انشدك عن رجل ٍ غني ٍ بلا مال

[جلمود]

انشدك عن رجل ٍ غني ٍ بلا مال=ألهاه طرد المرجله مابعد حـج
لاله ولد عم ولاله ولـد خـال=يطيب فعله لاتركد لـه العـج
له موقف ٍ مايدركه كل رجـال=مصيّت ٍ بالفعل لو باللقا هـج

منقول

جلمود

[الأعصار]

صح لسانك يامشرفنا الغالي
الظاهر اني يالذيب مطفي النور ولكن ابتاكد ولي عوده
تحيتي لك

[جلمود]

مايطفا لك نور يابوماجد

مايحتاج تتأكد انا متأكد

جلمود

[عازف الناي]

صح لسانك يامشرفنا الغالي
الظاهر اني يالذيب مطفي النور ولكن ابتاكد ولي عوده
تحيتي لك

أخوي الغالي ( الإعصار )

أسعد الله جميع أوقاتك أنت والجميع

ولكن يا خوي لو خليت تطفيت النور لمثلي كان أشوى

وهذاك غيرك يا أبو ماجد اللي يرمعها وهو مطفي نوره ماهو بأنت.

سلمت وصح لسانك على ( الظاهر أني ((( يالذيب ))) مطفي النور......)

جبتها في قلب الذيب ويستاهل ليه ما حج مثل الذيابه.

-----------

أخوي العزيز ( جلمود )

صح لسانك وسلمت يمناك على هاللغز الجميل والأختيار الأجمل

ولكن يابعدي تكفى المرة الثانية دور الوقت اللي أبو ماجد مشغول فيه أظن يجيلنا نصيب ونصيب الحل لو مرة.

اللهم لا حسد ما شاء الله عليه الأعصار راعيها والله شرواك أخوي.

لاهنت وبيض الله وجهك أنت ومن جاب الحل.

تقبلوا مني كل الود والتقدير

[جلمود]

هلا وغلا بالجميع

صح السان الجميع وكلكم مافيكم قصور

تحياتي لكم


جلمود