المساعد الشخصي الرقمي

مشاهدة النسخة كاملة : قصـة كــوميدية واقـــعية


ssb
05 / 09 / 2004, 09 : 04 PM
السلام عليكم ورحمة الله وبركاته

قصـة كــوميدية واقـــعية وهي باللهجةالسعودية اعتقد اهل السعودية راح يفهمونها اكثر


سعيد وتهريب المخدرات .قصة قصيرة واقعية تموت من الضحك
سافر سعيد قبل كم يوم الى دولة خليجية ( يزعم انها سياحة ) تمشى كم يوم ...ويرجع بلاده

سعيد هذا بالمناسبة ملقوف ...مصخرجي من الدرجة الأولى مع اللي يعرفه واللي ما يعرفه !

حتى أمّه ما سلمت منه ! المهم وصل سعيد الى الجوازات ...لقى المبنى فاضي , ما فيه الا كم عسكري

من عساكر الجوازات اللي نفس الواحد من شينها كأنها قطوة ميتة وخايسة لها اسبوع !

المهم راح سعيد وسمت وجهه عند أقرب واحد ..وعطاه ابتسامة الله لا يوريكم

( ضرسين ذهب يتدلون ...وضرس ألومنيوم مثبت بمسمار ) المهم شافه العسكري وقال في نفسه:

أعوذ بالله من الشيطان الرجيم !! رح يا خوي انقلع من قدامي ...اقصد رح تفضل الى الأخ اللي على الطرف هنااااااااااااااك

قال سعيد بصوت خافت : شكله ما عنده ثقة في نفسه ! والا الظاهر مب كفو يمسكونه أختام !!

راح سعيد للطرفاني ...وقف قدامه ...وقال : أنا أرسلوني ..إِللللللللللللللللللللللك ومد ايديه ( وسواها على طريقة ميشو النصراني ثقيل الدم)

ابتسم العسكري وقال بصوت خافت : يا الله إن تعطينا العقل يا رب

سأل العسكري سعيد مازحاً وهو يختم على جوازه ويدخل معلوماته للكومبيوتر : هل معك شيء يا أخ سعيد ؟؟

قال سعيد : شيء مثل شو يا أخ عسكري ؟؟؟

قال العسكري : يعني ...شيء ممنوع كذا والا كذا يا أخ سعيد ؟؟؟

رد سعيد بضحكة ماكرة وغمزه من عينه اليمنى : شيء ممنوع مثل شو يعني يا أخ عسكري ؟؟

قال العسكري دون أن يرفع رأسه وينظر اليه ( والله ما ألومه ) : يعني ..مثلك عارف ..حشيش ..هيروين ..كوكايين يا أخ سعيد ؟؟

ضحك سعيد ضحكة كأنه قاعد على قهوة الفيشاوي هههههههه ...وقال

: يخرب بيت سمو حضرة ابليس سعادتك يا أخ عسكري ؟؟

قرّب سعيد من الدريشة اللي تفصله عن العسكري وقال بصوت خافت : والله إن بغيت الصراحة ..ترى معي ..شوي ..بس شوي حشيش استعمال شخصي يا أخ عسكري

أما الترويج فلا والله والعياذ بالله ....! ثم ابتسم وهمس للعسكري يا الله يا عم ابسط حيرقونك على ظهري !! بس ما تنسنيش من الذبيحة !! قالها سعيد وضحك ...وتراي أموت في الكلاوي

والكبدة ....!

طبعاً سعيد كان يمزح لأنه مش حق هالسوالف ...هو حبة بنادول تجيب راسه وتسطله ..!

المهم ...ضحك العسكري ...وقال : طيب يا أخ سعيد ...وين خشيتها ..كيف دسيتها ؟؟؟

قال سعيد بصوت خافت وهو يتلفت ويضحك ( والله إن يطلع هذا الضحك يا سعيدان ) : في القزوز ( أي عادم السيارة ) يا أخ عسكري !

قال العسكري : طييييييييييييييييييييييب ..نشوف إن شاء الله استرح شوي اذا سمحت يا أخ سعيد ...نادى العسكري على جندي عنده وهمس له بكلام
وذهب الجندي مسرعاً

قال سعيدان : يا ابن الحلال خلصني أنت تدري اني أمزح يا استاذ عسكري ؟؟
قال العسكري : كلها دقايق ونشوف أنت تمزح والا لا ؟؟؟

جاء النقيب ومعه بعض العسكر وتكلم مع العسكري على الدريشة وأمر بالقبض على سعيد
سعيد بغا يغمى عليه من الخوف ...أول مرة يشوف عساكر يقبضون على شخص ..كان أول يشوف يوسف شعبان في المسلسل وهو يمثل دور شرطي

وحسن مصطفى يمثل دور البرادعي المجرم ! أما الحين ..والدور عليه ....والله ورحت فيها يا ابو السعاديد

كلبشوا سعيد ..الرجال يحاول يتكلم ما فيه فايدة ..صوته ما يطلع المسكين ...يحاول يسوي طريقة الصم والبكم ما فيه فايدة ...

جابوه عند سيارته ...قال له الضابط : في القزوز هاه ..نشوف الحين يا استاذ سعيد !

جابوا كلب بوليسي وهدوه على سيارة سعيدان ...قام الكلب يدور على السيارة ...يدور ..وعيون سعيدان تدور معاه ...

وهو يفكر يقول : لا يكون أحد من عيال الحرام حط لي شيء في السيارة وأنا مدري ...

المهم قلب سعيدان قام يدق ليوا ! ...والكلب يدور ...وفجأة وقف الكلب عند مكان في السيارة وقام ينبح بشدة ..قام سعيدان يكح ..يكح ..اححح ...
يبا الكلب يروح والا يخاف ..لكن ما فيه فايدة ...تدرون وين وقف الكلب ؟؟؟؟؟ ..

عند القزوز ! ...

سعيدان بغا ينهبل ...القزوز !! لالالالالالالالالالالالالا..لا يكون أنا حاط شيء وأنا مدري ! .. ..القزوز ...مستحيل ...مستحيل ...

قال له النقيب : حبيبي ما فيه مستحيل في هالدنيا ...العب على غيرنا يا استاذ سعيد !

قال الضابط للعسكر : جيبوا المشبك ...جابو أداة مثل المقص أو المشبك

وأدخلوها في الشكمان ليسحبوا اي شيء في داخله ....

سعيد ..قلبه يدق معلايه على كيف كيفكم ! ...

سحبوا المشبك واذا فيه كيس فيه بودرة بيضاء !!

أغمى على سعيدان على طول .... ( والله وطلعت أي كلام يا سعيدان ..خخخخخخخخ )

جابوا له ماي ...وهفوا عليه بمروحة ....المسكين قام يصيح مثل الصغاريه ..الله يلوم اللي يلومه ...يحلف بالله ويقسم أنه فيه خطأ

وانه كان يمزح ...وان احد المهربين في ذلك البلد هو اللي حط له المخدرات في القزوز من دون ما يدري !! يقسم ..ويحلف ...

ويبكي ..كأنه في فيلم هندي ! ...والله مش أنا ...والله مش أنا ...ايت ايز نوت مي ..نو داس نهاربو هباوي ..

سن فن عن روس فريك ..قام المسكين يتكلم بكل لغات الدنيا ...
حاول الضابط يهديه شوي حتى يقدر يتكلم معاه ويحقق لكنه ما قدر !! ما شي شال الدنيا صياح ... والعالم يطالعونهم...

آخر شيء قال له الضابط : ممكن تنتطب شوي يا استاذ سعيد ؟؟؟

سكت سعيد....

فتكلم الضابط وقال : شوف يا استاذ سعيد ...

الكيس الأبيض هذا حنا اللي حطيناه حتى نجرب الكلب ونختبره !

خخخخخخخخخخخخخخ

ومنها تتوب مرة ثانية عن المزح اللي مال أمه داعي ....
خخخخخخخخخ

قام سعيد وبحركة هستيرية يبوس في الضابط ..والعساكر ..والناس ...ما صدق المسكين
وصرخ في الختام : توبة ..واللة توبه ....أنا تبت على ايديكم ...انا تبت