منتديات الوئام - اعتذار وشكر !

السلام عليكم ورحمة الله وبركاته

مشكوووور أخويا الوافي على مبادرتك دي الحلوة الي تنم عن وفاااااااااااااااااااااء كبير لأعضاء المنتدى الفاعلين

سيدي أنا مختلف معاك بس شويا مو كتيييييييير
أكيد شروووووووق مكانها كبييييييييييييير لا يمكن اغفاله ابدا
لكن يا وافي انت صاحب الوئام صح؟

هل تتمنى يكون الوئام مرتبط بأسماء وبأشخاص !!!
لو في يوم الوافي نفسه غاب أو لا سمح الله بعيد الشر عنك حصلك ظرووووف تمنعك ترجع تشارك بالمنتدى ... تتمنى انو الوئام ينتهي ؟!! والا حتنبسط انو يبقى موجود ويكمل مسيرتك ... لكن حيبسطك لما يكون في ناس اوفياء يفضلوا في كل مناسبة يرجعوا يذكروا سيرتك وتكريمك حتى في غيابك ...

مو كدا يا وافي ... وافي المؤسس ... وافي المدير .... وافي الشاعر ... وافي الأب .... وافي الأخ .....

أنا أقترح مجرد إقتراح وسامحوني عارف عمرها ما كانت اقتراحاتي حلوة ...

لكن تبقى الاحتفالية قائمة وفي وقتها ... وازا غابت شروووق لظروووووف فهي موجودة بروحها واقتراحاتها

وفي ان شاالله من الاعضاء من يقدر يقوم بالدور الي كانت تقوم فيه شروووووووق
لكن وفاءا لشرووووووووق الغالية والعزيزة اتمنى من القائمين ع الاحتفالبية لو أقيمت انهم يجعلوا موضوع احتفالية السنةهدي التعريف بشرووووووووووووق الوئام
ودورها في الوئام ... واعادة نشر بعض مواضيعها ومشاركاتها وبعض المقابلات معاها
وتخصيص موضوع لجدها لمشاركتنا لها ووقوفنا معاها غير موضوع الدعاء له بالصحة موضوع يكون من ضمن الاحتفالية
ولا مانع من بعض الفقرات الثانوية لكن نخلي الفقرة الرئيسية عن شروووووووق بكدا نقدر عن وفاءنا بالكلام وبالفعل ومو بس بالصمت

أتمنى الشئ دا بجد .....لاقتناعي بعدم ارتباط سواء تاريخ أو بلد أو مجتمع أو موقع أو مكن يضم ناس انو يبقى مرتبط بأسماء فقط لانو الاسماء والأشخاص لازم يجي يوم يغيبهم القدر والظروف
شكرهم وعرفانهم بالبقاء على فعل ما بدأوا بفعله
وأعظم مثل على كدا ... وفاة الرسول صلى الله عليه وسلم
ما منعت الصحابة من انهم يكملوا بناء دولة الاسلام الي بدأها الرسول صلى الله عليه وسلم واختيارهم للخليفة وتنظيم الصفوف حتى قبل دفن الرسول
" وما محمد الا رسول قد خلت من قبله الرسل أفإن مات أو قتل انقلبتم على أعقابكم " صدق الله العظيم ... ورضي الله عنك يا أبا بكر

سامحني يا الوافي ... يعني شفت زي ما قلت لك بس شويه مو كتيييييييير
والله بجد مبسوط لوفاء الوئام لأعضاؤه والله حاجه تفرح
ويا ناس ترى هدا هو الوافي زي كدا من زمااااااااااااااااااااااااااان من عشرة سنين ما تغير
شكلكم بتقولوا الحجاج غايب له كم يوم وينطبق عليه القول .. " سكت دهرا فنطق كفرا " "" باستثناء قول الله تعالى .. وتصرف الصحابة ""
لووووووووووووووول ... بس خشيت المنتدى ولقيت دا أول موضوع

شروووووووووووووووق الوئام والله تستاهل الاحتفال بيها فلا تحرمونا الاحتفال بالوئام وبشروووووق الوئام

شكرا مليووووووون أخويا الافي على نبضك المرهف

الحجاج