة..ولا تضع قشور الفستق بصحن..بل جدعها يمينا ويسارا..ولايهمك احد..والظاهر عندكم شغاله تنظف عقبك..


ماتلاحظون ان الفصفص يكون حلووووووو في ايام الامتحانات :D



مووووووووضوع أكــثر من رائع
كــــل الشـــكر والتـــقدير الك

مع تحيـــــــــــات
أختـــكم


http://www.tahmeel.com/up/02/1066944256.gif

[alrayyan10]

لك عيـوني ... هلا بالغالي :)

لا ضرر من قرض الفصفص والفستق اثناء المذاكرة..ولا تضع قشور الفستق بصحن..بل جدعها يمينا ويسارا..ولايهمك احد..والظاهر عندكم شغاله تنظف عقبك..
صادق..أنا أبدأ المذاكرة والمكان حولي يتحول مزبلة (الله يكرمكم)ما في إلا فصفص (قشم حب على قولة الحساوية ^_*)

- أكثر من شرب الشاهي...فهو سبب رئيسي في الذهاب الى الحمام ( وانتم بكرامة) وفي هذا المكان..يصل الواحد الى قمة ذكائه...وتستطيع ان تفهم ماعجزت عن فهمه بغرفتك...اسأل مجرب ولا تسأل طبيب...
وأنا أشهد إن هذا الشي صحيح(مجرب)

أما التعليمات الأخيرة إلا في القاعة ما اتبعتها إلا قراية أية الكرسي :)

وألـف شكر لك على الموضوع الحلـو قبل بداية الاختبارات

تحياتي
ريان

[أمواج الخليج]

اهلا...

يبدأ يومك المذاكري..من الظهر..واعتبر الصبحيه عطله....العب..ونابط لين يطيح اللي براسكاكيد

عليك بالتفاهم مع الرز...تفاهما جيدا..ولايهون كأسين لبن عقبه..سبحان اللة مشهورة هالحركة
- اذا كانت المادة طويلة..وتحتاج الى فهم...وصادفك درس مافهمته...فاعمل بمقولة ابوسليمان التي تقول...أجّل عمل اليوم الى الغد..
حكمة جديدة...>>> اجربها لكن على مسؤليتك لك عيوني:D

اختار موقعك بالقاعه...قريب من اثنين ناوين يغشون...واسدح اذنك عندهم..فقد تنقز عليك معلومة انت ناسيها..حلوه هالحركة..:cool:

شكرا يالك عيونك...
طرق نافعة..جربها وخبرنا:D :D

[لك عيـوني]

الرّسالة الأصليّة كتبت بواسطة هنا
وبتطبيق تلك الطرق اضمن لكم درجة كاملة في جميع المواد من دون اسثناء


اووووه افا عليك :D

يسلموووووو عزيزتي هنو على حضورك وتعقيبك

..

احتراماتي

[لك عيـوني]

الرّسالة الأصليّة كتبت بواسطة لمياء
مرحبااااااااااا





يازززززززين النوم :) << أفضل حل للفكه من المذاكره :rolleyes:

المذن اذن ( الصلاة خير من النوم )

شرهتك يالمذن عاللي ينامون :(



يؤيؤيؤيؤ
يتهاوش مع خلق الله عشان مايشتاق لهم :confused: << هذا مو حــل

اقسم لك بالله اني متهاوش الحين مع كل عيال عمي وعيال خوالي في هالفترة :D





طيب والبنات وش يلبسوووووووون !!:D

أنتم ابخص <<< انتبه يا ولد


مووووووووضوع أكــثر من رائع
كــــل الشـــكر والتـــقدير الك

مع تحيـــــــــــات
أختـــكم


http://www.tahmeel.com/up/02/1066944256.gif

يسلموووو على مرورك لمو

احتراماتي

:)

[مرتاد الافق]

اهلين ابو عوينا
شابفك ماشاء اللله عليك مدهر بها اليومين

بس وينك انت وخشتك عن الماسنجر والا الله يخلي البلوك

<<< قلبنها تشات

نرجع للموضوع

اختار موقعك بالقاعه...قريب من اثنين ناوين يغشون...واسدح اذنك عندهم..فقد تنقز عليك معلومة انت ناسيها..
مجربه مية ميه شي غير طبيعي
يوصلك الغش وانت منت طرف فيه
يعني تستفيد من غير مشاكل

[لك عيـوني]

فإن دخلت النت..في يوم الأختبار..فاسمح لي اقولك انك حظك رايح فيها..مقدما...

أنا قاعد أطبق هالنصيحة هذي حاليا .. أرجو عدم التشويش :D

لي عودة لكم :)

..

[لك عيـوني]

هلا وغلا امواج :)

اي تجربة يا شيخة !

والله اني مطبق النصايح يحذافيرها :D

مشكووووورة عالمرور ..

احتراماتي

[لك عيـوني]

الرّسالة الأصليّة كتبت بواسطة مرتاد الافق
اهلين ابو عوينا
شابفك ماشاء اللله عليك مدهر بها اليومين

بس وينك انت وخشتك عن الماسنجر والا الله يخلي البلوك



أٌقول ؟؟ كم معرف عندي الحين ‍‍‍‍‍‍‍!!!

أبو عيون وابو عوينات ولك عيونها وعيونها لك :D

بالنسبة للادهار اكيد انك لاحظت هالشي :D

تعرف الواحد ورواقته

بالنسبة للماسنجر عادة اكون اون لاين

بس حظك ردي وانا اخوك :)

خالص شكري مرتاد الافق فق فق فق :D