|
اكلات سريعه وخفيفة ... ومغذية ...
بالراحة شوي شوي على ارواحكم .... البنات ما صدقوا ... يحسبون فيه اكلات سريعه وسهله ...:) ... كل شي يبونه يجي بالساهل ..:rolleyes: .. اسف خيبت ضنكم .. بس هالمرة انا اللى ابي احد يقول لي عليها ... يعني كخدمة انسانية لاخوكم عاشق ...:D .. يعني كل واحد يحط لي اكله على ذوقه ... بس اهم شي تكون سهله التحضير ومفيدة ... وشرط انها تكون لذيذة ..يمكن التغاضي عنه شوي ...مجبور :( .. وياليت يذكر طريقة التحضير ... والمقادير ... همتكم معي لو سمحتوا ... ولا تتاخرون علي ... ولا يومين وما تحصلون عاشق بالدنيا ... من كثر التجارب ...الفاشلة ..:( .. سلام ...:) .. |
السلام عليكم ورحمة الله وبركاته
اخو عاشق ما حدت انت نوع الاكله اللي تبي.... بس ابي اقولك على اكله سريعه وحلوه تجيب خبز مفرود يفضل النوع الصغير تحضر جبن ابيض طماطم فلفل اخضر حار بهار الطريقه تعصر الطماطم بس ما نضيف عليه ماء وتفرم الفلفل الاخضر وتخلط عصير الطاطم مع الفلفل مع الجبن وتضيف عليها البهار وتدهن بها وجه الخبز وتضعها بالفرن ======= وهذي وحده ثانيه تقريبا نفس الطريقه بس تحضر خبز توست جزر مبشور فلفل اخضر حار مفروم ناعم مايونيز ملح تخلط الجزر والفلفل والمايونيز والملح وتدهن به وجه الخبز وترش الخبز بجن مازرلا المبشور وهذي على حسب الرغبه وتضعه بالفرن الى ان يتماسك الخليط ممكن انك تزيل حوايف الخبز التوست ممكن انك تقطع الخبز التوست على شكل دوائر ثم تدهنها بالخليط السابقه ممكن تجملها بالزيتون الاسود على حسب الرغبه اتمنى ان اكون افدك واذا تبغى اكلات ثانيه ما عندي ما نع بس حدد النوع حلى ولا مالح اختك ريوف |
وعليكم السلام ورحمة الله وبركاته ..
هلا اختي ريوف ...
الف شكر لك هذه الوصفات ...:) .. وباين انها حلوه ولذيذة .....وسهله بعد .. ( بغيت اترك الكمبيوتر واروح جري اطبقها ...:D .. بس افتكر انه يبيلي اجيب توست ..:rolleyes: .. وخاصة ان فيها تزين.... وعلوم ذوق ..:) ... وبالنسبة للتحديد .. انا تركته مفتوح عن قصد ...حتى اترك المجال اوسع .. للجميع .. وانا المستفيد بالنهاية ..:) .. بس غالبا افضل المالح ... يعني غالبا ..:o .. مشكورة حيل اختي على عرضك السخي ... وانتي كريمة وحنا نستاهل ..:) .. وتسلمين على ذوقك ... سلام .. |
عاشق والله ان احسبك كاتب وصفات ..
هلا عاشق .....انا قلت عاشق ماله في الطبخ ...حده الهندسة ...وشغلة البواب :D
ليش ما نلاقيك بالدنيا انت امر بس واحنا نرسل لك .... وترى انا ما عندي وصفات سنعة ....وصفاتي كلها مخربطة ...واخاف اعطيك منها .... بس ريوف ماشا الله عليها ما قصرت ....واكلاتها سهلة ... اقترح عليك اقتراح .... كل في مطعم ازين لك ....لاني متاكدة انك ما راح تسوي الاكل صح ... واخاف يصيرلك شي .... |
هلا أخوي عاشق الحجاز ...
فرحتني يوم قريت العنوان .... بس خيبت ظني يوم قريته ... طلعت مثلي .... كلنا في الهواء سوا ... الله يعينك يا اخوي .... تصدق اخوي عاشق .... انا مثلك متوهق ... بس على فكرة اعرف اسوي بيض و شاهي .... تبي أعلمك ... ------------ و شكرا لاختي ريوف على هذه الأطباق ... و ان شاء الله راح أسويها .... معليش اختي ريوف ... ابي اطلب منك طلب .... و شلون اقدر اسوي مكرونة .... معليش اختي ... كان ما عليك كلافة ... و الله يجزاك خير .... ---------- اختي بنت الأصايل ... و الله زهقت من المطاعم و أكلها ... ما فيه مثل أكل البيت .... بس وش نسوي اذا ما حصل ..... |
مررررحبا عاشق الحجاز والجميع .....
امممممممممممممم اجل جاى تدور على طبخ .....طيب عندى كم وصفه انشاء الله تعجبك .. اولا ساندويش كودو الدجاج ...:eek: المقادير: صدر دجاجة مقطع شرائح رفيعة -1بصل مقطع مكعبات -1فلفل بارد مقطع مكعبات -1بندورة مقطعة فطع صغيرة -قليل من الخس -رشة فلفل اسود -فنجان قهوة صلصة الصويا الطريقة: نضع الدجاج في المقلاة على النار ويقلب بإستمرار حتى ينشف معالتقليب المستمر ثم يضاف له 2ملعقة زيت ويقلب ثم يضاف له البصل والفلفل البارد والفلفل الاسود مع التقليب ثم يضاف الصويا ويحرك جيدا . نأخد خبز صامولي ونفتحه ثم ندهنه بالمايونيز ويوضع فيه الخليط ثم يضاف له البندورة والخس ويقدم فورا ................................. هامبرجــــــــــــــر ....:) المقادير لحم مفروم بصلة مفرومة 1 ملعقة صغيرة ثوم مدقوق 2 ملعقة كبيرة لب العيش (الصامولي) مفروم 1 ملعقة صغيرة اجي تو مو تو (ماجي ابيض) 1 ملعقة صغيرة فلفل اسود ناعم ملح حسب الرغبة 4 ملاعق كاتشب كبيرة الطريقة نضع المقادير مع بعضها الى انا تصبح مثل العجينة ونشكلها على شكل اقراص ونضعها على النار الى ان تنضج ثم نضعها في خبز الهامبرجر وبالهناء والعافيـــــــة ........................................... وهذى عشاااااااااان الاخ ملجلج ......:cool: الإسباغتي بالخضار والدجاج ..... المقادير: اسباغتي مسلوقة صدر دجاج مسلوق ومقطع قطع صغيرة خضار مشكلة مقطعة شرائح طويلة مثل( الجزر+ الفلفل البارد+ الملفوف) ملح+ فلفل أسود+2 مكعبات ماجي بصلة كبيرة+ 1طماطم مقطعات حلقات قليل من الزيت قليل من الصويا صوص الطريقة: 1) نحضر وعاء ونضع فيه قليل من الزيت..ثم نضع عليه البصل المقطع حلقات. 2) نضيف مكعبات الماجي ونحركه. 3) نضع الأن الخضار بالتدريج..أولا:الجزر ونحركه لمدة دقيقتين. 3) ثم بعدها نضيف الفلفل البارد ونقلب المقادير لمدة دقيقتين. 4) بعد ذلك نضيف الملفوف المقطع على الخليط ونخلط المزيج جيدا. 5) نضيف الأن الملح + الفلفل الأسود+ الصويا صوص ونقلب الخليط ونضعه على نار هادئة مدة ثلاث الى أربع دقائق وحتى تلين الخضار. 6) الأن نضيف قطع الطماطم ونخلط جبدا. 7) الأن نضع قطع الدجاج المسلوق والمقطع الى الخليط ونخلطه جيدا. 8) والأن نضيف الاسباغتي المسلوق على الخليط ونخلطه جيدا. 9) نضع المزيج على النار مدة ثلاث دقائق...وبالهناء والعافيـــــــة ............................................... اسكالوب بانية .....:D لاتقولوا صعبه ..... المقادير: شرائح دجاج مخلية او شرائح من لحم العجل فلفل اسود,ملح بيضة دقيق بقسماط ناعم زيت للقلي الطريقة: تغسل شرحات الدجاج جيدا بالماء ثم تتبل بالملح و الفلفل و البهار . تكسر البيضة في صحن و تخفق جيدا ,نخلط الدقيق و البقسماط ... تغمس شرحات الدجاج في البيض و من ثم في خليط الدقيق و البيقسماط كل شريحه على حدة ... يتم تسخين الزيت على النار و يتم قلي الشرائح ..حتى تصبح ذهبية اللون او مائلة الى الحمرة ... نصفيها من الزيت و تقدم مع البطاطا المقلية .................... انشاء الله تكونوا استفدوا واذا تحبون وصفات معينه قووووولوا نحن فى الخدمه :D |
نسيناااااااااااااااااااا السلطات والمقبلات ......:cool: المقبلات لذيذة سهلة الصنع متنوعة تزين المائدة .. مفيدة جسميا منشطة ذهنياً .. فيها متعة التحضير والأكل طبعاً ..فهي الفكرة الأمثل حين يكثر الزوار فلا تحتاج إلى غسيل كثير من الأطباق ولا أشواك ولا ملاعق ..بالهناء والعافية الفتوش ....طبقى المفضل :) المقادير: حبات خيار4 4حبات طماطم حبتين بصل اخضر ربع باقة نعنع نصف باقة بقدونس 1خس 2 فجل عصير ليمون ملح زيت زيتون نصف ملعقة صغيرة سماق 2خبز مقطع على شكل مربعات صغيرة ومحمص بزيت الزيتون الطريقة: تقطع جميع الخضروات قطع صغيرة ويضاف اليها الملح والزيت والليمون والسماق وتقلب وبوضع الخبز عليها وتقدم .................................................. .............. سلطة الحمص .... المقادير 1 رغيف خبز 2 كوب حمص مسلوق 1 1/2 كوب طماطم مفرومه 1 كوب بقونس مفروم 1/2 كوب عصير ليمون 1/2 ملعقه صغيره ثوم مهروس 2 ملعقه كبيرة زيت زيتون 1/2 ملعقه صغيره كمون ملح زيت للقلي الطريقه يقطع الخبز مكعبات صغيرة ثم يقلى بالزيت يوضع الحمص في اسفل طبق التقديم ثم يوضع عليه الطماطم فالبقدونس فالخبز يخلط عصير الليمون مع الثوم وزيت الزيتون والكمون والملح ثم يسكب على سلطه .................... وبالعافيه ....... |
هلاااا اختي روعة ....
الف شكر لك اختي ... بس فيه اشياء ما أعرفها ... مثل صلصة الصويا و صويا الصوص و البقسماط ... مو لازم أعرفها .... بس هل هي مهمة في الطبخة ... و الا أقدر أطنشها ... -------- شكرا لك اختي العزيزة ... و شكرا لصاحب الموضوع أخوي عاشق ...... |
السلام عليكم ورحمة الله وبركاته
اهلا بالجميع اهلا اخوي ملجلج روعه انت روعه على اسمك وما قصرتي اسمحي لي اجاوب على ملجلج الصويا تعطي طعم مميز للاكل ما ادري هل ذقت الاكل الصيني اغلبها فيها صلصة الصويا وتستخدم اغلب شئ مع لحم الدجاج البقسماط هذا انت تقدر تسويه في البيت تعرف وش هو البقسماط هو خبز يابس مطحون وبستخدم للحوم والدجاج المقلي تقدر تستغني عنه باستخدام الدقيق نجي لطلبك المكرونه لها عدة طرق في طبخها ابي اقولك على طبخات سهله جدا =0=0=0=0=0=0=0=0= اولا المكرونه بالزبده اصبع زبده ماء مغلي مضاف اليه الملح .... الطريقه ..... توضع الزبده في القدر ونشعل النار بعد انت تسيح تضاف اليها المكرونه وتقلب قلبلا ثم يضاف الماء المغلي والمضاف اليه الملح بالكميه المناسيه وترك على النار لتنضج وترى طمها لذيذ مره ============ مكرونه بالعصاج المقادير مكرونه لحم مفروم طماطم بصل مفروم ملح فلفل كمون ماء الطريقه تسلق المكرونه في ماء وملح ( اذا تبي تتخلص من الماده النشويه فيها اغسلها بعد السلق لازم تنتبه للملح لانه بعد غسلها قل) في اثناء سلق المكرونه احضر مقلاة ... لعمل العصاج.... وضع بداخلها البصل المفروم واضف الزيت له قلبه قليلا ثم اضف الصلصه وقلبها قليلا وبعد ذلك قم بإضافة الطماط واتركه قليلا يتسبك ثم في الاخير اضف اللحمه المفرومه وقلبها حتي لا يتكتل عليك اللحم وحط الملح والبهارات احضر قدر وضع به المكرونه المسلوقه واضف عليها العصاج اللي سويناه وقلبها قليلا على الناروتترك المكرونه مع العصاج على النار لمدة عشر دقائق ثم قدمها وبالهنا والعافيه فيه ملاحظه ممكن تأخذ قليل من اللحم المفروم في صحن ولا تخلطه مع المكرونه وعند التقديم تحطه على وجه المكرونه ترى سهله وما تبي شئ بس اللهم الا انها بتكثر عليك المواعين والله يعينك على غسلها ...المكرونه بالدجاج ..... المقادير............... علبة مكرونه لحم دجاج واختار الصدر( مقطع مكعبات) بهارت ملح زيت قشطة قيمر( تحصلها بالسوبرماركت مكتوب عليها قمير في علبه لون الكرتون اصفر) الطريقه تسلق المكرونه نصف سلقه وتغسل وتصفى نحضر القدرونضع البصل مضاف اليه الزيت ويقلب البصل على النار وتضاف لبهارات ثم قطع الدجاج وتقصر النار وتخليه يطبخ على نار هادئه ترى مع الطبخ بتكون ماء بعد ما تحس ان الدجاج استوي وشفت ماء الدجاج قليل صب شوي ماء يجي كأس واضف المكرونه المسلوقه وقلب الجميع واتركه بعد ذلك ينضج قبل التقديم بقلبل اضف القشطه واخلطها مع المكرونه جيدا اقسم بالله انها لذيذه مره لا تفوتك بس اضبطها وبالهناء والعافيه انا اخترت لك اصتاف سهله مره اذا تبي اذكر طريقة المكرونه بالمشاميل ما عندي مانع بس حوستها كثيره اختك ريوف |
أختي ريوف ,,, و أختي روعة .... و الله ما أدري وش أقول لكم .... ألف شكر لكم ... و شكرا اختي ريوف ... لا مابي مكرونة بالباشميل ما دام حوستها كثيرة .... نبي أطباق طريقة تحضيرها سهلة .. و حوستها شوية ..... و انتم ما قصرتوا الله يعطيكم العافية .... و جزاكم الله ألف خير ... |
looooooooooooool
ok astanani lama arja3 ya jama3a efhamooha 3asheg yabi 3azema jahza:D |
هلااااا معاني ......
ان شاء الله راح ننتظرك .... بس ... فاقد اخوي عاشق الحجاز ..... من يوم ما نزل الموضوع ..... ما عاد شفناه .... لا يكون من اكلا ريوف و معاني .... امزح :D الله يرده لنا بالسلامة .... |
اهلين ملجلج انا رجعت
ما كنت ادري اني لهذي الدرجه شريره :D عااااااااااااشق وين الناس :D |
انا على كذا راح افتح مطعم ....
هلا وغلا بالجميع .... عز الله ما قصرتوا ... اكلات اقل ما يقال عنها ...تخبل ... وانا ما حبيت ارد الا لما اجربها كلها ...:o .. ( هين يا الدبدوب .. والله كفيتوا ووفيتوا .... =============== هلا ملجلج ... اجل خيبت ضنك كنت تحسب اني جايب اكلات ...:( .. والله يا خوي الشعور متبادل ..:rolleyes: .. حتى انا يوم شفت اسمك .. قلت هذا والله الذيب اللى بيجيب الاكلات السنعه ....وينها ..:( .. بس عجبتني في منااقشتهم ....;) .. خليت البنات يطلعون المواهب المدسمة ..:p .. تسلم يا غالي على سؤالك ... وعساك سالم دوم يا رب .. هيا فرح قلبي بك .... وجيب لك اكله ...ولو بالغش..;) ... ============== هلا بالروووعه ... ووصفاتك والله كلها روعه ...:) ..لا ومفصله بعد ...مقبلات ..واطباق رئيسية ..:cool: .. وانا جربتها كلها ...مع انها صعبه شوي وفي اللى احترق منها ...:( .. بس برضه جنان ...:D .. خاصة مع لمسة عاشق الخاصة عليها ... كله كوم والفتوش كوووم ..صرت اكل منه اللين انفتشت ...:D .. الف شكر لك اختي ... كفيتي ووفيتي ... مشكورة على تعبكي معنا ... ================= هلا باختي ريوف ... والله ما اعرف وشلون اشكرك ...فعلا تعبناك معنا ... ووصفاتك جات على حسب المقاس بالتمام .... سهله ولذيذه ... بس يبيلنا شرح لهذي الصوص صويا ...( صح كذا ...:) .. وش تسوين اللتبشتي في ناس يالله ويترجمون الكاتشب ...( بعضهم يسمونه الطماط الخايس ..:rolleyes: ... واعجبتني جدا المعكرونه بالدجاج ...:) .. ( وينا عن هذي الاكلات من زمان ... الف شكر لك اختي ....والله يجزاك خير عنا ... تسلمين ويا عسى عمرك طويل ... ============ اختي معاني ... يع هلا والله وغلا وحمدلله على السلامة .... يعني ما شفنا منك ولا وصفه ....يد ورى ويد قدام ...:rolleyes: ... طيب على الاقل عزيمة صغيرة لاخوك ..:D ... شكلك متخاصمة مع المطبخ ... او بينكم سوء تفاهم ...:( .. اصلا هو الغلطان .... ( اسف اندمجت في الدور ..:D .. مشكورة على تشريفك اختي .... وهذا انا موجود ... بفضل وصفات اخواتي ...:cool: ..لسه عايش ... مشكورين ...ولو فيه زيادة ..اممممم .. انتوا كريمين وحنا نستاهل ..:) ... سلام ... |
هلا وغلا عاشق الحجاز اشوفك تحب الطبخ ماشاءالله عليك عموما حلو الرجل اللى يحب الطبخ ويساعد زوجته وبقولك طريقة اكله يمكن تعجبك وسهله تونه بالمايونيز الطريقه تاخذ التونه وتعصر عليها ليمونه ووحده ملعقه اكل كبيره خل ابيض ثم تضع عليها 2 ملعقه اكل كبيره مايزنيز وتخلطهم مع بعض حتى يتجانسو ثم تاخذ لك خبز صامولي وتوضع فيه الحشوه وكلها بالهناء على قلبك وادعي لي تحياتى |
هلا والله عاشق
أسمع وأنا أخوووووووك تبي طبخ ونفخ :: بس شرط الأكل يكون صحي أبشر لا تروح مطاعم ولاشيء
حضر التالي :- 1-أبي للوصفه الأولى طبق بيض مع جبن شرائح وافضل الصناعة الوطنية لأني وطني يعني المراعي مافيه كلام وملح ولا تحط بهارات تجيب القرحة مالها داعي هههه وزيت زيتون لا تجيب الأسباني تراه متسمم جب اللي من تبوك تراه زين معليك مجرب نجي اللحين لشلون نسويها الله يعين العزوبية وما تسوي معليك أمزح وياك كنت عزوبي اللحين أنا ست بيت ههههه ()- أخفق البيض بالخلاط أو شيء ثاني بالملعقة مثلا وحط شوي ملح جب التاوه وأدهنها بالزيت وحطها على النار شوي لما تحس انها خلاص شعللتها ....صب البيض عليها ..... وجب شرايح الجبن وغط طبق التاوه اللي فيها البيض ولما تحس أن الجبن ساح على البض ...ملاحظه لا تحركها ولا تخرب .....خلصة الطريقة ...... هاه ويش رايك .... الله يخليك أعزمني ههههههه 2-الوصفه الثانية تصلح غداء .....جب خضار كوسه ونظفها وقطعها دواير وبصل وبرضه قطعه بعد التنظيف وبطاطس وفليفل قصدي الفلفل الرومي وسو نفس الشيء وجب سمكة هامور معتدله يعني مي راعية سوابق ههههههه قصدي بالحجم على قدنا ونضفها وحطها بين الخضار في طبق هذي والله يبيله بهارات بس عاد ويش نسوي ولا بتخرب الطبخة وملحها ...أصلك أنت كلك ملح .....هههه خلي الطبق في الفرن لمدة 45 دقيقة تحت حرار350 درجة مئوية..... وبعدين بالهناء 3- يوه مشوي دور لك على لحم غزال .....فرش طازة أو ماشبه يعني ضأن ولا تيس بري هههههه قطع اللحم وملحه وحطة لمدة 20 دقيقة في خل وبعدين جب الشواية لين ينجح .... وجب عسل يا عسل وغمس المشوي في العسل ومحل ما يسري يمريء,,,,, والله جعت ...مع السلامة |
ياهوووووووووو عندنا طباخيييين ستات بيوت:D تسلم والله طلعت اشطر مني:rolleyes: |
لسلام عليكم ورحمة الله وبركاته
اخوي عاشق لا شكر على واجب حنا في الخدمه شمس اعجبتني الساندويش بالتونه ( وحده تحب التونه والله لو اقول لكم كيف اكلها تفطسون من الضحك بس ماني قايله) اخوي blue انا اسوي البيض الى حد ما مثل طريقتك أجيب البيض واضيف له ملح فلفل اسود ملعقتين حليب سائل واخفقه زين وبعدين احضر التاوه ولما تسخن اصب شوي من البيض بمعنى اسوى اقراص بيض تكون مدوره رهيفه وبعدين اخذ القرص واضع في طرفه الجبن المبشور والمضاف اليه بقدونس وبعدين اطوي قرص البيض يصبح شكله اسطوني ثم اقطعه حلقات واقدمه ممكن اي جبن متوفر ترى يسمى هذا الطبق أومليت اختكم ريوف |
اهلين ريوف اللهم لا حسد ...الحين يغاروا منا المنتديات الثانيه:D الله على بتوع الاومليت .... تسلمي لي يا قمر .. ما قصرتي |
هلا والله بالجميع ... يا حيا الله المطبخ الشرقي ...:) ... هلا وغلا بشمس الضحى ... انا احب المطبخ ....الله يخليكي لا تلبسيني تهمه ...:D ... بعدين سمعتي تتاثر ..:cool: ... كل الدعوه ان الاهل كانوا مسافرين .... قلت اجرب .. بس مشالله على الوصفة .. سريعه جدا ...ولذيذة جداااا ... تنفع للوقت اللى اكون فيه مقابل للجهاز ... تسلمين ...وياني دعيت لك دعى يوم جربتها ... حت اني احترت ادعي ولا اكل ...:) ... تسلمبن ويا عسى عمرك طويل ... ==================== هلا والله ببلو ... والطبخات العزابية السريعه ...:D .. ياخي اثرك خطير في المطبخ ... لا وتلعب خطة هجومية بعد ...;) ... بس والله فعلا وصفات رهيبة .... ما جربتها للان ...بس شكلها فعلا لذيذة ... قمت ادعي ان الاهل يسافرون مرة ثانية علشان اجربها براحتي ...:D ... وعلى فكرة ترى الوصفه الاخيرة ما انتظرت عليها ... طلعت طلعه خاصة مع الشباب علشان اجربها ... وتسلم الايادي يا شيف بلووو .. الله يهنيك دنيا واخرة ...وما قصرت يا الغالي ... تعيش وتجيب ....:) .. ================= هلا وغلا بمعاني ... بصراحه ...وبدون مجاملة انا شاك فيكي ...:rolleyes: ... اشوفك داخله خارجه من الموضوع يد ورى ويد قدام .....ولا حتى كتشب..:D ... يا خوفي انك تنقلين هذي الوصفات ... وتطبقينها في البيت ...ومحد قدك ...ست بيت ممتازة ..:cool: ... لا ومعلمتهم انها وصفات من عندك ... وانه تعبانه في تكوينها اللين ضبطت ... الله يستر منك .. مشكورة ... ولو اني منتظر العزيمة الى الان ... على الاقل ..هبرقع ..:D .. =============== هلا والله باختي ريوف .... والله انك خجلتيني بتواصل مع هالموضوع ... وكل مرة جاية وفي يدكي وصفة ... ونهايتها والله واعلم راح افتح مطعم وجبات سريعه تحت ادارتك الموقرة ... الف شكر لك اختي ..ويا عسى عمرك طويل ... دوم راعيه واجب واصل ... تسلمين ... ولازال البحث جاري ... واحد طماع ...:rolleyes: .. سلام .. |
هلا وغلا عاشق الحجاز والجزيره العربيه اذا تبي اكلات ماعليك بس نادى شمس وما تدرى الا وانا طابه عليك عندى اكله مره سهله بموتك من التونه بس ترى التونه لذيذه اذا انطبخت خذ عندك ماله داعي لغه عربيه الاكله ذي يبي لها عاميه عشان تضبط جيب علبتين تونه يكون عندك كرنب سهله مره خذ ربع قطعه من الكرنب والا على حسب حبك للكرنب قطع حط القدر على النار مع قليل زيت قليل عاشق يعنى ملعقه لا تحط العلبه وحط عليها الكرنب وخليه الين يذبل وبعدها التونه وحط ربع فنجان مويه وخليها الين تذبل مرره طبعا لا تنسى الملح وشوى فلفل اسود عصرة ليمونه تاكلها مع رز ابيض يمي يمي فعلا المهم كل وانت تشاهد البرامج دخلنا على اللغه العربيه حلوه تشاهد وبالعافيه ومثل ما قلت سوى نداء اذا تبي اكلات خفيفه او ثقيله تحياتى عاشق ادعى لي |
هههههههههههههه
الناس مشتغله هنيه من ورااااااااااي
يالله اريد جاهز انا انا عندي اكله حلوه بسكوت ويا الكاكاو يمي يميييييييي من يعرفها:D :D :D :D :D |
| الساعة الآن 16 : 03 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]