ابيكم تساعدوني في الاختيار المناسب ..

[فطامي]

مرحبا حبايبي ..اول شي دام اني هني بسلم على الحبايب ..مراقبين هالمنتدى المميزين امير الليالي ومعاني .. واسلم على كل الاعضاء اللي يزورون هالقسم واتمنى للجميع التوفيق ..

امير الليالي اشوف كانك بديت تنسحب عن منتدى الصداقه شويشوي .. خذتك المراقبه ها ااااا ..;):)

على العموم .. ندخل بالموضوع ..

انا انشاء الله انشاء الله انشاء الله .. في نيتي اقوم بعمل جمعه لاهلي وقرايبي وصديقاتي .. جان زين بنات المنتدى يحضرون ;) وشبابها ولاتزعلون http://www.mahroom.com/forum/images/smilies/tongue.gif المهم .. وطبعا راح يكون في بنات من جميع الاعمار وابي اسوي مسابقات متنوعه لهم وماني عارفه شنو اسوي لهم بالضبط ..

قلت بسوي فريقين واساله واجوبه ونقاط .. هذي مسابقه .. بس ابي مسابقات اخرى اسويها .. ساعدوني للي عنده فكره حلوه ينورني ..:)

وبعدين نبي مسابقات عاقله مو خبال .. يعني ياكلون ولايشربون بسرعه ومن هالنوع انا اعرفهم ماراح يرضون يسوونها ..

يالله بسرعه .. ناطرتكم على ناااااار :):):)

[معاني]

اهلين فطامي حبيبتي
قال اخذني قال
انا توني جايه نازل فيني بهدله ( حسن الضيافه )ولا يهمك انت تامري
بس سامحوني انا عندي ظروف هاليومين
وان شالله بارجع اقوى

[بنت عنيزة]

هلابك فطامي
مشاء الله ليتني معكم بالجمعه:D :D

يله ان شاء الله تنبسطون وتستانسون

شوفي بقولك بس مدري تعجبك او لا

لعبه الصندوق
اقصد تجبين علبه او صندوق صغير وتحطين داخله شي
مثلا مشط او مقص او اي شي
بحيث كل متسابق يسأل عن صفة من صفاة هالشيءبحيث تكون الاجابه نعم او لا
كأن يسأل :هالشي يؤكل فتكون اجابتك نعم او لا
ويحدد لكل متسابق سؤالين مثلا
اذا عرف ياخذ الجائزه
ماعرف تنتهي فرصته وهكذا

ان شاء الله تكون اعجبتك

واذا تذكرت شي ثاني بقولك عليه

[بنت عنيزة]

ايه فطامي تذكرت

خبي اي شي صغير في مكان معين

واللي يلقاه ياخذ الجائزه
هو صحيح البيت بينعفس
بس ماعليش بعد مايطلعون رتبيه:D :D

ادري بتقولين بايخه وحقت اطفال:p :p

[الرهيب]

فيه لعبة الشعر

اقسمي المجموعة مجموعتين 000 تبدأ المجموعة الأولى وتقول بيت شعر000 ترد المجموعة الثانية بالحرف الأخير اللي انتهى به البيت يعني ( مساجلة ) بس مو مثل مضارب البادية http://www.mahroom.com/forum/images/smilies/biggrin.gif


وفيه لعبة اختيار الشخصيات

يختار واحد شخصية ( في نفسه ) والباقين يسألونه عن هذه الشخصية واللي يحلها هو اللي يختار شخصيته 000 وهكذا


وفيه لعبة من غير كلام ( معروفة )


هاه عسانا جبنا شي يرضيك


والله يعينك ويوفقك على انجاح الجمعة




تحياتي لك

[مجنون بنت ابوها]

هلا......و.....غلا..... اختي..... فـــــــطـــــامـــــي....
مساء...........الورد.....
مساء.....الأنوار.....
الله يسعدكم .... دوم ان شاءالله.....ويجمعكم على خير....
طيب عندي فكره بس يمكن تكون .... صعبه شوي...
الحين جمعي.... كذا بيت من كذا شاعر ... خل نقول من شعراء الكويت ....
مثل.... بدر بروسلي....وعبدالأمير عيسى ..والأسير....ودعيج..ووووو الخ...
زين.... وانتي .. تقولين بيت واحد من الأبيات.... وتسألينهم منو اللي قال البيت هذا....
اذا لهم معرفه اما اذا كانوا مايعرفون.... الشكوى لله....
على العموم ...انا عارف الفكره ذي...مدري وشلون جاتني...شكلي تذكرتها ايام...كنت اسهر
والعب ذي اللعبه قصدي المسابقه..

[فطامي]

مرحبا معاني .. انا بانتظار افكارك قريب .. وناطرتج اخذي راحتج :)

=======

هلا وغلا بنت عنيزه من صج جان زين انتي ويانا :) عزيزتي افكارك حلوه وايد واعجبتني فكرة الصندوق وانشاء الله راح اظمها لمجموعة مسابقاتي تسلمين يالغاليه .. اما الفكره الثانيه ماينفع .. ثلاث ارباع الزوار بنات متزوجات وبعضهم عندهم عيال .. يعني ماراح ترضى تركظ مني مناك وتدور :D:D تعرفين البنات الحين يبون يتسابقون وهم قاعدين ;)

على العموم تسلمين واذا تذكرتي بعد هم قوليلي على افكار ثانيه :)

=======


عزيزي الرهيب .. مشكور على مشاركتك وماقصرت بس احنا للاسف مانعرف بالشعر الشيء الكثير بحيث انسويه مسابقه يعني انا متاكده لو بسويها محد راح يفوز :D:D على العموم مشكور واذا عندك افكار اخرى انا جاهزه لسماعها :)

======

هلا وغلا مجنون بنت ابوها اعيد واقول نفس الكلام الشعر مانعرف فيه شي يعني المسابقه بالنسبه لنا ماتنفع للاسف .. مشكور وايد على مشاركتك وهم اذا عندك افكار اخرى اعرضها الله يعافيك .. شكرا مره اخرى وماقصرت :):)

[الصارم]

الأخت فطامي
إذا كنت تريدين أنواع وأشكال للمسابقات خذي ما اعرفه
1- طريقة لعبة الطحين وهي ان تضعي ثلاث او اربع من الصحون وتضعين فيهن طحين ثم تأتي أربع متسابقات والتي تنهي الطحين من الصحن لها الهديه 0وفي النهايه تجدين الوجوه بيضاء وهي مضحكة جدا في النهاية

2- لعبة التفاح وهي تختا رين عدد من المتسابقات وتضعين على عددهن صحون في كل صحن طبعا الصحن فيه ماء التفاحه تطفح فوقه ثم تقوم المتسابقات وايديهن خلف ظهورهن ويقمن بأكل التفاحة بالفم فقط دون التحكم بالا يدي ومن تنهيها فهي الفائزة

3- لبعة الوصف 0 يقسم الفريق الى أ-ب فريقين ؛ تقوم واحدة من فريق (أ )الفريقين الى (ب) ثم يقوم فريق (ب) بأعطاء المتسابقة جملة او مَثل مِثل (الصمت حكمة) ولا يعرف فريقها ما هي الكلمة ثم تذهب المتسابقة الى فريقها (أ) وتحاول ان توصل لهم المثل دون الكلام ولا كلمة واحدة ولكن بأشرة بأيدي فقط فتقول في اصابعها 2 أي الكلمة مكونة من جملتين ثم تضع يدها على فمها لكي تشرح لهم انه المقصود الصمت او عدم الكلام حتى يقوم فريقها بالتعرف على معنى الكلمة بإطلاق عدة معاني فإن عرفوا الجملة حصلوا على نقطة فيقوم عضو من فريق (ب) الى فريق (أ) وهكذا وذا انتهى الوقت المحدد ولم يتعرفوا على المعنى فتكون للفريق صاحب الجملة نقطه 0

4- لعبة من القائد0 يجلسن على شكل دائره وتقوم واحدة منهن الى الخارج فيقمن الموجودات بأختيار واحدة منهن على ان تكون هي القائده0 بعد ذلك تقدم التي في الخارج0ثم يبدأن في عمل حركة واحدة طبعا الذي يقوم بتغيير الحركات هو القائدة المحددة فإذا غيرت الحركه هن يغيرنها تبعا للقائده 0الحركات مثل الضرب على الارض او على الرأس او الركبه 0المهم ان أي حركة تغيرها القائدة على طول يغيرن معها حتى لا تعرف القادمة من الخارج 0فتلتفت يمينا وشمالا وتحاول ان يكوت التفاتها بشكلا سريع ومفاجىء لكي تتعرف على القائدة ان عرفتها تقوم القائدة مكانها وان لم تعرف تقوم غيرها

5- لعبة الذاكره0 وهي ان يكن المتسابقات حلقة واحدة 0 تيدأ التي باليمين بقول أي كلمة ثم التي بعدها تقول كلمة التي قبلها وتقول كلمة اخرى ثم الثالثة تقول الكلمتين وتقول كلمة من عندها وهكذا كل واحد تذكر جميع الكلمات السابق وتنشئ من عندها كلمة أخرى ومن تخطى بالكلمة تكون خارج اللعبه0

6- لعبة البالونة او النفاخه و التفخاة على حسب ما يسمونها تقوم المتسابقات كل واحدة بربط بالونة على رجلها ثم تبدأ المسابقة وهي أن تحاول كل واحدة من طق او فش بالونة الأخرى عن طريق رجلها أو قدمها الأخرى التي ليس فبها بالونة والتي تبقى بالونتها سليمة فهي الفائزة

7- لعبة لماذا ولأن0
توزع الصديقات الى فريقين (أ) و(ب) يعطى فريق أ ورق صغيرة على عدده ويعطى فريق ب ورق صغيرة على عدد الفريق يقوم فريق أ كل واحدة تكتب بورقتها لماذا 0000000 أي عبارة تخطر ببالك ويقوم فريق ب بكتابة لأن أيضا أي عبارة تخطر ببا لك ولكن لا أحد يعلم ما تكتبه الأخرى حتى من فريقها وفي الأخير تقوم واحدة بجمع أوراق لماذا لوحدها ولأن لوحدها وتقو ببعثرة أوراق لماذا لوحدها وبعثرة أوراق لأن لوحدها ثم تختار ورقة من لماذا فتقرأها ثم مباشرة تأخذ ورقة من لأن وتقرأها على الجميع أحيانا تكون منا سبه أحيانا تكون مضحكة 0 مثل لماذا فطامي لم تعزم أعضاء المنتدى قد نجد في الورقة الأخرى لأنهم بعيدين أو لأن فطامي بخيله وهكذا

واخيرا ارجو المعذرة على الاطاله0
ارجو ان اكون قد وفيت الموضوع حقه0
اخوك الصارم

[فطامي]

مراحب يالصارم .. اشكرك على مشاركتك وافكارك الحلوه .. بالنسبه للمسابقات اللي ذكرتها ثلاث ارباعها ماتنفع للجمعه هذي بالذات بس تاكد اني راح احتفظ بهالافكار لمناسبه اخرى انشاء الله ... اما مسابقة لماذا ولان حلوه واراح اضمها للمجموعه ..

وفطامي قالت ودها شباب وبنات المنتدى يحضرون لاكن ماباليد حيله ..;) ترى انا موبخيله .. وابعد ما اكون عن البخل اسال امي :D:D ودها تذبحني من هالتبذير اللي قاعده اسويه ;)

على العموم مشكور مره اخرى وماقصرت .. واذا عندك افكار ثانيه انا ابي اسمعها بعد :)

[معاني]

فطااااااااااااااامي
حياتي يا ليتني معاكم ترى انا مررررررررررره احب البشكات
يا سلاااااااااام
يالله معليش ملحوقه
اسمعي تبغوا تضحكوا من جد
العبوا صراحه
اقعدوا كده في دائره وحطوا في النص قارورة بيبسي او اي شي ريموت كنتروا اي شي
ودوروا وطبعا لما توقف حتكون على طرفين اللي راسها ماشر عليه تسال و اللي في اخرها تجاوبها
وما اوصيكي اللعبه اسمها صراحه....الله الله في الاحراج
يا عيني القعده في متزوجين ههههه
انا مره لعبتها مع شلتي و كنا خمسه بغينا نموت من الضحك ..وطلعت الفضايح و الوجوه اتلونت
شوفي انت عاد

[فطامي]

مشكوره معاني وماقصرتي على مشاركتج الفكره حلوه .. تسلمين عيوني :):)

[معاني]

عادي حياتي اي وقت نحنا في الخدمه

[امير الليالي]

هلااااااااااااا فطــــــــــــــــــــامي

حقيقي نورتي المنتدى الترفيهي

واسف على انشغالي عن منتدى الصداقه

تعرفين المنتدى الترفيهي في بدايته

ويحتاج شوية مجهود ومتابعه

وانشاء الله خلال الايام القادمه

حرجع انتشر مثل الجراد في كل المنتديات :)

ومااااااااااااااااااالي غنى عنكم
..........................
وبخصوص المسابقات

اشوف الاخوه والاخوات

ما قصروا الله يعطيهم العافيه

واذا بغيتي اي شي

انت تامررري


...........................
تحيــــــــــــــاتي

[فطامي]

مرحبا معاني تسلمين وماقصرتي ..

مرحبا امير الليالي .. عساك على القوه انشاء الله والله يعينك واحنا بانتظار رجعتك لمنتدى الصداقه مثل الجراد على قولتك :D:D اما بالنسبه لموضوعي ماعندك فكره مني مناك تنورنا فيها .. واذا ماعندك كلا واحد :)

شكرا لك مره اخرى ..:)