موضوع ماله داعي (مجرد خزعبلات)

[بنت عنيزة]

لي كم يوم وانا ادور موضوع انزله هنا مالقيت:( :(

مدري وش السبب هو انا ما اعرف ادور
والا المواضيع ماتبيني القاها :confused:


بصراحه ضايقن صدري بكرا دوامي ومدري وش اسوي:( :(

وطبعا طالما فيه دوام يعني مافي نوم
الاماتدرون وش السر حتى لو الواحد له اسبوع مانام
مستحيل يجيه النوم :confused: :confused:

تصدقون عاد والله احترنا:confused:
بالاجازه نمل ونقول متى يجي الدوام
واذا جا الدوام قلنا لته ماجا
صحيح ان ابن ادم مايلي بطنه الا التراب

واللي يضيق الصدر اكثر اذا قربت فاتورة التلفون

لان المسأله بيصير فيها هواش:o عاد لاتسألون مين يهاوش مين خلوها مستوره:D

اييييييييييييييه يادنيا سقا الله ذيك الايام :( :(
قبل التلفونات والتلفزيونات
والطيارات والسيارات
يوم كان الناس بعضهم لبعض
واكلهم عيش ومرق
الاخ يسأل عن اخوه
والولد يدور عن ابوه
البنت تعرف قدر امها
والطفل يشتاق يضمها
يوم كان الجار للجار
والناس كلهم احرار


(خطيره والله احس اني صرت شاعره :D )






:D :D :D :D <------- انظرو كم هي ناصعة البياض ,نعم لانه يستعمل سجنال تو


اممممممممممممم <---------(مسروقه:D )



هكذا اذالقد عرفت السر الانhttp://www.geocities.com/madina_8/wgh/wgh89.gif http://www.geocities.com/madina_8/wgh/wgh89.gif http://www.geocities.com/madina_8/wgh/wgh89.gif http://www.geocities.com/madina_8/wgh/wgh89.gif

[مجنون بنت ابوها]

هلا.....اختي ....بــــنــــت عنيزه...
مساء...... الورد....
كيفك؟؟؟
والله حتى وعلى قولتك مافيه موضوع بس صدقيني ..... استانست... وضحكت بعد...
بس الإجازه مافي مثلها .... احسن من العمل والدراسه==>(واحد بليد)..ههههه:D :D


واللي يضيق الصدر اكثر اذا قربت فاتورة التلفون

لان المسأله بيصير فيها هواش عاد لاتسألون مين يهاوش مين خلوها مستوره
ههههههه معك حق اكثر واحد مستفيد من الفواتير شركة الأنفصالات قصدي الأتصالات...:p :p
اقول بنت عنيزه.... والله انك شاعره ... والله بجد ما اجامل كلماتك حلوه تذكرني بكلمات عبدالرحمن
بن مساعد... فيها ....سخريه من احوال مجتمعنا بالوقت هذا ..
**على فكره كولجيت... افضل من سيجنال..:D :D :D
طيب اللي ماعنده اسنان مثل ذا:eek: :eek:
وش يستخدم ؟؟؟هههههه
مشكوره اختي بنت عنيزه....

[الرهيب]

اقول بكرة وراك دوام وروحي ارقدي 000 انتي فيه قرقر كثيييييييير http://www.mahroom.com/forum/images/smilies/biggrin.gif


































لاتزعلين امزح 000 موضوعك بصراحة امتعني


تحياتي لك

[معاني]

ياهلا ومرحبا نور المنتدى
يا عيني على المواضيع
احسن مني ماني عارفه اكتب
ااااااه ادعي لي بس


خلاص وعد ما تتركينا
مو مثل العام طنشتيني و ما جيتي:p

[بنت عنيزة]

مرحباااااااااا بالجميع

يعني افهم من كذا ان في احد قاري خزعبلاتي

واكيد قلتو الحمدلله والشكر اهل العقول براحه

طيب مب مشكله
اهم شي اني نمت البارح تصدقون عاد
علاج جديد للارق
انت تكتب خزعبلات من هنا وتنخمد تنام من هنا

بسم الله وعلى بركة الله نستلمكم واحد واحد

مجنون بنت ابوها

ياهلا ومرحبااافيك شرفت موضوعي

تصدق عاد يوم شفت اسمك انبسطت :)
ليه :confused: :confused:
لان فيه مثل يقول
رزق المدري مين على المدري مين
عاد انت افهم اللي تفهمه وقط الباقي :D

اقول الله يسلمك مير ويكبر بواجبك
اللي كلاماتي تذكرك بكلمات عبد الرحمن بن مساعد
على كذا اطرح ديواني للسوق
هقوك ينجح :rolleyes:
واسمي نفسي النابغه العنيزاوي تيمنا بالنابغه الذبياني
هو كذا اسمه
والله مدري احس اني قمت اخور

تسلم على تشريفك للموضوع
يعطيك العافيه ماقصرت

[بنت عنيزة]

مرحبااااااااا الرهيب

عاد اي واحد فيهم 2000 او 2001
اكيد 2001 واحد لانه يكتب عربي :D

حياك الله نورت الموضوع

وابشرك الحمدلله نمت وشبعت نوم

ورحت الدوام وكملت نوم:o عاد رجاء هذا سر بيني وبينك

علشان الفشيله بس (احد ينام وقت الدوام:confused: عادي اصلا في احد صحاي وقت الدوام:D )

هلاابك مره ثانيه واسعدني تشريفك

[بنت عنيزة]

مرحبااااااااا معاني (الريس الثاني بتاع الحته :D

اسعدني دخولك موضوعي اللي مهب موضوع اصلا


تسلمين يالغاليه والمنتدى منور فيكم

واما سالفة كتابة المواضيع احس انها ولاده مهب كتا به
لا ومتعسره بعد:eek:

من جد علشان اكتب موضوع لازم جو خاص
وقت خاص
وحاله خاص
وبعد هذا كله ليته يطلع زي الناس
بس ميخالف موضوع يفوت ولاحد يموت :D :D

على فكره
انا فعلا اسفه على موضوعك
كانت حاطته ببالي بس مدري مين شاله:confused:

لا من جد كنت بشارك
بس نسيت
والله اني مشكلتي مشكله مع النسيان :confused: :confused:
الكبر شين:D :D
فلعذر والسموحه منك
وان شاء الله مايصير خاطرك الا طيب:) :)

تحياتي لك والف شكر على تشريفك

[معاني]

خلاص سامحتك يا قمر
اصلا انا اقدر ازعل;)


ومن ناحيةالكتابه اي سالفه لها داعي اكتبيها هنا
واذا مالها داعي احلى و احلى طبعا رح تكتبيها هنا:D

هنا جايين نستانس و نضحك و نبشك :D


وبنت عنيزه لها الاولويه طبعا

كيفك مع المنتدى
تركوكي الخاينيين:D


لا حرام ..بس صحيح ايش مسويه قدها ان شالله

[امير الليالي]

ياهلااااااااااا وغلااااااااااا

معقوله بنت عنيزة عندنا

هلت الانوار بنت عنيزه وسعيد بوجودك

انت شاعره النصف الاخر

وشاعرة الاسرة والمجتمع

اي موضوع منك مقبول

المهم تكوني بيننا ومعانا دائماااااااااااااااااا


...............................
تحيـــــــــــاتي

[بنت عنيزة]

مرحبااااااا معاني

مشكور عزيزتي وعارفه ان قلبك طيب

ولايهمك اي موضوع له داعي او ماله داعي بكتبه عندكم
والله يعينكم على خرابيطي:D :D :D

منتدى الاسره الحمدلله
هذاني احاول اني اغطيه
مع اني مقصره والله
مع الدوام صاير الوقت عندي ملخبط
لكن انشاء الله احاول انضم وقتي اكثر

تحياتي لك ويعيطك العافيه

[بنت عنيزة]

مرحبااااااا امير الليالي

مشكور اخوي وماقصرت

وتسلم على الاطراء

تراني صدقت اني شاعره
وكذا تحدني اني انتقل لمنتدى الشعر :D :D

الله يقدرني على التواصل معكم
بس هو الوقت عندي يبغاله تنظيم شوي

تحياتي لك ويعيطك العافيه