تعليق الدراسة في الرياض..

[غزالة الجنوب]

الرياض ،بريدة - واس ، خالد المقيطيب :

أعلن المتحدث الرسمي لوزارة التربية والتعليم محمد بن فهد الدخيني تعليق الدراسة في مدارس التعليم العام اليوم الأحد في جميع مدارس مدينة الرياض ومحافظة الخرج. وبينّ أن قرار تعليق الدراسة الذي صدر عن مدير عام التربية والتعليم بمنطقة الرياض جاء نتيجة للتقارير الصادرة عن مصلحة الأرصاد وحماية البيئة وتحذير المديرية العامة للدفاع المدني بسبب موجة الغبار والتقلبات الجوية التي تمر بمعظم مناطق المملكة. وأشار إلى أن التعليق يشمل الطلاب والطالبات والمعلمين والمعلمات والهيئة الإدارية.

كما دعت وزارة الصحة جميع المواطنين والمقيمين خاصة مرضى الربو أو المصابين بالأمراض الصدرية بعدم التعرض للغبار والأتربة التي تمر حاليا بالمملكة, والبقاء في المنازل وعدم مغادرتها إلا عند الضرورة.

وأكدت الوزارة في بيان لها أهمية لبس الكمامات الطبية الوقائية أثناء الخروج من المنزل أثناء موجه الغبار، مشيرة إلى أن ذرات الغبار تعمل على تهييج الجهاز التنفسي ما يتسبب في حساسية الأنف.
.
.
يعني سؤال ينطنطن في خاطري..
الحين احنا يالموظفين ضبان؟؟؟؟:brood:
ليييه مالنا اجازة؟؟؟:brood:
حسيت اني متحولة,وقت المطر اصير تمساحه ووقت الغبار اصير ضبة وفي الاوقات العادية ارجع انا..!:furious3:
يالله لنا الله يااهل المدارس..!

[عبدالله 12]

أشكرك أختي غزالة الجنوب لتزويدنا بهذا الخبر المهم للطلبة وأهاليهم.

تساؤلك عن الموظفين "الضبان" في محله،
ولكن التساؤل الأكبر هو عن طلاب التعليم العالي وهم في أعمار متقاربة مع طلبة ثالثة ثانوي، وجامعاتهم أبعد من مدارس التعليم العام ، ومع كذا ما أعطوهم إجازة.

لك الله يا حنفي.

أدعو الله أن يسلّم الجميع، ويكفيهم كل شر.

[راع المشاعر]

.
.
.

حتى حنا عندنا عج

وراهم علينا مالنا رب

[رحـــــــــيل]

اتوقع والله اعلم ان طلاب المدارس هم عيال " البهوات " وخايفين عليهم من الاختناق << جابت العيد :grin:
اما الضبان قصدي شسمه الموظفين ناس عاديين
يعني اكرفوا لين الله يفرجها عليكم

:book:

[الطرقي]

لاتحسدين الضعوف خليهم يستانسون
ترا قدامهم التخرج والبطاله😔

انتي ضبه اقصد موظفه تستلمين راتب😉

[عبدالله 12]

عندي اقتراح لوزارة التربية والتعليم، وهو :

ما دام أن الأسبوع الجاي هو إجازة "نصف التيرم"،
وش رائكم تخلونها تبدأ من اليوم للجميع (يعني اللي عندهم غبار واللي ما عندهم). . وخلوا الطلبة والطالبات يستأنسون، وخلوا الضبان وأنا منهم يرتاحون على الأقل من التوصيل للمدارس.

يعني من زين مخرجات التعليم عندنا.!!

وكل إجازة والجميع بخير.

[رحـــــــــيل]

أخوي عبدالله ~
حبيت أبشرك ان اقتراحك رفع لوزارة التربيه والتعليم
وجاري دارسته من قبل لجنة خاصه
واتوقع ان الموافقه عليه ستصدر خلال الساعتين القادمتين
والله ولي التوفيق

[عبدالله 12]

الله يبشرك بكل خير

مشكورة أختي رحيل لاهتمامك ومتابعتك الشخصية لهذا الموضوع،
وش رائك يكون من ضمن القرار إجازة يومين لكل موظف وموظفة يختارونها خلال أيام إجازة منتصف الفصل الدراسي حتى لا تتعطل مصالح الناس،
وأن يتم تخفيض رسوم كافة الملاهي والكازينوهات وخاصة اللي في مناطق مكشوفة بمناسبة الغبار.
والله ولي التوفيق،

[رحـــــــــيل]

اممممممممممممممم ماتحس انك شطحت واجد !!
بس مو مشكله هالقرار أنا بأوقع لك عليه وبأمرره من تحت الطاوله عشان لايعقدونا فيه
اي اوامر ثانيه ؟ ترى احنا بخدمة الشعب والضبان الموظفين

[خلف الجابري]

حسيت اني متحولة,وقت المطر اصير تمساحه ووقت الغبار اصير ضبة

طب هو هذا هو الصدق انتي مره تمساحه ومره ضبه مافي شي جديد:furious3:

الله يسهل أمر كل ضب وضبه وتمساحه احيان ويرزقهم بالاجازه الطيبه:(

اطلبي ربك ايها الضبه الجميله

:furious3:

[عبدالله 12]

اممممممممممممممم ماتحس انك شطحت واجد !!
بس مو مشكله هالقرار أنا بأوقع لك عليه وبأمرره من تحت الطاوله عشان لايعقدونا فيه

اي اوامر ثانيه ؟ ترى احنا بخدمة الشعب والضبان الموظفين





الله يعطيك الصحة ويكثّر خيرك ولا يحرمنا منك


بس عندي اقتراح صغيّر إذا تكرمتي، بما أن كلمة الضبان صارت مرادفة لمسمى الموظفين،

اقترح (كتسميحة خاطر للموظفين على هذا المسمى)، بأن يتم صرف مكرمة عبارة عن:

نفر "مظبي" لكل ضب أقصد لكل موظف،
وعلى أن يُصرف "للضبان المتقاعدين" نصف نفر مظبي بدون بيبسي.




والله الموفق.

[رحـــــــــيل]

أنا أقدم استقالتي
:furious3:

وتلومون الحكومه فيكم يوم مايعطونكم اجازات
الا حلال فيكم

[عبدالله 12]

أنا أقدم استقالتي
:furious3:

وتلومون الحكومه فيكم يوم مايعطونكم اجازات
الا حلال فيكم
لا . . لا
خلاص لا تستقيلين

وخليها نص نفر مظبي وبدون بيبسي
وإذا فيه مشكلة في المظبي
خلاص خليها . . سن توب

[رحـــــــــيل]

سن توب وبس
ومو بارد

:beatnik:


ههههههههههههههه

الله يسعدك اخوي عبدالله

[عطر الحروف]

ليتهم يعلقون الدراسه بكل المناطق ويريحونا ولا مالنا رب مثل ماقال راع المشاعر:shame:
مشكوره يالغلاا على هالخبر يعطيك العافيه ..~

[شموع الغربية]

ماعلينا منهم قراراتهم لهم ولمدارسهم
ماانحتاج اذنهم اليوم ان شاء الله اخر دوااااااام
ربنا الله يالتعليم العااالي<<<:brood:
اما الضباان اقترح تسوون مظاهره دام سوقها ماشي هاليومين
او سوو اضراب جماااااااعي
::
غزووووول لاعدمناك يارب
شكرا ً

[مياسم]

غيبوا بكره اجازه لااحد يداوم الطلاب والموظفين وكل الناس بدات الاجازه

[حووور]

ههههههههههههههههههههههههههههههههههههههههه

ترى طلعت علينا اإجازه بالغاالي ..


ههههههههههه صرت ساكنه بالسعوديه مو الإمارات ..

والله اعلم ..