|
عشرة ايام
عشرة ايام غبتي كل يومٍ بعام=عشرة ايام خلت دمعتي تستجير عشرة ايام خلت من فؤادي حطام=كيف لو عاد غبتي بالشهر وش يصير؟؟ صرت كنّي رضيعٍ ذاق مر الفطام=ماتت امّه وتوّه في حياته صغير من غيابك طريقي يكتسيه الظلام=من غيابك اتوه وصرت كنّي ضرير عفت شربي وزادي صرت حتى ماأنام=صار همّي وساده والليالي حصير اسهر الليل اهوجس والخلايق نيام=استفزّ الخواطر واستفزّ الضمير قلت بكتب قصيده للغلا والهيام=قلت بكتب قصيده للحسين الغرير ياأم رمشٍ كحيلٍ في طرفه السهام=قلبي اللي يحبك صار لأجلك كسير ياأم عينٍ تناعس ارحمي المستهام=المفارق مصيبه همّ قلبي كبير غارن البيض منّك وانتي ريم العدام=غارن البيض منّك ياأم خدٍ حرير تقتلين العذارى لاإستملتي القوام=خصرك ليا تثنّى شب فيهنّ سعير إن وقفتي يفزّن كلهن بالقيام=وإن جلستي تركتي كل عذرى تحير وإن حكيتي غرقتي في الدلع ياسلام=وإن سكتي سكووتك للسوالف يثير وإن ضحكتي جمعتي زين كل الأنام=نور وجهك تكاشف كالسراج المنير لبّا قلبك وكلك لابديتي الخصام=لازعلتي فؤادي من مكانه يطير لاعقدتي الحواجب وابتديتي الملام=زاد حسنك وقلبي صار وضعه خطير لك بقلبي معزّه لك بقلبي مقام=والله إنك لحالك والله مالك خشير ليت منهو بلغ بك غايته والمرام=ليت منهو يضمك للحشى ياعشير والله انّي لأشيلك في عيوني غرام=وأنسجن في غرامك ياغناتي اسير شاب قافي وباقي ياحياتي كلام=وبختم اللي بديته بإختصارٍ يسير عشرة ايام خلّت من فؤادي حطام=كيف لو عاد غبتي بالشهر وش يصير؟ |
السلام عليكم ورحمة الله وبركاته
أخوي مخاوي الجرح يسعدني أن أكون أول من يرد على هذه الرائعة عشرة ايـام غبتـي كـل يـومٍ بعـام . ~ . . ~ . عشرة ايـام خلـت دمعتـي تستجيـر عشرة ايام خلّت مـن فـؤادي حطـام . ~ . . ~ . كيف لو عاد غبتي بالشهر وش يصير؟ صح لسانك مليون وسلمت أناملك راائعة كروعة حضورك لك أعذب تحية :) |
..........
... الله الله الله كلمات ليست كالكلمات راااائعة جميلة معبرة ابداااع يامخاوي الجرح سلمت يداك كلك ذوق ... |
مرحبا مخاوي الجرح
صح لسانك اخوي قصيده من اروع ما قرات ننتظر جديدك دوما تحياتي لك |
الاخ الغالي الشاعر القادم بقوة مخاوي الجرح قصيدة رائعة بكل معاني الكلمة جزلة من جزل ننتظر ابداعك فلا تحرمنا لك مني كل الحب |
اخوي الغالي مخاوي الجرح اسعد الله ايامك بكل خير ومن العايدين والله يعطيك العافيه وبيض الله وجهك يالقرم على هذه التحفه الرااائعه التي مصدرها من شاعر جزل يعرف معنا الجزاله سلمت وصح السانك يالذيب وتقبل تحياتي اخــوك فــزاع |
|
|
بسم الله الرحمن الرحيم
مخاااوي الجرح السلام عليكم ورحمة الله وبركاته صح الله السانك وسلم بنانك قصيده راقيه قصيده عذبه قصيده جزله قصيده ممتعه قصيده متميزه وانت كذلك متميز ... لا فض فوووووووووك سجل اعجابي اخوك الحسام |
صرت كنّي رضيعٍ ذاق مـر الفطـام
ماتت امّه وتـوّه فـي حياتـه صغيـر من غيابك طريقـي يكتسيـه الظـلام من غيابك اتوه وصرت كنّـي ضريـر عفت شربي وزادي صرت حتى ماأنام صار همّي وسـاده والليالـي حصيـر اسهر الليل اهوجس والخلايـق نيـام استفزّ الخواطـر واستفـزّ الضميـر صححححححححح لساااانك مليون اخي الكريم شاعر مميز وقصيده استمتعت بها كثيرا تحياتي لك ولجزالتك الشعرية |
اختي جنان صح بدنك اسعدني مرورك وسعدت اكثر بردك لكِ مني عظيم الامتنان مخاوي الجرح |
اخي العزيز وافي لو للذوق ديره انت العاصمه شاكر لك مرورك وردك الذي زادني شرفاً تقبل تحياتي مخاوي الجرح |
اخوي غريب صح بدنك الروعه كانت بتواجدك اشكرك على مرورك الذي اسعدني تقبل تحياتي مخاوي الجرح |
اخوي رهين العذاب حياك يالغالي الجزاله تكمن في مرورك وردك شاكر لك تشريفك لهذه الصفحه تقبل تحياتي مخاوي الجرح |
اخوي فزاع مرحباً مليووون فيك ومن الفايزين لو انها متأخره عسى ايامك كلها اعياد صح بدنك يالغالي والله لايهينك على هذا المرور لك مني جزيل الشكرر مخاوي الجرح |
اختي العزيزه صح بدنك سررت بمرورك وسررت اكثر بردك لكِ مني جزيل الشكر وعظيم الامتنان تقبلي تحياتي مخاوي الجرح |
اخوي او اختي بيبي شاكر لك مرورك وردك شرفت هذه الصفحه بردك الرائع اتمنى ان اكون عند حسن الظن دائماً تقبل تحياتي مخاوي الجرح |
اخوي الغالي الحسام صح بدنك الله لايهينك على كل ماكتبته من اطراء لقصيدتي اشكرك شكراً جزيلاً اللي في قلبي من شكر لشخصك لاتصفه الكلمات شرفتني بمرورك واسعدتني بردك لك مني عظيم الامتان تقبل تحياتي مخاوي الجرح |
اختي سراب صح بدنك مشكووره على ردك الرائع اتمنى ان اكون عند حسن ظنكم دائماً تقبلي تحياتي مخاوي الجرح |
بكل الووود . . . الشاعر الفااااضل مخاوي الجرح عذرا لقلبك الكبير حقيقة تاه بصري عنها طوال هذا الوقت فوجئت بتاريخها لابد وأنه تزامن مع قلة دخولي فلم أتنبه.... . . بحق نظم رائع وقصيدة من الطراز الرااقي من غيابـك طريقـي يكتسيـه الظـلام من غيابك اتوه وصرت كنّـي ضريـر عفت شربي وزادي صرت حتى ماأنام صار همّي وسـاده والليالـي حصيـر اسهر الليل اهوجـس والخلايـق نيـام استفـزّ الخواطـر واستفـزّ الضميـر صح لسانك مليوووووووون ولا عدمنا تواجدك أكرر اعتذاري.. . . . تحياااااااااتي |
اختي الجووري لاداعي للاعتذار مرورك لو كان متأخراً يزيدني شرفاً صح بدنك والله لايهينك على ردك تقبلي تحياتي مخاوي الجرح |
صح لسانك .. مخاوي الجرح
وتسلم يمناك .. . . |
صح بدنك اختي سديم والله يسلمك شاكر لكِ مرورك وردك تقبلي تحياتي مخاوي الجرح |
| الساعة الآن 33 : 06 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]