ماقطع باللي بنوه الروس....لكنها قطعت اكفوفه

[الأعصار]

جمٍ بوســـط الرجل مدسوس=والتل يأتي على طـروفه
ماقطع باللي بنوه الــروس=لكنها قطـــــعت اكفوفه
رجــال ما ينشرى بفلــوس=ياسامعي ستٍ احــروفه
امنـــاي اوله لك ملـــــبوس=وياعل مغليك مايـــشوفه
قول المثل يالفطن لاتحوس=ولا ظنتي ابـعرفه اكلوفه
واتلاه لامن اتى معكـــوس=فيه الكريم يكرم اضيوفه

[ابو فهد]

صح لسانك يالإعصار على هذا اللغز
ولو سمحت ممكن التوضيح هل هو كائن حي أو جماد
وشكراً

[الأعصار]

صح بدنك يابو فهد
وابشر باللي تبي يالغالي ..المطلوب جماد
وتقبل تحياتي

[جلمود]

هلا وغلا بالجميع


صح السانك يالاعصار على هذا الابداع

ولي عوده ان شاء الله


اخوك: جلمود

[جلمود]

اخوي الاعصار

والله قلبته يمين يسار

وعندي رمعه


ويش رايك في تاج محل
اخوك: جلمود

[الأعصار]

اخوي جلمود
وش هالتألق الله لايضرك
صح لسانك ويقال ان العاملين فيه لما انتهوا من بنائه قطعت اكفهم من شان لايعملوا مثله
واللي يبي تفسير انا مستعد
صح لسانك يابو تركي وبيض الله وجهك
تحياتي

[الأعصار]

جمٍ بوسط الرجل مدسوس....حرفي الجيم والميم بالوسط
والتل يأتي على طروفـه ..اطرافه التاء واللام
ماقطع باللي بنوه الروس
لكنهـا قطعـت اكفوفـه ....سبق توضيحه
رجال ما ينشرى بفلـوس
ياسامعي سـتٍ احروفـه
امناي اوله لـك ملبـوس...اوله تاج والمقصود المثل الصحة تاج على رؤوس الاصحاء لايراها الا المرضى

وياعل مغليـك مايشوفـه ...اذا شاف التاج مغليك حسب المثل يكون مريض
قول المثل يالفطن لاتحوس
ولا ظنتي ابعرفه اكلوفـه
واتلاه لامن اتى معكـوس
فيه الكريم يكرم اضيوفـه ..محل واذا انعكست اصبحت لحم
آمل ان يكون واضح