الــلــي مـا عــنــده اســـطـــــه لا يــدخـــــل

[شــــــــــوق]

يسعدلي مساكم اخواني واخواتي

انا موضوعي وبصراحه شديده عن استخدام حرف (الواو) بحياتنا
واكيد كلكم تعرفون ايش هوه حرف (الواو)

حرف هالواو هو اللي صاير ما نقدر نسوي بدونه اي شي
سواء بمجال الدراسه
العمل
مشاريع
جامعات
حتى العلاج

الــــــواسـطـــــه
لكن انا استفساري هوه
هل الواسطه هذي ..نتجت من المجتمع نفسه ونظرة الواحد ان معه ورقه او توصيه من احد (انه يكشخ ويشخص فيها)؟

او ان فعلا الظروف والامور ما صارت تمشي من دونها؟
وليش الواحد مننا ما يخلي اعتماده على الله من دون سواه!!

انتظر ارائكم
شــــــــوق

[معدل بواسطة شــــــــــوق بتاريخ 27-04-2001 عند 07:59 PM]

[wafei]

.....

..


هلا شوق

ودخلت وبدون واسطه
الحمد لله الدنيا بخير للان :)

موضوعك جميل
وعنوانه اضفى عليه جمال اكثر


ياعزيزتي

كلامك صحيح
وهذا الوضع السائد الان وللاسف

واعتقد ان ذلك يعود الى عدم الاحساس بالمسؤولية والناتج عن قلة الامانه

ولكن
لو كل منا عمل بضمير وادرك الامانه الملقاة على عاتقه
لما احتجنا لذلك الفيتامين المدمر




هذه وجهة نظر فقط
ولكل وجهة نظر




تسلمين شوق


كلك ذوق

[AL-MSAFER]

تحياتي شوووووق من جديد

وانا بعد جيت اقووووووول هذا السائد عندنا اليوم بدون واسطة

والله ماتمشي حتى في البقالة عندك واسطة تحاسب قبل العالم ماعندك

توكل على الله يعني هالمشكلة صايره في العالم كله والله يعين مين

يقدر الحياة ويتركها بدون مجاملات وواسطات ماراح يقدر يعطيك

العافية اختي شوق والله يوفق الجميع تحياتي

المسافر...

[خالد]

شوووووق هلا وغلا بك مساك الله بالرضا والسرور
انا ماعندي واسطه ولكن انتي واسطتي بالدخول لهالموضوع الحلو
للاسف ان الواسطه هي كل شي هاليوين اللي ماعنده واو يموت
واللي عنده حياه الله
حتي المعدل والشهاده ماتفيد ولكن مايفيد هو الواو او الورقه اللي معك ووش مكتوب فيها
وفي اعتقادي انه اللي فرض هالشي هو مدراء ورؤساء الدوائر الحكوميه
واتتمني من ولاه الامر لدينا حفضهم الله وابقاهم بان يصدروا التعليمات لمنع هذه الضاهره السيئه
وقد صدرت فتاوي من هيئه كبار العلماء بتحريمها شرعا لان من ياتي بواسطه يااخذ الشي بدون وجه حق ويوجد من هو اكفاء منه سواء دراسه او وضيفه
ودمتم

[شــــــــــوق]

هلا وغلا فيكم الــوافي\\الـمــسـافر\\خــالــد

الف شكر على مروركم
وفعلا احنا صرنا بزمن مثل ما قال اخوي العزيز المسافر لو تبي تدخل البقاله يبيلك واسطه

الله يعين بس

يعطيكم العافيه
شــــــوق

[جرب تحب]

أول ماشفت العنوان دخلت تدرووون ليه لان عندي واسطة بالمنتدى ( سامي افهمها ) وقلت يمكن فيه حاجات خاصة ما يبون أي أحد يدخل يشوفها .. الا الناس المهمين زيي .. هاهاهاهاهاهاهاها
وطلع الموضوع عن الواسطة .. بصراحة موضوع مهم .. وحساس جدا .. والحقيقة ان عندي أمثلة كثيرة على الواسطة بس ما ودي ننشر غسيلنا بالمرة ... لكن اللي احب أقوله .. انا باقسم هذا الموضوع إلى قسمين .. ( بعد اذنك شوق ) ..
فئة متوسط لهم ( يعني الواسطه لهم ) هؤلاء الناس تجدهم فرحين بتميزهم عن الآخرين .. لأنه استطاع أن يكسر الجواجز لصالحة .
والفئة الأخرى .. هم من يقوم بعمل الواسطة .. يعني الفيتامين نفسة .. ذولي بصراحة هم المشكلة ولكن ليعلموا بأنهم محاسبين على مايفعلونه .. ولو تقيدوا بالنظام والقوانين الموضوعه لتلاشت المشكله .. ولكنهم ضعاف نفووس .. لاتجد أكثر من الدعاء لهم بالصلاح .
والمشكله أن العملية أصبحت تبادل مصالح .. يعني على قولة ما ادري من هو اللي قايلها لي قبل كذا .. ( أمسك لي وأقطع لك )

والله باقي عندي كلام كثير ... بس يكفي كذا الى الان ..هاهاهاها
يالله اترك المجال لغيري .

[ساهر الليل]

شــــــــــوق
الواسطه اصبحت حقيقه نعيشها كلنا اليوم
و على العموم انا لو كان لي موضوع مو بحاجة واسطه بدور له واسطه لانه على الاقل بلقا استقبال و توديع جيد
و الواسطه اصبحت كل شيء
و لا تنسي بان رسول الله صلى الله عليه و سلم سيشفع لامته دون سائر الامم يوم القيامه

[سامي الطيب]

هلا شـــــــ(( آميرة الحب ))ـــوق

مساء الخير والحب والرقه والاحساس والطيبه لعيونك

آنا ماراح اتكلم عن الواسطه ودورها فى حياتنا الحاليه ولكن

اقدر اتكلم عن اضرار الواسطه الواسطه الان كل شي فى حياتنا

للأسف وتشمل الواسطه النفاق والكذب و اهم الاضرار الظلم الذى

يواجهه الانسان الضعيف فى هذه الحياة من اثار الواسطه حتى

لو تبي تدخل اخوك الصغير او اختك المدرسه يلزم واسطه او اختك

لما تتخرج من الثانويه يلزم واسطه علشان تدخل الجامعه فى

القسم اللي تحبه واذا كان عندك واسطه مثل بعض الناس هم يعرفون

انفسهم كان دخلت اختك الجامعه حتى لو كان تقديرها 50% لكن اقول

دنيا غريبه الكلام عن الواسطه كثير والواسطه فى كل حياتنا كما

اسلفت سابقا انما الاهم والجدر بالموضوع مضار الواسطه فى

مجتمعنا ... والسلام ختام

تحياتي لكم من ســــــــــــامي الطيب

[جرب تحب]

سامي من تقصد بعض الناس هاهاهاههاهاهاهاهاهاهااهاهاه قصدك أنا .. أنا مره توسطت لواحد ودخل السجن .. هاهاهاهاهاه

[سامي الطيب]

جرب تحب

هههههههههههههههههههههههههههههههههههههههه

من اليوم ما اعرفك ولا ابي لك واسطه زين عيونى

امممممممممممممموا ^_*

[دانه]

الاخت العزيزة شوق 00 والكلام للجميع 00
في رأيي الشخصي ان الواسطة في زمن كهذا 00 ملئ بالاتكاليه 00 والكسل 00 والهروب من روتين النظام الذي يراه البعض مملا ً 00 اصبحت الواسطة حقيقه لابد منها 00
فكما ذكر الاخ الفاضل المسافر ان الواسطة اصبحت حتى بالبقالة 00
اضيف 00 مثالا 00 بسيط جدا مما يتكرر في حياتنا اليوميه بدون استغناء عن الواسطه 00
فلولا الواسطة بالسائق ( الهندي ) لما وجدت مكانا لركن السيارة 00ولولاه ايضا 00 لما سعد اطفالنا بالمزيد من الهدايا مع وجبة ماكدونالد 00 هذه ابسط الامور 00 اختي العزيزة 00 فمابالك بالاهم من هذا كثيرا 00 مما لايسع المجال لذكره الان 00
ختاما 00 لا يجب ابدا انكار دور حرف الواو العزيز في حياتنا 00 فبه سهلت صعاب الحياة ( بعد الله سبحانه وتعالى ) 0

والله الموفق 0

[وهم]

:(


ابي واسطه عشان ارد



:(

[AL-MSAFER]

ياهلااا وهم خذ راحتك لها الدرجة تبي الواسطة طيب خذها :D

حياك حبيبي يعد اذن شوق تفضل عطنا رايك تحياتي

المسافر...

[اميرة الشوق]

..... اختي .. انا لي راي مخالف ,,,

الوسطة شي مهم .. ويمكن للي في حالتي .. اوكي خالني اقولكم شو صار .. تخرجت من الكلية .. طبعاً لازم الشغل .. قلت حق اهلي ما ودي بوسطات .. خلوني اشق طريقي بروحي ... (( فيلسوفة زماني )) المهم اني حاولت لمدة سنة ونصف ... تقولون في اي تجاوب كل ما اروح مكان الا قالوا مافي شواغر ,, مافي مكان للعمل ,, المهم اني يأست .. كان في كرت .. ترى بعض الوسايط موجوده عندك .. (( العائلة)) بس مشكلتي ما كنت ودي ابين انا من بنته .. عشان اكون حصلت كل اللي ودي فيه بعرق جبيني
المهم اني بعد ياس اتصل فيني شخص قال لك اليوم مقابلة في هذا المكان ,, تخيالوا امتحان القبول .. الاسئلة كانت ,, انت من بنته وثاني سوال من يقربلك من هولاء الاشخاص طبعاً بعد معرفو اسم العائلة ,,, تصدقون اني اشتغلت .. بمجرد رفع سماعة تلفون
لا ومديرة ... تخيلوا شي غريب صح ..

لكن والله انا ارتحت وخاصة انا المكان انا الامره الناهية فيه .. الكل يمشي بطوعي .. وصرت انا اشغل اللي ابي .. يعني يوماً لك ويوماً عليك .. بس مشكلتي ما اعرف اشغل بنات عوايل وياي انا اسئل عن مؤهلات .. لانه هذا اللي راح يمش العمل

المهم ما احب اطول .. لكن صدقوني هذا الواقع المر اللي نعيشه ...

حياتك لازم فيها وساطة

اختك

[شــــــــــوق]

حياكم اخواني واخواتي
والف شكر لكل من تكرم وشارك بهالموضوع

يعطيكم الف عافيه
وبالنهايه اتوقع انها الواسطه
شـــــر لابـــد مــنـــه


وهـــــــم خذ راحتك اخوي
مــســافر هو الواسطه هنا :D

شـــــــوق

[وهم]

مشكور اخوي مسافر على الفزعه ..


ومشكور اختي شوق على مراعاة المساكين اللي زيي :(



بس حبيت اوضح لكم انه ما عندي واسطه .. وخفت اقولها وانا ماعندي اسطه تزعلون علي .. قلت خلني ادبر لي واسطه اول عشان اقول لكم انه ما عندي واسطه حتى عشان اقول انه ما عندي واسطه .


سلام .