شاعر الاسبوع .. الامير .. خالد الفيصل ..
http://www.almton.com/vb/images/smilies/14.gif
السلام عليكم ورحمة الله وبركاته مساكم الله بالخير جميعا هذا موضوع شفته في حدى المنتديات وحبيت نطبقه هنا في وئامنا ونستفيد منه فكرة الموضوع .. ان نختار شاعر و نطرح اكبر عدد ممكن من قصائده حتى نستفيد من قرائتها وقد يتسنى لنا قراءة قصائد لم نقرءها من قبل ان شاء الله تعجبكم الفكره .. همسه .. لن يكتمل الموضوع و يتالق الا بمشركاتكم http://www.almton.com/vb/images/smilies/14.gif
يموت الشجر واقف وظل الشجر ما مات = رياح الدهر تصرخ وهي تجرح جنوبـه لك الله شجر للموت ما ترخي الهامـات = بقت وقفتك يا رافـع الـراس مهيوبـه شجوني لها مع وقفتك يا شجـر وقفـات = عيون النظر مع نظرة الفكر مصحوبـه شموخ الشجر عبره لمن يفهم الشـارات = والإنسان في غفلـه والأيـام محسوبـه أرد النظر لاشك يـا نظرتـي هيهـات = أبستوعب العبـره بالأشجـار مكتوبـه وأنا يعتريني ضعف الإنسان و الهقوات = أروم العزايـم يـوم و أيّـام مسلوبـه أبظهر عن الدنيا مع حامـل النظـرات = و أسافر عن العالم على غايـم دروبـه و أبرسم على غيمة دروب الهوى بسمات = وأبنثر كـلام الحـب طـرب وطروبـه و أغنّي بها سامر وأقوّم بها عرضـات = وأبترك ثرى الدنيا لمن كـان مطلوبـه http://www.almton.com/vb/images/smilies/14.gif |
http://www.almton.com/vb/images/smilies/14.gif
الحزن في صوتك ازعج ساكنـي = لين صار الكون من حولي حزين غصب عني حزن صوتك هاجني = لين خلّى عاصي المعنـى يليـن وامتثل حرف القصيـد وعادنـي = وانسكب حزنك على شعري حنين شلت انا صوتك وحزنك شالنـي = اكتم الصرخه وينسـاب الأنيـن طير انا مثلك زمانـي ضامنـي = جرحتني مثلك سيـوف السنيـن صابك اللي من زمـان صابنـي = في معاليق الحشا جرحـه دفيـن كلمـا ودعـت هـمّ زارنــي = من عذاب الوجد بيـاح الكنيـن الفرح عقـب الصداقـه هابنـي = خافت البسمه على وجهي تبيـن طير ياللي صوت حزنك هاضني = الله اللـي ينتصـر للصابريـن http://www.almton.com/vb/images/smilies/14.gif |
http://www.almton.com/vb/images/smilies/14.gif
تساوت عندي الدنيا تسـاوت = وهي يومك قريب(ن) لي تفاوت حياتي عقب نورك مثل ليل(ن) = جميع نجومه من أدنى تهاوت ألا يا ناصح(ن) بالطب روحي = تراها لو لقت طب(ن) تـدوات ولكن من يعوّضنـي بخـل(ن) = معاليق الضماير بـه تـلاوت أنا وياه مـن عهـد الطفولـه = مثل قلبين في صدر(ن) تخاوت يجي عقبه فرح و إلاّ حزايـن = تساوت عندي الدّنيا تسـاوت http://www.almton.com/vb/images/smilies/14.gif |
http://www.almton.com/vb/images/smilies/14.gif
ياسامرين الليل في بحـر الأشـواق = يا ليتنـي معكـم يلـوح شراعـي بين القمر والمـوج لمعـه وبـرّاق = والنسمـه العذبـه للغاليـن داعـي القـرب يالغاليـن للـروح تريـاق = والبعـد ذَبّـاح القلـوب الوجاعـي لا واعنا اللي باطرف الليل مشتـاق = خلّوه ربعـه مـع سـلام الوداعـي يسهر مع الذكرى على صفر الأوراق = في صفحة(ن) تشرب دموع اليراعي بين الرجا والياس وقّف على سـاق = والدرب بقلـوب المواليـف ساعـي http://www.almton.com/vb/images/smilies/14.gif |
http://www.almton.com/vb/images/smilies/14.gif
تنشد عن الحال .. حالي كيف ماشفته = وانا احسب انك قبل ذا الوقت تدري به في خاطري لك كلامٍ مير ماقلته = اجنبك مايحسك لو حياتي به هم جديد على الاول تحملته =عنك اتحمل كبير الهم وامشي به رحت اتمثل بطبع لك تعلمته = لاصار لك غالي لياك تشقي به http://www.almton.com/vb/images/smilies/14.gif |
http://www.almton.com/vb/images/smilies/14.gif
ياصاحبي هانت عليـك المحبـه = لاوحسايف عقب هاك المواثيـق جمر الغضا في وسط قلبي تشبه = نارٍ حطبها يابسـات المعاليـق كـاسٍ مليتـه بالوفـا لاتكبـه = خلّه يبلل بالوصل يابس الريـق صبّه بقلبي ثـم ملّـه وصبّـه = وان كان ودك غرق القلب تغريق دام الهوى راسي وراسك يهبـه = خذ سجّةٍ ترى زمانـك توافيـق ترى حلاة العمر مع من تحبـه = شخص تريد من جميع المخاليق http://www.almton.com/vb/images/smilies/14.gif |
http://www.almton.com/vb/images/smilies/14.gif
نادميني كلهـا ساعـه و اغيـب = مابقى غير المـوادع يـا حبيـب سلّي الخفاق عـن هـمّ الزمـان = و اجلَي مْن العين نزّات السّريـب طالت ايامي و انا فـوق الشـدّاد = الذلول تسير و الراكـب غريـب درهمت بي في عجـاج القايلـه = و الثرى من حدرها جاله لهيـب كل خف(ن) يرسم بدربـي حـذر = لاهل ركب(ن) ما بعد طبّ الشعيب يفهّم اللي يفهم و يجهـل كثيـر = و المراجل دربها دايـم صعيـب يا كبر غلطـات جهّـال الحيـاة = ضعيوا بعيدهم واخطوا القريـب يا بعد فرق الّليـال مـن النهـار = و يا بعد فرق الغرير من اللّبيـب بعضهم يـزمّ بـه كثـر الهـدوم = وان تحدّث طاح من عين الرقيب كل رجل(ن) يستـره قـل الكـلام = و اللسـان يجمّلـه و الاّ يعيـب نادميني..وقتـي الباقـي قصيـر = و الْمِسي بعيونك جروحي تطيـب فرّغي قلبي و فكري مـن عنـاي = يا شعاع بالعمـر قبـل المغيـب و مضة(ن) في ليل دهر(ن) ظلوم = تبعث الآمال فـي وقـت عجيـب السؤال يغيب من قبـل الجـواب = نادميني ..كلها ساعـه و اغيـب http://www.almton.com/vb/images/smilies/14.gif |
http://www.almton.com/vb/images/smilies/14.gif
ياعل قلبٍ ماشكا الحب والتاع = تنهار من فوقه محاني ضلوعه ياما نهيت القلب لاشك ماطاع = ما طاع يدله والليالي تلوعه اثر المولع دمعته تجرح القاع = والي ذكر مافات هلّت دموعه يفز قلبي تالي الليل مرتاع = اخاف تبعد عن ربوعي ربوعه الموت كان العرف عقب البطا ضاع = والمنتحي ياسعود صعبٍ رجوعه في غير شوف العين مانيب طماع = حقه علي امشي بدرب المطوعه ابو عيونٍ رمشها سود و وساع = في ذبحها العاشق فتون و بتوعه http://www.almton.com/vb/images/smilies/14.gif |
راااااااااااااااااااااااااااااااائعه داااااااااااااااااائمااااااااااااااااااااا
ياااااااااااااااااااااسديم لي عوده قريبه بإذن الله سجلي اعجاااابي بالموضوع تحياااااااااتي |
غريب ومسافر لحالي =ودروب الايام تعابه أدور المنزل العالي =أزايم الحمل وارقى به ما أحب انا المركز التالي =الاول اموت واحيا به وش عاد لو الثمن غالي =روحي على العز وثابه ماهمني جمع الاموال =زهاد بالمال واصحابه من فيصل آعيش بامثالي =أدرس وأدرس من كتابه تحيااااااااااتي |
من بادي الوقت هذا طبع الأيام =عذبات الايام ما تمدي لياليها حلو الليالي توارى مثل الأحلام =مخطور عمي عجاج الوقت يخفيها أسري مع الهاجس اللي ما بعد نام =واصور الماضي لنفسي واسليها أخالف العمر وأرجع سالف أعوام =وانوخ ركاب فكري عند داعيها تدفا على جال ضوه بارد عظامي =والما يسوق بمعاليقي ويرويها إلى صفالك زمانك عل ياظامي =اشرب قبل لا يحوس الطين صافيها الوقت لو زان لك يا صاح مادام =ياسرع ما تعترض دربك بلاويها حتى وليفك ولو هيم بك هيام =سيور الايام تجنح به عواديها تحياااااااااااتي |
وهذي الرااااائعه
طاااااااااااااااال السفر طال السفر والمنتظر مل صبره والشوق يا محبوب في ناظري شاب رد النظر خليت بالكف جمره سعيرها في داخل القلب شباب عز الخبر والمهتوي ضاق صدره يا من يرد العلم عن هاك الأحباب طيفه عبر ما أرسل مع الطيف عذره هو خاطره من لوعتي ما بعد طاب هو ما ذكر أن الجفا فيه كسره للخافق اللي من هوى صاحبه ذاب يا ما سهر طرفي على حبس عبره اردها والوجد للدمع جذاب دمعٍ حدر جاله على المنع جسره عظيم وجدي للدمع شرع الباب يوم وشهر عزاه والعمر مره والناس واجد لكن الولف غلاب تحياااااااااااااااااااااااااتي |
ياسلام عليك ياسديم دايم تجيبين الروائع يارائعه لاعدمنا حضووورك ولي عوده بإذن المولى تحيااتي محمد السبيعي |
الليدي عمشا
الله يعطيك العافيه وشكراااا لتفاعلك انتظر منك المزيد |
السبيعي محمد
شكرا لتواصلك ودعمك بنتظار عودتك |
http://www.almton.com/vb/images/smilies/14.gif
قصيدتي منك مجروحه = اخلفتني و اختلف شعري يا ونّتي منك مبحوحه = لو ما طلع صوتها عذري ذي رايتي منك مطروحه = طرحتها و انت ما تدري شف دمعة الشوق مسفوحه = و الوجد في ملحها يسري مواجع القلب مفتوحه = داريتها و احترق صدري حمامة الوصل مذبوحه = يا خوفتي قبرها قبري http://www.almton.com/vb/images/smilies/14.gif |
http://www.almton.com/vb/images/smilies/14.gif
من بلاه الله تصبر واحتسب = عادة المسلم على الشده صبور اتلمس للخوي عذر و سبب = لالحقني من بعض ربعي قصور واتحمل زلة كحيل العرب = واتحاشا عضة الكلب العقور اعشق الغالي ولاهوب الذهب = وانزل العالي ولاهيب القصور في هجير العمر خاويت التعب = فوق رمل البيد و امواج البحور كل حيٍ في حياته له طلب = ذا تهيّا له وهذا في دبور لاتعجب ماعلى الدنيا عجب = حكمة الرحمن خلاها تدور http://www.almton.com/vb/images/smilies/14.gif |
http://www.almton.com/vb/images/smilies/14.gif
لايطول غيابك .. ثمٍ آخذ عليه = لو تخلّيت عني .. عنك قلبي تخلى العذر و التعلل و الحكي مانبيه = من تحرك فؤاده بالهوى ما تغلّى طبعي الصبر لكن وش عليه ارتجيه = من طويل الصبر يعقوب و ايوب ملاّ دامني حي عطني .. وش بقى نحتريه ؟ = مابي دموعك اللي عقب موتي تهلاّ مابقى بالعمر مقدار ما راح فيه = كل مازلّ يوم ٍ يوم بالعمر ولّى مايعرف الجمر مثل الذي يكتويه = احد يدفا بناره و احد فيه يتصلى يامن القلب حطيته براحة يديه = ما رضا له مكان غير كفك محلا كم تعذّر وعيّا عن هوى مهتويه = لين طاح بيمينك بالغرام و تجلى http://www.almton.com/vb/images/smilies/14.gif |
http://www.almton.com/vb/images/smilies/14.gif
قالوا لي العب قلت ما نيـب لاعـوب = إلا مـزوحٍ عنـد صافـي الجبيـنـي الاعبه و افرح إلـى صـرت مغلـوب = و اشوف و جهه لـى غلبنـي يزينـي و اطرب على ضحكه و هو حيل طروب = و انادمه فـي لحظـة أحلـى سنينـي حبيبي اللـي كـل مـا فيـه محبـوب = ترخص له الدنيـا و مـا كـان فينـي اللي يجيني كـل مـا غـاب لاهـوب = أونـس حـرارة لاهبـه فـي كنينـي و كني على غيره من الناس مغصـوب = و كـن العمـر ياقـف بليـا ظنينـي و اصير بين يديـن الأيـام مقضـوب = و الليل يجلـد بالسهـر مـوق عينـي يضحك بي الشامت إذا قلت ما أتـوب = و يحزن صديق العمـر ممـا يجينـي ليته يغطـي لوعـة العاشـق الثـوب = و إلا عيونـي مـا تبـيّـن حنيـنـي و إن كان تعذيـب المحبيـن مكتـوب = علـى عـذاب الحـب ربـي يعينـي http://www.almton.com/vb/images/smilies/14.gif |
http://www.almton.com/vb/images/smilies/14.gif
الاياعين هلي دمعك الصافي على الخدين = لعل الدمع ياعيني يزيل الهم من بالي سهير الطرف اهوجس والخلايق كلهم ممسين = انا والليل وفوادي ودمع العين همالي الي مني ذكرته صار ليلي يا سعد ليلين = الاواعزتالي من خياله لاتغايالي الاياونتي ونة كسيرٍ والعرب مقفين = كسير الساق تالي الليل يذرف دمعه الغالي الي من غاب عن عيني نهارينٍ شكيت البين = ولو صارو جميع الناس عندي كني لحالي اعزي نفسي الولهى و اقول الصبر لاجلك زين = ومن يصبر ينال مناه كان صدق بالتالي http://www.almton.com/vb/images/smilies/14.gif |
http://www.almton.com/vb/images/smilies/14.gif
سافر عسى ربي يحرسك و ياقاك = هذا البخت عزاه وش في يديني ياشين باكر ياحبيبي بليّاك = لي جا وعدك اللي بوقته تجيني لي قمت ادّوج في مداهيل ماطاك = ياما جرى بشهار بينك وبيني هذا وهو توّك تطري بممشاك = وشلون لي قفيت يانور عيني ياشين عينك ياهوى البال ماشقاك = كانك مثل ما ابيك ياسمر تبيني http://www.almton.com/vb/images/smilies/14.gif |
http://www.almton.com/vb/images/smilies/14.gif
قريت خطك بالوفا عشر مرات = في كل مره تنثر العين ماها ذكرتني هاك الليال الجميلات = لو كان قلبي ذاكرٍ مانساها من عقبكم ماعاد للعيش لذّات = مالتذ في دنيا مخالف هواها اليوم انا مثلك جداي التنهات = عيني تهل دموعها من عناها هايم بعيد الدار سهران مابات = اتبع هواجيسٍ بعيدٍ مداها نارٍ تلهّب بين الاضلاع زافات = نارٍ لجت بالجوف عالي سناه مالي عن المقسوم مافيه مشكات = بليت بلوى سم حالي بلاها الله يبدل حالتي في المقبلات = مايقطع لنفس المشقى رجاها ارض الجزيره علّها للمسرات = القلب وعيوني و روحي فداها http://www.almton.com/vb/images/smilies/14.gif |
http://www.almton.com/vb/images/smilies/14.gif
لو نسيت العمر ما انسى دمعتك = صرخةٍ ذابت من عيونك دمع ترتعش مرتاعةٍ في وجنتك = و انتفض قلبي لها بين الضلوع ازعجت صمت الليالي عبرتك = بالخفا ثوره و بالظاهر خشوع تسكب الدمعه و تظمى نظرتك = مشهد النظره وهي تظمى يروع يا ضياع العمر ضيعة بسمتك = ضاع معها خافقٍ مثلك جزوع ليت من يمتص جارح لحظتك = و الفرح يشعل دياجيرك شموع http://www.almton.com/vb/images/smilies/14.gif |
http://www.almton.com/vb/images/smilies/14.gif
غرتني الايام باقبالها يوم = و اثر النكوفه عند الايام عجله جتني لياليها على دف و انغوم = اثر الليالي بالغرابيل جزله فرحة نهارٍ عقبها ليل وهموم = من يوم جذ البعد محبوب وصله فرقا الضحى تسهل على باقي القوم = لكن على الخلان ماهيب سهله ماهمني بعد المسافات معلوم = لاشك بعد القرب للصّب قتله راعي الهوى من راحة البال محروم = قربه وبعده نار ماينعرف له عز الله اني في ظبي نجد مغروم = راعي العيون اللي مع الزين خجله من حبهم كني من الحب مظلوم = ونفسي عليهم ياهل العرف وجله http://www.almton.com/vb/images/smilies/14.gif |
هلابك سديم
موضوع رائع جدا بصراحه مالي بالشعر بس بعد ماقريت القصايد خليتيني افر بالنت لين لقيت قصيدتين مررره فضيعه بابدا بقصيدة رثاء الملك فيصل |
وهذي ثانيه
أنـــا الــقـــصــيــدة بصراحة ماعرفت انسق القصايد صارت تعمي العيون انصحكم انسخوها ملف وورد وصلحوها باللي تبون ( وجه متفشل ) |
كل مانسنس . . كلما نسنس من الغربي هبوب حمل النسمة سلام وان لمحت سهيل في عرض الجنوب .. عانق رموز الغرام لك حبيب ما نسا .. كلمته دايم عسى اطلب الله وارتجيه .. صبح يومي والمسا كل زين اشاهده وانتم بعيد منوتي ليتك معي وان سهرت الليل اهوجس بك واعيد هل لاجلك مدمعي وانت هاجس خاطري .. وانت فرحة ناظري يا قريب ويا بعيد .. فيك امس وحاضري نشوتك تلعب مع قطر المطر .. وانتشى قطره معك والسحاب يطاردك بين الشجر خالق الزين ابدعك الندى في وجنتك .. صار عطر بلمستك والهوى غنى طرب .. تستثيره بسمتك كلما ضمت عيوني منك طيف يا بعد كل الطيوف قلت ما مثلك على الدنيا وصيف لا حشا مالك وصوف لا سحاب ولا مطر .. لا نسيم ولا زهر .. لا طيور ولاغزال .. ولا مع باقي البشر .. خالد الفيصل |
سمرت .. سمرت بصحبة حروف القوافي احملها تناهيتٍ خوافي اشكل بالحروف الوان صوره احركها من المعنى بصافي اشيل الحرف من معنى لمعنى واجاري ما زهر واظهر بخافي والى مني عطيت الحرف ونّه بها حرفي على النجمات طافي يقوّم كل نجمٍ من منامه أنا ما نيب اسامر نجم غافي يجيني كل نجم منه معنى ولا قد قلت للنجمات كافي تصور لي دموعٍ وابتسامه من عيون تقصوت ما تشافِ ألا يا نجم يا عالي تبصّر شف بعين المحبه عين وافي وخبرني عن علومه وحاله عسى قلبه مع الأشواق دافي ولو ممشاي في جمر يفيده مشيت بجمرها كنه عوافي ولكن وش يفيده لو ذبحني ومن يوصف جماله عقب قافي . . |
من شمال .. هب نسناس الهوا لي من شمال حاملٍ ريح الخزامي والنفل من فياضٍ ظبيها يلعب دلال لي لمح ظله من النشوه جفل يذبح العشّاق صعّاب المنال كم شطيرٍ بالقناصة قد قتل مثل شمس العيد فضّاح الجمال كل نجمٍ لا ظهر نوره افل خصني بمواجه السحر الحلال واشهد ان السحر في قلبي نزل ضاريٍ بمقابل فحول الرجال وارتعش قلبي من الفتنه خجل قلت راح العمر من دون الوصال قال لو حاولت يا القاطع حصل قلت لوني طامعٍ لو بالخيال كان بدلت التوجد بالأمل يا ندى الغيمه على ورد الجبال يا عبير زهور ريضان السهل اجتمع حسن الحلا بك والجلال ما تبدل بك مع العالم بدل |
لك حق تزعل
لك حق تزعل ثم لك حق نرضيـك=ما اقوى زعل حبيب قلبي وعينـي ما دام قلبي يا اريَش العين مغليك=اطلب ولك روحي وما في يدينـي لا تنشغل مالك وزيـنٍ يضاهيـك=أبيك أنا لو كـان غيـرك يبينـي يوم الله احسن صورتك خصني فيك=فيك الجمال وصادق الـود فينـي شعري يزين بوصف زينك وطاريك=والأرض من ممشاك فيها تزينـي أول غناتي صوت الأشواق يدعيك=وآخر غناتي شق صدري حنينـي |
ايووووووووووووووووه
ايـوه قلبـى عليـك التـاع=مايحتمـل غيبتـك ليـلـه عسـاه عسـاه مايـرتـاع=عليـك يانـافـل ٍ جيـلـه غنيت يابو عيـون وسـاع=من غيرك اقصد واغنى لـه معذور لو صرت بك طمـاع=مـن حبكـم مالنـا حيلـه القلـب مـن يمكـم نـزاع=لوحاولـو صعـب تحويلـه مانيب من عاذلـى سمـاع=والله ماقـطـع مواصيـلـه من لام راعى الهوى خـداع=سيـور الايـام تبـدى لـه ماضاع عمرى معك لو ضاع=ماضـيـه والا مقابـيـلـه سلمت لك خافـق ٍ جـزاع=عساك يازيـن تـاوي لـه |
ليالي نجد ما مثلك ليالي
ليالى نجد مامثلـك ليالـى=غلاك اول وزاد الحب غالي ليالي نجد للمحبوب طيبـي=امانه نور عينـى ياليالـي حبيبي لى ذكرت انه حبيبي=دريت انى حظيظ وزان بالي على شانه تهاونت المصايب=اذوق المر لاجل رضاه حالي والى من الزمان اشتد حره=لقيت بقرب مظنوني ظلالي عفا الله عنه مما جاني اول=غسل حبه جميع الهم تالي |
سحااااااااب
سحاب انا من بدة الناس مغليـك=اغلى على من الهوى في حياتى سحاب سميتك على غيث واليك=ياغيث قلبى فرحتـى يانجاتـى اخايل بروقك واراعي مناشيـك=واشفق على هل المطر منك ياتى سبحان من علاك عن كل راجيك=ارض تعداهـا حياهـا فواتـى هواك طوفنى معك في مساريـك=من فوق أناظر قالبين العباتـى |
حدر القمر .. حدر القمر صوّت لخله وناداه ثلاث مراتٍ وبالرابعة ون حدر القمر يا ما همس له وناجاه وعيونهم ياما بنوره تلاقن والبارحه عدا على الذيب بعواه واقفت ظنونه بالليال يتعادن مرٍ حوالينه ومرٍ تعداه ومر تضاحك له ومر يتباكن هذي سواة اللي عن النوم قزاه طيف الحبيب اللي على خاطره عن ان شافت عيونه جمال تمناه وان صوت القمري لصوت الهوى حن الجارحه تجرح وتسري وتنساه وجروح مجروح الليالي تساقن والخافيه طعنة زمانه تمثناه والبينه عنها عيونه يبوحن |
سريت .. سريت ليل الهوى لين انبلج نوره امشي على الجدي وتسامرني القمرا طعس وغدير وقمر ونجوم منثوره انفاس نجد بها جرح الدهر يبرا يا نجد الاحباب لك حدر القمر صوره طفلة هلال وبنت اربع عشر بدرا حبيبتي نجد عيني فيك معذوره معشوقة القلب فيها للنظر سحرا فضة شعاع القمر في نجد مسحوره منشاف لمع قمر في خدةٍ سمرا |
ساعة الفرحة .. يا ساعة الفرحه تشوقت للعيد عيد العيون وعيد قلب الصبابه رد الجمال لشوفتي يا اتلع الجيد واسحب على حرفي لحون الربابه حرفي بصوتك يا اجمل الصوت تغريد يا رمز حبي هاك رمز الكتابه يا صبح عمر فيك للعمر تجديد وحبك يجدد كل يوم شبابه للعين والقمرا وحسنك مواعيد وليل الهوى شرع للأحباب بابه ياما زعجت الصوت باسمك تراديد وياما نسيم الوجد يمك سرابه وياما تمنيتك على باقي الغيد واقول مثلك يا غلا الروح ما به ابيك تهوى مثل ما اهواك وتزيد يا من خفوق القلب حسنك غدا به يا قطرة الغيمه على يابس البيد رد الحياة لخافقي يا ذهابه |
اسعد الله اوقاتكم
الوعـــــــد انتظرت ازمان في ظل الوعد احسب الخفقات يااغلى وعد انتظرت والظاهر انك ياوعد ماجيت عيا عليك الوقت ولا ياوعد عييت انتظرت لكن النجمه سرت والقمر راحو اصحاب السمر ونسمة وفا مرت ولفت مكان الوعد ضمت تعتذر وانتظر انتظرت ازمان في ظل الوعد مااحسب يجيني يوم اكذب احساسي ولا اقول لليل طولت ياقاسي سقى الله امسي العاشق ونورك بالسما شارق تعاطينا المحبه شوق تساقينا هوانا ذوق نقول لليل لا ترحل ترى الباقي معك اجمل سرينا والوعد باكر حضرت.. ولا حضر باكر وانتظرت ازمان في ظل الوعد الله ياهو الوعد ظالم اذا جيته ولا جاني وانا مااظن ينساني ويتركني لأشجاني دعاني بالامل لكن.. مسح قدامي دروبي ولا ادري شي او لا شي اغني فيه مسعودي تأكّد ياوعد.. والا ترى لاجيت بتغلى وبتأخر ولو لحظه واجيك اسابق اللحظه ولا اغمض ولا عمضه تفوت من سناك ومضه وانتظرت ازمان في ظل الوعــــــــــــــــــد. وسلمت الأيادي ياسديم الوئام لاعدمناك |
هلابك .. مرتاد الافق ..
الحمد لله على السلامه الله يعطيك العافيه على هالقصايد وشكرا لتفاعلك |
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف لا سحاب ولا مطر .. لا نسيم ولا زهر .. لا طيور ولاغزال .. ولا مع باقي البشر .. السبيعي محمد الله يعطيك العافيه وتسلم يمناك |
معذور لو صرت بك طمـاع = مـن حبكـم مالنـا حيـلـه القلـب مـن يمكـم نـزاع = لوحاولـو صعـب تحويلـه مانيب مـن عاذلـى سمـاع = والله ماقـطـع مواصيـلـه من لام راعى الهوى خـداع = سيـور الايـام تبـدى لـه ايوووووووووه الله يعطيك العافيه .. الليدي عمشا .. تسلم يمناك |
الساعة الآن 51 : 04 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas