|
قررت أعترف لكم
ايه بعترف خلاص ما عاد اطيق السكوت
احس ها الكذبه كاتمتن على صدري .......بقول لكم اللي في قلبي بس تكفون لا احد يزعل مني ولا يكرهني تعبت وانا اداري همي واقول بكره تتعدل بكره احسن ......بكره تمطر علي دنياي وتهل السحايب برزق وخيرن جديد اسمي حصه لي اختين هند وسارا متزوجات من قبلي وكل واحده فيهن زوجها موريها نجوم الليل لا معزه ولا حشمه وقلة احترام وفوق ذا كلله خواتي صابرات , بالعات الهم وراضيات بقسمة الله .................. لا اطول عليكم بدخل في الموضوع على طول ادري فيني قاعده اتهرب من قول الحقيقه تدرون ليش؟ لان الحقيقه با النسبه لي مرره وعلقم وسم قاتل امنتكم لا تروحون اصبروا بس لين تعرفون وش السالفه اهلي يسكنون في حاره شعبيه كل اللي فيها على قد حالهم عوايل ميسوره الا جارنا ابو حمد ماشالله عليه ربي معطيه خير واجد جارنا ابو حمد عنده سبع بنيات ربي ما قسم له يجيب عيال لكنه ما يحب احد يناديه باسم بنته نوره خويتي وسمى نفسه ابو حمد لعل وعسى يجيه الولد نوره ذي خويتي وحبيبتي ما يفهمني غيرها تغليني واغليها كل يوم يا تجيني والا اجيها كل وقت وكل ساعه ما احس بيومي وطعمه من غيرها اشوفها اخت لي وتشوفني اختها ........... تعودنا حنا الجيران ناخذ من بعض يعني كل بيت يكمل غرضه من جاره مثل ملح طماط بهارات شوية زيت الخ الخ ذاك اليوم اميمتي نقص عليها شوي زيت وكان غدانا سمك تعرفون السمك يبيله زيت ووووااااااااجد ايه لحظه نسيت اقول لكم ان عمري انا ونوره مثل مثل تونا مخلصين ال 22 سنه يعني تونا صغار خلوني اكمل حكايتي ......وين وصلت؟ ايه تذكرت ....اميمتي ارسلتني يم جارتنا ام حمد اجيب لها شوية زيت بصراحه ما صدقت انها ارسلتني لان امي معاقبتني من امس ما اشوف نوره قالت لي غسلي مواعين العشا ويوم عاندتها حلفت ما اروح لنوره واتهمتها انها هي اللي مخربتن اخلاقي تصوروا؟!! هي قالت حصه روحي لم بيت جارتنا ام حمد وجيبيلنا زيت من هنا وما كملتها الا وانا عند بابهم اركض ركض دقيت بابهم بقووه ما حسيت بنفسي من كثر لهفتي على شوفة خويتي انفتح الباب ودخلت بسرعه ووو و...... يووه وشلون اقولها لكم؟ تدرون من فتح لي الباب ؟ مشكلتي اني من كثر ما فرحت بشوفة نوره ما لبست عباتي رحت يم شرشف صلاتي حطيته على راسي وطلعت لان بيت اهل نوره مقابل بيت اهلي وحارتنا شعبيه مافيه مسافه طويله بيننا ما قلتولي من تتوقعون فتح لي الباب؟ ايييييييه صح ابو حمدفتح الباب وانا من دون ما اطالع فيه دخلت بسرعه وحسيت اني صدمت بحجر .......رفعت راسي الا وهو ابو نوره يوووووووه رجعت بسرعه وما انتبهت للدرج ...طحت وطاح عن راسي الشرشف طحت من الدرج وتالمت وصرخت غصبن علي الدنيا من زود الخجل والااحراج صارت سودا , ظلمه قدامي ما اشوف شي مديت يديني بعشوائيه ادور على الشرشف لاني ما صرت اشوف ...بس ما لقيته سمعت ابو حمد يقول بسم الله عليك بسم الله عليك وحسيت بيد انمدت علي وقومتني وشوي الا وشرشفي فوق راسي كل ذا وانا منعميه من زود الاحراج والخجل رفعت عيني الا وابو نوره عطاني ظهره وقال لي ادخلي ام حمد با الدار دخلت وطلع ابو حمد من البيت ياربي والله لو تدري امي عني ان تذبحني وتحرمني نوره بس وش يدريها من قال اصلا اني بعلمها اخذت الزيت وعطيته امي ودخلت حجرتي اتحمد الله اللي سلمني من امي ما سألتني وش اخرك والا ما انتبهت اني اعرج من الم الطيحه ادري طولت بس اصبروا شوي ....بس شوي وتعرفون السالفه ثاني يوم زارتني نوره قالت لي حصه تدرين ابوي سألني عنك امس؟ في داخلي حسيت بسكته قلبي , وقف مكانه قلت ان ابوها علمها بطيحتي؟ __سالني من ها اللي جت اليوم؟ _ وش قلتيله؟ _ قلت له هذي اختي اللي ما جابتها امي يبه ووش قال لك؟ سكتت نوره ......... قالت حصه____ نووووووووره ؟ ................ تعبت وانقطع حبل افكاري وش رايكم ؟ من يكمل ؟ويعلمنا وش صار مع حصه ونوره؟ ............ تكفون لا احد يحقد علي بجد ما عندي قدره اعترف وودي احد غيري يخمن وش ممكن يكون صار؟ ((كتابة اختي)) بس تكفون لاتضربونها هويدا أخت سوزان .................................................. .................................................. .................................................. .................................................. .................................................. ........... اذا كان وجود الشوك في الورود يحزننا.. فان وجود الورد في الشوك يجب ان يفرحنا ويسرنا.. ==================== ان لم تكن ورده فلا تكن شوكه ============== إذا تلبدت سماؤك يوماً بالغيوم أغمِض جفونك فستبصر خلف الغيوم نجوم ============= الحياة أمل بسمة حـب فأختر من الأمل أعظمه ومن البسمة أعذبها ومن الحب فضائله ============= |
أهلين سوزان و مراحــــــــب هويدا
طريقة جميلة وجديدة للمشاركة في المواضيـــــــــــع اممممممم أعتقد بأني أحتاج قليلاً من الوقت لأنجز فيها نهاية لهذه القصـــــة لي عودة مشاركة رائعة وبإنتظـــــــــار أن نرى معرف هويداً مضيئاً في الوئام ;) |
ههههههههه
سوزان :) والله تعجبني مواضيعج :D بس بسألج هاي القصه :o عنج:o :o ____________ بخصوص التكمله....الله يخليج كملي ماريد اتوقع :D مخي مفضي اليوم;) |
اهلا ...سوزان.....اقصد حصه;)
مدري هاذي قصه في الخيال ولا في الواقع...:o المهم انتي بدايتك توحي بنهاية قصتك......هاذا الي فهمته|2| واذا تبيني اخم وش قالت خويتك....... اظن والله اعلم تبيك عروسه لبوها........اكيد ابوها شاف زين ماهو طبيعي وخلا ه يفكر بالعرس;) .... هاذا الي جاء براسي والله اعلم:o ;) وتسلمين علي هاذي القصه واتمني تكون خياليه :) |
مرحبااا اختي سوزان
حيااك الله وحياااااا الله هويدا وأفكارها بلغيها تحيتنا وسلامنا..وترانا بنتظارها..:o نجي لسالفة حصه ونوره.وابو حمد صراحة شوقتينا نسمع وش صار عليهم بس الله يستر انا فكري راح لبعيد ليكون هالشيبه اعجب بحصه....ونوى انه يخطبها:rolleyes: ترا يسويها..صراحه هالشيّاب ينخاف منهم..:p ترانا بنتظارك ولاتطولين علينا.. تحياتي لك اختي سوزان.. |
معليش راح أكملها .. مادامكم ماكملتوها ..
================ وين وقفت السالفه؟ ايييييييه يوم ان حصه تسال نوره وش قال لها ابوها صح؟ زيييييييين ! قامت حصه وخنقت نوره بيدينها وهي تمزح معها وقالت لها بتقولين وش قال ابوك والا ذبحتك اليوم __اصبري اصبري بقول لك والله بقولك __هه؟؟؟؟ __قال عساها تصير وخيتك وتشاركك مسكنك , بصراحه يا حصه ما فهمت وش قصده وقلت له يا يبه وش قصدك ما فهمت كلامك تصدقين يا حصه طالعني بنص عين وابتسم وراح لم امي , تكويله غترته __سكتت حصه ومغصتها بطنها وحست ان شي بيصير , شي ماراح يعجبها مرت عليها ايام وهي تفكر وقلبها يوجعها وتشوف احلام مزعجه كثير وكل يوم توهم نفسها ان اللي في بالها ماراح يصير .......... مشكلة حصه ان ابوها من ابوان اوووووول ما يشاور البنت وراي البنت من راي ابوها المسكينه العادات بتجني عليها المهم لا اطول عليكم على غير العاده ولان حصه هي اخر العنقود يعني القعده تغيرت افكار ابوها شوي ناداها ذاك اليوم وهي تشوف مسلسل "" جرح الزمن "" كانت من اشد المتابعين له ويا كثر الدموع اللي نزلتها وهي تشوفه __يوووووووووه مو وقته يبه..... قالتها لنفسها وردت عليه : زين زين جايه هاالحين راحت يم ابوها والكشره ماليتن وجهها __ تعالي يا وليدي وهز راسه _ بمعنى اجلسي جنبي- جلست جنب ابوها وودها انه يخلص كلامه بسرعه تبي تشوف المسلسل قبل ما يخلص _ حصه يا وليدي الزواج سنه الحياه وانتي صرتي عروس وابشرك جاك اليوم عريس كل بنت اتمناه __ وششششششو !! عريس ؟؟ _ ايه ابو حمد جارنا فزت حصه على حيلها ووقفت , طالعت ابوها شوي , ووقفت للحظات لا كلام ولا حركه حتى رموش عينها وقفت معها __ " صرخ فيها ابوها " حصصصصصصصه _لا يبه ابو حمد لاااااااااا __ هييييييه ! انا ما اشاورك وترا وانا ابوك هذي اول مره اكلم واحده من بناتي في عريسها انا بس ناديتك لاجل تعرفين ان زواجك عليه في شهر صفر وان الرجال مقتدر وبيفتح لك بيت مستقل ومهرك تراه بجيبي __ يبه يبه ابو حمد لا __ اسمعي , انا عطيت الرجال كلمه ومهوب ابو بدر " اللي هو ابو حصه " اللي يرجع بكلامه ثم ان الرجال ما ينعاب مال وجاه ومعه حق يبي عيال ومرته ما تجيب الا بنات. __ يبه يمكن حتى انا اجيبله بنات بعد , يا يبه هذي عطايا من الرحمن _ ان جبتيله بنات بياخذ عليك الثالثه والشرع حلل له اربع .......... طلعت من عند ابوها وراحت يم حجرتها وبسرعه اتصلت على وخيتها هند اختها العود كبيره ورزينه وذكيه وتمون على ابوها اتصلت عليها وقالت لها : __ هند تكفين يا وخيتي ساعديني _ وش فيك يا حصه عسى ما شر ؟!! _ هند ابوي بيزوجني لا ابو حمد .....ابو نوره خويتي , زوج ام حمد جارتنا _ هه؟ قولي غير ها الكلام !! _ تكفين يا هند ساعديني والا تراني ضعت عند ها الشايب ابوي يقول انه دفع المهر يا هند وزواجي في صفر في حوش ام خليل _................... _هند _................... __ هنننننننننننننند ****************** تتوقعون هند ليش سكتت؟ وياترى بيصير عندها الحل ؟ والا تستسلم وتخيب ظن اختها فيها؟ .................................................. ...... أختي تعبت ممكن تكملونها أنتم ...... مع تحيات هويدا أخت سوزان امممممممممم من يكمل |
يعني وآخرتها معــــــــــــــــــــــــاكِ
حلقة أولى وقلنا ماشي البنيه تعبت بس كمان ننتظر يومين مايصير وأنا أخوك وبعدين هويدا ايش فيها ماسجلت لليوم , تر ىالإسم محجوز لها تكفى شوقتينا سوزان حياك ;) |
سوزان
يا قاتل الله سوزان وفطنتها
ابدت لعمرك مافي الصدر سوزان انها اعادت لنا حياة الحارة القديمة والله ياسوزان ان اتصورها امامي بضجيجها وطيبة اهلها ومشاركتهم لبعضهم في السراء والضراء واقارن الان تفكك اجتماعي رهيب نسأل الله السلامة صرنا خواجات اما ابو حمد فقدسبقنا للحل ساسا وبنت عنيزة اما ابو حمد فقراءته عندي وانا ابوهندي الشايب خرف وعينه زايغة ويبغى واحدة ترجعه شباب وياساتر استر حياك حياك يااخية محمد الشدوي |
السلام عليكم ..
ها ....... الان صحصحت من النوم .. كملتوها ولا لا .. يوه ... ماكملتوها .. الله يهديكم .. تراني تعبت ... .................................. ياألاهي .. محسون موجود .. وشفيك أخي محسون .. كن الضغط أرتفع معك .. ترى الصبر زين .. هذي حلاوة القصه .. لازم تصبر ...... أما من ناحية أختي هويدا .. مشغوله في الدراسه ..مو مثلي كسلانه .. وأنا أعتقد في الأجازه مالها غنى عن الوئام .. ................................ :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek اوه ............ أبن جني قد أقبل .. أقول ليش جاء المطر والخير ,,, وأنورت الدنيا ........... الأن عرفت .... أنت قلت النصف الأول .. بس السؤال هل سيتزوجها أم لا .. بصراحه ياأبن جني ..من شان ماتخرب القصه والله العظيم لخرب عليهم ولا أخليه يتزوجها .. مهما كان .. أنتم وش رايكم . شكرا لمشاركتك ياأبن جني .. وأتمنى أن تكون معنا حتى نهاية المسلسل ........ |
لا حول ولا قوة إلا بالله
اللهم طولك يا روووووووووووووووووووح |3| |3| |3| |3| |
السلام عليكم ورحمة الله وبركاته
حراااااااام عليك كملي صارت حرررررق اعصااااب من موصيك علينااااااا يا سوزاااااان |
مرحبااااا سوزان
ان لله وان اليه راجعون صارت مثل درب الزلق الي عيا يقضي طييب ياسوزان الشكوى لله مالنا الا الصبر.... |
سوزان انتي رائعه ............:)
هاذي القصص ولا فلا...........تري اذا مايتزوج حصه هاذا الشايب القصه ما تحلا........زوجيهم ...ازيلها وش تبي بالشباب الفقران ....هاذا مريش وعريس لقطه يا خوفي هو يو رثهااا:D |
هذي اخرتها
لك الله كم درة ثمينة بلعها الحوت
وكم غانية عند اهلها ميتة حية هذه النهاية التي جعلت سوزان تعطيني اكثر من حصة وفي النهاية خربت الرصة بزواج حصة من ابي حمد من باع در على الفحام ضيعه مثل السراج الذي في بيت عميانا ابدعت ياسوزان ويفترض ان تكون القصة في منتدى الشعر والادب لان القصص جزء من الادب ماعليش لاتزعلون يامدراء العام واعضاءه كلنا واحد عموما اختي سوزان اجدت الحبكة كانت القصة تتالى على رتم سردي جميل متسارع قرأتك هنا مرة ثانية بقصتك الجميلة الهادفة نقد اجتماعي لبعض الحقوق المهضومة للفتاة ولكن هناك صور جميلة اختزلتها القصة لنا وهي الطاعة العمياء لهذه الفتاة كجزء من الموروث الاجتماعي وهذا ماتميزت به حصة فلا اعتراض مع العلم ان الاعتراض هنا واجب والقاضي ولي من لا ولي له وقياسا من هو في حكم حصة بس ارجو ان تكون النهاية انجاب حصة لود وموت ابو حمد من الفرحة يعني جلطة حياك حياك محمد الشدوي |
وشفيك أخي محسون صار وجهك أحمر أنت مستحي ولا حمقان ..
أم البراء ......... بنت عنيزه . كنكم مليتوا .... معليش .. مراحب سيسا .. أنت الرائعه ... وشكرا لمشاركتك معنا .. أهلين أبن جني .. وشكرا لزيارتك .. .................................................. ................................. الان تبغون تكملة القصه .. وين وقفنا .... وين وقفنا .. وين وقفنا . وين وقفنا ياشباب .. ويابنات .. وين . وين . هويدا تعالي كملي .. يالله خلصينا .. تراني تعبت من الكتابه ,وأحبابنا ملوا وهم ينتظرون .. .................................................. .................................. أخر حلقه في القصه ... حصه...ما عاد راحت لخويتها لنوره......ضاق صدرها .(الله لايعيد ذيك الروحه))..وهي تبكي....على حظها...وتقول في نفسها((حظي بيطلع أردي من حظوظ خواتى... الا صوت...نوره وينك ياقليلت الخاتمه......عقلتى ما عاد اشوفتس اشتقتلتس ماصبرت لين بكره عشان اشوفتس....... حصوص....وش في لونك مهوب عاجبنى... قامت حصه تبكى وما قدرت تخبي على توام روحها نوره.......نوره وش تقولين انا ما اصدق ياحصه ان ابوي خطبتس والزواج في صفر.....ما بقى الا شهرين......نوره بتغير الجو على حصه((أحسن عشان نصير في بيت واحد...نشوف بعض كل يوم...بدل المراسيل.. الحين نوره محتاره تعلم امها ولا لا......ما ودها تضيق صدر امها.....وهي الى كانت تعتبر حصوص مثل نوره واكثر والحين بتصير ((ضرتها)) يمه ترا ابوي يبي يعرس عليك........قالتها وهربت...ودها تخلص أمها وخويتها في نفس الوقت لاكن ماعندها حل الا تعلم امها.... وصبرت المسكينه ....قالت مهوب اول مره يخطب.......دايم يخطب يدور للولد....ولا هوب جايه الا الى كتبه الله له........... وفي ذاك الاسبوع......صار لابو حمد حادث..خلاه في الفراش شهر...أم حصه بدهائها..قامت تحوس عقله..ان الرجال مريض وبيموت. ومهوب لم عرس الين حطتها في راسه.....وابو بدر خاف على بنته تترمل قبل لاتعرس وتطيح في كبده....الرجال صار تعبان من الحادث....(وحصه فرحت لان ابوها غير نظرته..وزعلانه على نوره خويتها))...قال في نفسه.. وش ابى ارمي بنيتى على رجال مريض((كود يجيها احسن منه)) الحين بس يوم صار له حادث))..وزاره في بيته.....وهناه بالسلامه ورجع له فلوسه...يا ابو حمد البنيه....حجروها عيال عمها...((يصرف))..وحنا مالنا بالمشاكل وهاذي فلوسك..كامله...والله يوفقك في غير حصه واطلق منها بعد....................ما اصدق انى خلصت..من ها لزواجه الى على غير سنع...الحمد لله ...قالتها حصه وهي تسولف لنوره..عند باب البيت.....والله ماعاد اروح لم احد في بيته.((خذت درس محترم)). لكم خالص تحياتي ... تقديم وأخراج .. سوزان .. كاتب السيناريو .. هويدا .. فكرة ... روان |
والله على قد مافرحت للبنت إنها إفتكت من الشايب , على قدر ما زعلت على أبو حمد المسكين الله يرده بالسلامه :D :D :D
أسلووب مشوووق أختِ سوزان ووصف رائع وسيناريو يشد يعطيكِ الـــ 1000ـــــــــــف عـــــــــــــافيه والشكر موصوول للأخـــــــــــوات هويدا وروان وبإنتظار أن نرى مشاركــــــاتهن في المنتدى حياكِ سوزان |
شكرا لك أخي محسون ..
شكرا لك ولمشاركتك معي من البدايه للنهايه .. وشكرا لك وعلى تقييمك لهذا الموضوع ,,, وشكرا للأخوان والأخوات الذين شاركونا هذا المسلسل .. وتوعدكم أختي هويدا بمسلسل جديد .. بس خلوها تفكر شوي .. مع تحيات سوزان نجد .. هويدا . |
سلمت يداك اختي سوزان .......الصراحه كنتي رئعه في كل شي
في طريقة سرد القصه واحداثها .....واخراجها .......فلك الشكر انتي ومن ساعدك في اخراجها لنا بهاذا الشكل الممتاز ونتمني ان تتحفينا بمواضيعك الشيقه ....... وتقبلي فائق احترامي |
اهلين سوزان:)
الله سلمك يوم الله راد في ابو حمد وناخوك :D ونتمنى لك المره الجايه ابو صالح والا ابو سليمان :D :D قصه حلوه ياسوزان امتعتينا بسردها انتي وهويدا وراوان اشكرك من الاعماق |
[c]
ياسلام عليك ياسوزان انت وهويدا وروان اهم شي ان حصه افتكت يانا كنت شايله لها هم..:( مسيكنه هي تهنت بشببها علشان يزوجونها هالشيبه..:rolleyes: عالعموم.نهاية سعيده لقصة جميله باخراج رائع الف الف شكر لك اختي سوزان تقبلي اطيب وارق تحيه..:) [/c] |
شكرا لك أختي ساسا ..
وشكرا لمشاركتك في هذه القصه الطريفه .. وأتمنى أن أوفق في المواضيع القادمه .. .................................................. .... اهلا أخي نديم وأتمنى أنك أستمتعت بتفاصيل القصه .. تحياتي لك .. ملاحظه .. أنشالله مايقرب لك أبو حمد:p :p :p .................................................. .... أهلا بالغاليه بنت عنيزه .. تحياتي لك ولمشاركتك معي .. بس أحس أنه أرتفع الضغط معك .. المهم أبو حمد لم يتزوجها ..صح ..:p :p :p .................................................. .... |
| الساعة الآن 49 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]