راحت ليالي وانثنت بي ليالي = واناعلى حالي كذا ماتغيرت
لامرني صاحب و لاشفت غالي = ماغير جرح لونساني تذكرت
والليل لوخيم سواده وطالي = ادمنت وحشاته ولوغاب سيرت

ليه اليديـن تصـدّ عـن شـيٍٍ تبيـه وتشتهيـه؟! = يوم العيـون تسابـق الجايـع علـى لقمـة عشـاه!
علمّتني في صف (أول حبـك) .. ان اكبـر سفيـه = اللـي اذا حـسّ بغـلا خلّـه يفـرّط فـي غــلاه

محتاج لك حيل والله يقطـع الحاجـه =حدتني وجيت اداري دمعـة عيونـي
باين علي التعـب والضيـق وانتاجـه = منهار لونـي متغيـر ماهـو بلونـي
لقيتك.. اللـي يصـد معقد حجاجـه = وانت اقرب الناس والغالي مضنونـي
لكن على الله بيديه الضيـق وافراجـه = والا انت الله معك خابت بك ضنونـي
بلاش منك ومـن موقفـك واحراجـه = رح واتبع اللى خذوا منـي وخلونـي
من صد عني تـرى مانيـب محتاجـه = من دونه اعيش دامه عاش من دونـي
وان قـدر الله مـع الايـام نتـواجـه= تمـر مثلـك مثـل ناسٍ يمرونـي
في عيوني تصير ماتسـوا ولا حاجـه = من عقب ماكنت تسوا الناس في عيوني

شاعر انا ياحنين الأمس محتاجك =أبغاك لا من طرقت الباب تفتح لي
مشتاق والله كثير لراحة إزعاجك = مشتاق أحسّك مثل ماكنت تفرح لي
ما تذكر الحلم يوم ينام بـ ادراجك = تعال فسّر غيابه ليه !؟ واشرح لي
مشتاق أداعب بحرك وألمس امواجك=مشتاق الامس عميقك وانت تسبح لي
تعال واشعل بصمتي كلمة سراجك =تعال لكن إذا ماجيت لك ... رح لي
ماجيت أجمّع جروحي قاصد احراجك =جيتك أببكي وابيك الحين تسمح لي
بـ بكي على الناس والإحساس لا ماجك = بـ بكي على الموت يوم إنه يلمّح لي
بـ بكي على الجوع والموجوع لا داجك= بـ بكي على الكون والمدفون في وحلي
بـ بكي على الروح والمجروح لا هاجك =بـ بكي على الحب يوم الحب لوّح لي
ياخطوة الحلم نامي وسط ديباجك =وإلا اتركيني .. وخليّ الدرب .. وارتح لي
الموت لامن بكيت وجيت .. محتاجك =وطرقت بابك .. ولابه ناس .. تفتح لي

ياناس انا قلبي تعلق بنرمين = نرمين فقي بهذلة حال كرباج