المساعد الشخصي الرقمي

مشاهدة النسخة كاملة : قصة تيس رومنسي ههههههه


ملكة الاحساس
16 / 01 / 2008, 10 : 11 PM
هذي قصة تيس رومانسي .. انتهت بمأساة ..

كان فيه تيس اسمه (قرنبع ).. تخرج من الكليه الوطنيه لتربية التيوس بتقدير مقبول..

اخذ الشهاده .. وطار فيها لبيت عمه ( ابو جميله ) ... فرحان وفي نفس الوقت زعلان ..

فرحان لانه ناجح .. وزعلان لانه بيقابل عمه ....

اول ماوصل للحضيره ... جلس يدور عليها ... ويدور الجرس ...

سمعت العنز جميله ... صوت ولد عمها .. طلعت

له .. مستحيه .. وحاطه فوق راسها جلال .. يوم شافها .. صار وجهه .. برتقالي من الخجل ..

وقال لها .. مباااع ..

ابتسمت له بابتسامه كبيره وقالت ( هاها ها ) الله يرجك توني باقولها ..

نزل ( قرنبع ) من فوق البلكه .. اللي كان حاطها ... لانه مايطول الجرس (قزوم )

... وقرب عند (جميله ) وعطاها الشهاده .. ومن الدلاخه والرفاله .. اكلت العنز جميله الشهاده

قال قرنبع ..: يقطع شيطانك ياعنزه ...

قالت جميله : عن الغلط عاد ترى بازعل بعدين اهون عن الخطبه

وهو يكلمها .. وصل عمه ابو جميله ... يوم جا (قرنبع ) يحب راس عمه .. ويرفسه على اذنه ...

.. قال عمه .. وش عندك واقف مع بنتي ؟؟...

قال : لاتفهمني غلط ياعمي انا نجحت وجاي اتقدم لبنتك ..

قال عمه : نجحت ؟ وين الشهاده ؟

قال قرنبع : هاه في بطن بنتك ياعمي

قال عمه : يلوموني بخفة دمك ياولد اخوي ... يالله انقلع .. واذا جبت الشهاده ازوجك بنتي ..

راح التيس قرنبع وهو يدعي على العنزه جميله ..

وفي اليوم الثاني ... كان قرنبع جالس على البحر .. ويفكر .. فجأه نزلت دمعته ( رومانسي )

في نفس الوقت .. وصل عمه .. شاف الدموع اربع اربع

قال : سلامات ياولد اخوي عسى ابوك ما اندعس ولا توطته تريلا ؟ << تفاول عليه

قال : احبها ياعمي احبها ... تهي تهي تهي

قال : ايه .. الحين فهمت ... انا موافق بس بشرط !

قال : والله ياعمي موافق ؟ قل اللي تبي ..

قال : شرطي . انك ماتفصل بنتي من عملها وتفتح لها عشه لحالها .. ولا تزعلها ..

قال قرنبع ) .... مواااافق

ويطير قرنبع من الفرحه ... ويروح الحلاق يجهز نفسه ...ويحدد شنبه ويسوي حمام مغربي

وفي ليلة الزواج ... جتهم عنز .. وحاستهم ..

اول ماجلست .. صارت تمقل بالعروس .. والعريس ..

قالت : مايصيررررر.. باعلى صوت .. يوم وقفوا الطقاقات عن الطق ..

قالت العجوز : الزواج هذا باطل باطل باطل لاني مرضعتهم اثنينهم .. يعني هم اخوااان .. فهمتوا

سوتها عجوز قريح ....

ويركض التيس ( قرنبع ) للدايري بينتحر ..

واول ماشاف ونيت نط فيه ..

وقال للسواق .. يرحم والديك اقرب مسلخ .. لابوها حاله

ههههههههههههههههههه

منقووول

اسطورة الخريف
16 / 01 / 2008, 23 : 11 PM
هههههههههه سلمت يداك اختي ملووكة قصة رائعة تسلمي على الاختيار

يا سبحان الله حتى التيوس ما يتوفقون في قصص الحب

ربي يسعدك

خالص تحياتي
اسطورة الخريف

محمد1515
17 / 01 / 2008, 11 : 12 AM
سلمت أناملك ملكة الاحساس ...
واتمنى لك التوفيق ...

ملكة الاحساس
17 / 01 / 2008, 27 : 12 AM
هههههههههه سلمت يداك اختي ملووكة قصة رائعة تسلمي على الاختيار

يا سبحان الله حتى التيوس ما يتوفقون في قصص الحب



هههههههههه اصلا قولي غريبه حتى التيوووس يحبووون


اسطورة الخريف

يعطيك العافيه

ملكة الاحساس
17 / 01 / 2008, 29 : 12 AM
محمد 1515

شاكره لك تواجدك

سديم
17 / 01 / 2008, 47 : 01 AM
:d: :d: :d:

ادووخ على هالرومنسيه

عاد رومنسية التيوس غير شكل

لسان ممدود و اشياء لزجه تهل هههههههههـ


تسلم يديك .. ملوكه ..
.
.
.

ملكة الاحساس
17 / 01 / 2008, 55 : 01 AM
ههههههههههههههههههه ماشاء الله تعرفينهم زين


سديم يسلمووووو