المساعد الشخصي الرقمي

مشاهدة النسخة كاملة : حاااااااااال المتــزوجين ......نبداء فيهم


امير الليالي
12 / 07 / 2001, 45 : 05 AM
اول سنه في الزواج

الساعه 6:30 صباحا :

تودع زوجها وهو طالع للعمل وتقول له ( بتوحشني يا حبيبي )

الساعه 11 صباحا :

تتصل عليه في العمل وتقول له ( حبيت اسمع صوتك بس ياعمري )

الساعه 3 العصر :

تستقبله وهي متشيكه وهو داخل للبيت وتقول له ( الغدا جاهز يا حياتي ..تحب احطه لك الحين ؟ )

الساعه 5 العصر :

تصحيه من النوم وتقول له ( اعمل لك شاي يا حبي ؟ )

الساعه 6 المغرب :

تسبل عيونها وتقول بكل خجل ( يا ريت يا حبيبي .. يعني لو

ما عليك كلافه .. يعني اذا تقدر توديني شوي لبيت اهلي
اذا كنت تقدر يا عمري ) وقبل ما ينطق بكلمه ( اذا ما
تقدر خلاص مو لازم ) وطبعا يضيع هو في نظره من عيونها
ويوديها لاهلها ولو انهم ساكنين في مكة وهو ساكن في جدة

الساعه 8 بالليل :

تتصل على الجوال وتقول ( اشتقت لك يا عمري .. يا ريت

تمرني ونروح للبيت ) وطبعا هو عارف وش بيجيه في البيت

فيطمر ويقول للشباب ( اسف والله يا شباب راسي مصدع ولازم

امشي )

الساعه 10 بالليل :

تجلس وتقول ( الله يا حبي تتذكر ؟ تتذكر ايام

الخطوبه لما كنت تعمل المستحيل عشان تشوفني ..وانا يا ما

كذبت على ابوي وقلت له اني طالعه مع امي وانا اصلا متفقه

مع امي عشان اطلع معك )
.................................................. ......
بعد مرور عشر سنوات

الساعه 6:30 صباحا :

هي في سابع نومه

الساعه 11 صباحا :

هي برضه في سابع نومه

الساعه 3 العصر :

تستقبله وهي نافخه نفسها ولا ديك رومي وتقول ( شف لي حل مع ولدك الوااافي

هذا ..حتى الان ما حل الوجب ..وبنتك زهرة

انشاء الله شاقه مريولها في المدرسه …عطني فلوس لازم

اروح اشتري لها واحد غيره … والمسافر يبي علبة هندسه تو

انه يقول لي يوم ان الاختبار صار بكره … وترى مجدولين

تكنفست مع الدرج وهي كانت في المشايه … والظاهر انها

تعورت …كله من هالشغاله الله يا خذها ….اسمع يا انا يا

هالشغاله في هالبيت ….ابيك اليوم تسفرها ما ابي اشوفها

وابيك بسرعه تقدم على وحده ثانيه ….وما ابيها تصير

حلوه …..يا ويلك لو صارت حلوه …..وبعدين شغالتي ابيك

تشرط عليها اذا سفرتها ما عاد تشتغل عند احد ….عشان ما

تقول اسرار بيتنا للناس الي تشتغل عندهم ( ما تدري ان

اسرار بيتهم كلها عند الجيران من لسانها هاللي وش طوله )

و …و …..و

الساعة 5 العصر :

هي تفك مشكله بين الوااافي واخوه ويصحى هو على صوتها وهي

تهاوش وتدعي عليهم بجميع الامراض الخطيره الحديث منها

والقديم ( جعلكم للطاعون …جعلكم للحمى …جعلكم للوادي

المتصدع …جعلكم للحمى القلاعيه …والايدز ..الخ )

الساعه 6 المغرب :

هو جالس يشرب الشاهي وهي تقول ( نبي نروح لامي بتجيهم

بنت خالة جد ولد عم ابوي ..وبعدين نبي نروح نشتري للبنت

فستان ..وبعدين بنت عمي والده ولازم اروح اشتري لها هديه

من باتشي و ابي امر على المشغل ..وبعدين حطنا عند اختي

في الشفا من زمان ما شفناهم …………..

وفي هاللحظه فكر هو انه يشتغل ليموزين احسن له

الساعه 8 بالليل :

تتصل على الجوال ( وينك فيه ؟ وبعدين وين بتروح ؟ ومنهو

الي معك هذا ؟ ووش بتسون ؟ ومتى بتجي ؟ لا ما فيه الساعه

11 تعال الساعه 10 )

الساعه 10 بالليل :

جالسين هي وياه عند التلفزيون ..اخيرا هدوء ..والعيال

نايمين ..والجو جميل ..وفجأه تطالعه وهي ماده بوزها

وتقول ( الحين امك وش عندها اليوم ما ترد يوم اني سلمت ؟

هاه ؟ ) ( والله ما ادري كان سالتيها ) ( واختك وش

هالحركات الي مالها سنع …ليش عازمه الجيران وكل حريم

اخوانك الا انا ؟؟؟ لكن هين والله لاسوي عزيمه وما

اناديها …اصلا هي ما زارتني في المستشفى يوم اني ولدت

وانا فاهمه قصدها ..لكن هين ..والله لو تحب السما ما

نيب زايرتها اذا ولدت ……وبعدين بنات عمك وش عندهم نافخين

عمرهم ؟؟ على ايش ابي افهم ….على جمالهم الزايد اللهم لك

الحمد بس ) تسكت شوي بعدين تقول ( وبعدين اختك بنت عنيزه يوم

انها تقول ان وااافي ولدي يشبهني ما يشبه ابوه وش قصدها

هاه )ملاحظه : علي هو اشين اخوانه) ( انا فاهمه قصدها

وتراها اذا ما بطلت هالحركات والغمز واللمز تراني

ابسمعها كلمتين واخليها تحترم نفسها …..لا وذاك اليوم

تقول اخوي الصااارم ( الي هو الزوج ) حلو مره و3 من حريم

الجيران قد خطبوه لبناتهم ….من زينك بس ما ادري وش لاقين

فيك ) . يسكت وما يرد , تسكت هي ثم تقول ( وبعدين اخوك

شاري لحرمته ساعه قيمتها عشرين الف ريال ) يرد ( طيب وش

المشكله ؟ ) ( وانا ليش ما تشتري لي ..والا انا ما

استاهل ..ولو هي يعني احسن مني … بلاك ما شفتها ..شينه

وطبايعها شينه وحتى طبخ ما تعرف تطبخ ) ( خلاص اشتري لك

ساعه ) تعصب وتقول ( ايه تسكتني بهالكلام ….والله لانت

شاري ولا شي ) ( وش تبيني اقول يا بنت الحلال ؟ ) تقوم

وهي تبكي ( خلاص ما ابي منك شي )

الساعه 11 بالليل :

هي زعلانه ونايمه مع العيال

وهو كاره اليوم الي تزوج فيه

شــــــــــوق
12 / 07 / 2001, 51 : 05 AM
يالله صباح خير

اخــوي امير اليالي
حـــرام عليكم مو كل البنات هذا وضعهم:mad: بصراحه
ممكن يكونوا البعض
لكن مو كلنا0

شــــــــــوق

روووعه
12 / 07 / 2001, 09 : 06 AM
هلاااااا امير الليالي ...

والله انى ضحكت :D :D :D :D :D :D :D :D خصوصا بعد عشر سنووووات

تصوير رائع ونهايه بنشوفها فى اغلب البيوت :eek:

تحياتي ....

امير الليالي
12 / 07 / 2001, 26 : 06 AM
مررررررررحبا شـــــــــــــوق

لالالالالالالالالالالالالالالا

انا ما اقصد كل البنات

انا اقصد البنات اللي ماتوا

والبنات اللي اتولدوا

والا لسه حيتولدوا

والا ما حيتولدو ;)

وبس :D

امير الليالي
12 / 07 / 2001, 29 : 06 AM
هلااااااا وغلاااااااا زهــــرة الجنـــــة

رائع ان يعجبك الموضوع

والاروع انه خلاكي تضحكي

ويكون اروع من رائع

لو ذكرتنا وش يصير بعد 20 سنه

عشان تزيد ضحكاتك

شكرا لتعقيبك

ويسعدني ان يكون الجميع

ســـــــــــــــــــــــــعداء

تحياتي ،،،،،

Rose
12 / 07 / 2001, 37 : 05 PM
أهلين أخوي امير الليالي...
حرام عليك ياشيخ....ترى شوق صادقة موكل البنات كذا...
وبعدين في نظري إن الرجال هو الي يخلي الحرمة تمل منه لأنه اما يسهر برا كثيير..
أو معاد يسمعها الكلام الحلو الي كانت تسمعة...
وتلقى عيونه مدبسة علىالقنوات الفضائية.!!!
فكذا أكيد الحرمة بتمل!!!

تحياتي...

مجنون بنت ابوها
12 / 07 / 2001, 39 : 05 PM
اخوي..... امــــــــيــــــــرالــلــيالي......
مساء الأنوار........مساء الخيرات.....
مشكور على المعلومات..... قبل مانتوهق:D :D :D
ابسألك سؤال ...انت متزوج:D :D :D
ههههههههههه والله شكلك بتقول لا....
مشكور على الموضوع الحلو هذا...
وتقبل تحياتي....

امير الليالي
12 / 07 / 2001, 51 : 05 PM
مررررررحبا roooooooose

ادري انه مو كل البنات يا روز

لكن انا اقصد البنات المتزوجين ;)

اما اللي ماهم متزوجين مساكين

مالهم ذنب :D

(( خليتوها قضية ))



تحياتي ،،،،،

امير الليالي
12 / 07 / 2001, 53 : 05 PM
مررررررحبا مجنون بنت ابوها

مساء الرضى والسعاده

اما انت انصحك لا تتزوج

لانك مجنون منها قبل تتزوجها

لو تزوجتها وش حيصير :confused:


تحياتي ،،،،،

abs33
13 / 07 / 2001, 42 : 03 AM
....
مرحبا امير...
ذكرتنى بواحد...الف كتاب فى السجن ..وجاله المساجين الى فيه...
ولما سالوه ..دخلت السجن قال....




متزوج...
لها الدرجه؟؟؟الزواج ؟؟؟؟

بنى الجزء الثانى...
:)

مجدولين
13 / 07 / 2001, 21 : 05 AM
هلااا أمير
موضوع يجنن
مرررررة حلو
بس مالقيت غير تعفسني بالمشاية
على الأقل احسن من الوافي


تحياتي

امير الليالي
13 / 07 / 2001, 30 : 08 PM
مررررررررحبا مجـــــــدولين

لالالا لااااااااااااااااا

سلامتك الف سلامه

بس المره الجايه

انتبهي لنفسك ولمشايتك ;)

وليش احسن من الواااافي

وش فيه الوافي ؟؟؟


........................
تحياتي ،،،،،

امير الليالي
23 / 07 / 2001, 47 : 11 PM
للرفع
ودي اشوف
تعليقات الناس السعدء
والمتزوجين حديثا
واللي حيتجننوا ويتزوجوا ;)

تــطوير
24 / 07 / 2001, 29 : 02 AM
مراااحب ياأمير

يالله صباح خير

وش مسريك في ها الليل

وبعدين وش له تحش غي خلق الله

لا وفي الوافي بعد............شكلك رحت فيها انت والأسد حقك لا وفرحان يركض بعد

لك تحياتي وتقديري

امير الليالي
24 / 07 / 2001, 45 : 02 AM
هلااااااااااااا تطــــــــــــــويـر

اسعدالله صباحك بالخيرات

وين الاسد اللي تقولي عليه

تعبت وانا ادور

ما لقيت غير النمر اللي بيجري

سالته عن الاسد ... يقول انه ما مر من هنا ;)

..........................
تحياااااااتي

تــطوير
24 / 07 / 2001, 50 : 02 AM
هلاااااااااااااا امير

صباح الخير

انا قايل انك سهران لك على بلاوي

الا صحيح .........هذا نمر والا أسد

يالله ياصاحبي......... هذي ضريبة السهر

الواحد ما هو قادر يميز


تحياتي

امير الليالي
24 / 07 / 2001, 58 : 02 AM
مرررررررررحبا تطوير

ولفنا يا صاحبي على السهر

لكن مو زي ما بتقول على بلاوي

لكن باحول اشوف موضوع يسعد

الجميع ويسليهم .. وما كتبت غير موضوع

واحد ( انا والبحر ) وبعده ماني قادر الحق

على الردود


........................
تحيااااااااتي

شمس الضحى
24 / 07 / 2001, 31 : 04 AM
امير حرام عليك كل الظلم ذا وتبينى ما اتكلم

تعرف وش ودى اسوى فيك اقول لك

ودى اجيب نمر وصقر واربيهم وافلتهم عليك

واشوفهم كيف يصرعونك لكن دلنى من وين اجيبهم

بعدين تعال هنا مو كل الحريم مثل بعض

احيانا ما يطلع انياب المرأه الا الرجل

لكن الخير يخص والشر يعم

عموما سامحك الله بس اسال لى من وين اجيب نمر

امير الليالي
24 / 07 / 2001, 46 : 06 AM
هلاااااا وغلاااااااا شمس الضحى

نورتي المنتدى الترفيهي

اخيرا زرتينا واتكرمتي
................
بكلامك يعني المرأه لها انياب اساسا

ومستعده تبرزهم وقت الضروره وغير الضروره

حشا ماهم حريم هذول ( دراكولا ) :D
................
من جدك تبي صورة نمر

والا نمر حقيقي

انا عندي نمره ( مو متوحشه ) في المنتدى

لو تطالعي جنب اسمي فوق تلاقي اسمها ;)



..............................
تحياااااااااتي