قصيدة هبت هبوب الشمال
السلام عليكم ورحمة الله وبركاته أسعد الله جميع أوقاتكم بكل خير قصيدة معروفة ولكن اختلف الرواة في قائلها مادعاني للبحث عنها سمعتها أمس من جده فمسك معانا البحث عن قائلها وعن تكملتها فما وجدته نقلته لكم : http://www.al-wed.com/pic-vb/727.gif : قصيدة هبت هبوب الشمال هذه القصيده التي كثير مانسبت للتراث وأحيان نسبت لشعراء أخرين ولكن الحقيقه هذه القصيده لشاعر من قبيلة بلي وحيث ظهرت حقيقة القصيده من قبل المقربين للشاعر وهو بن أخيه ( سويلم بن رويعي البلوي) وتم أثبات القصيده في ديوان بلي الاول والذي تم طبعه ونشره نبذه عن شاعر القصيده الشاعر هو: سلمان بن سويلم بن غانم الصريبطي البلوي يرحمه الله.... له هذه القصيدة الرائعه والقديمه والتي يتداولها كثير من الناس وغناها الكثير ولم يعرفوا من قائلها أو يشيروا لها وربما نسبها البعض لشعراء آخرين ولكنها في الحقيقة لهذا الشاعر يرحمه الله وهو: (سلمان سويلم الصريبطي البلوي).. و الشاعر عاش في الأردن وفلسطين سبع سنين في الغربه وأثناء وجوده قي تلك المدن قال هذه القصيدة الجميلة وهذه القصيده كامله: مديت يوم الاحـد صبـاح الاثنينـي كل المماشي علـى الله ماحسبناهـا قطعت ممشى الركايب فوق رجليني أقبل على حزوم والاخرى اتعداهـا لا نمت قامت هواجيسي اتصحينـي حيث المغيبة بعـد مافـات ماقواهـا نطيت رجم ٍ وآثري الليل ممسينـي بديار غربة يعـل السيـل ماجاهـا الشمس غابت وأنا هالحين هالحيني بطحى عدامة ولاني لا حـق ماهـا والمشرب اللـي معايـه مايكفينـي الدرب كايد ورجلـي بـاد حذواهـا لكني تحت رحمة اللـي مايخلينـي حيثه على مايريد ارزاقـه اعطاهـا يوصلني اللي تحرى فـي سويدينـي عامين مني خبر مقطـوع ماجاهـا هبت هبوب الشمال وبردهـا شينـي ماتدفي النـار لـو حنـا شعمناهـا مايدفي الا حضن مدعوجـة العينـي اليا عطشنـا شربنـا مـن ثناياهـا هي شبه وضحى تمطرح بين ذوديني وردت على عقلة ماغثـرب بماهـا ياكثر ماتزعجين الدمع يـا عينـي على هنوف جديد اللبـس يزهاهـا أضحك مع اللي ضحك والود طاويني طية شنون القرب لا قطـروا ماهـا تستاهلين الرمـد وهـزوم ياعينـي عيـن تعلـق مـع المقفـي بلياهـا لو اشتهت لي عييده غيـر تبرينـي هي اللي تعرف الدوا والعين تجلاها قالت مقاسيم حالـت بينـك وبينـي تبعد وراهـا وانـا ودي املاماهـا وانا احسب اني من اول ما تعدينـي تنسى المحبه وانا اللي ماقدر أنساها عـز الله انـي معاهـا الله معنينـي والا ماني رايـح لهـا واترضاهـا من عقب انا بالسهل والماقع الزينـي نطحت كمخة وانا من قبل ما ارقاها عواد ابو سالم من مبطـي يمنينـي بعض التماني ترى نصبـر بلياهـا ............ الشاعر / سلمان بن سويلم بن غانم الصريبطي البلوي رحمه الله .. توضيح ( عـييـده ) المذكورة في القصيدة ليست محبوبة الشاعر وإنما هي أختها ولكن لقوة شخصيتها التي كانت فارضة رأيها على أختها محبوبة سلمان . منقووول |
رد: قصيدة هبت هبوب الشمال
..
ياسلام عليك وانا من اللي ماني بعارف شاعر ذا القصيده. من عرفت وانا اسمعها وسمعتها مغناه ولكن ماكنت اعرف القصيده من اولها . وكنت احسب ان مطلعها ...هبت هبوب الشمال ... معلومه عن القصه والقصيده واسم الشاعر افدتيني فيها لاهنتي.. شموع الغربيه شموع التميز والابداع دائما جعلنا مانعدمك .. سلامي لك وسلامي لذا التميز |
رد: قصيدة هبت هبوب الشمال
أختي الكريمه والمبدعه شموع الغربيه
تحيه طيبه وأحترام وتقدير لشخصك الكريم على نقل هذه القصه والقصيده للشاعر سلمان بن سويلم البلوي وهذا الأختيار والتميز والأبداع الرائع وحسن الإنتقاء والذووق الرفيع غير مستغرب على شموع الشامخه والشاعره والأديبه أختي العزيزه أسمحي لي بهذه المداخله أظن صحة البيت السادس والمشرب اللي معايه مايكفيني ==== الدرب كايد ورجلي بادت احذاها وأظن صحة البيت العاشر هو مايدفي الا حضن مدعوجة العيني ==== واليا عطشنا شربنا من شفاياها أبو عيوناً ليا سلهم تـناجيني ==== ياقرد عين المشقا كيف يقــواها وذلك حسب ماورد في بعض النسخ لهذه القصيده اّمل قبول مداخلتي بصدر رحب وسلمت يــداااك وروحك وبيض الله وجهك ودمتي في خير وصحه وسعاده ســـــيـــدتــــي و |
رد: قصيدة هبت هبوب الشمال
وعليكم السلام ورحمة الله وبركاته حيا الله شموووووووعه راوية الوئام حقيقة دائما اسمع ببعض هذه الأبيات ولا أعلم بشاعرها ولا حتى تكملتها لكن ما شاء الله عليك شموع جبت ِ العيد والجمل وما حمل وبيض الله وجهك وتسلم اياديك يا شيخة المنتدى على طاري المشيخة .. تراي أقر وأعترف بأنني تنازلت عن لقب المشيخة للغالية شموع ومن هذا المنطلق راح أشيل اللقب من توقيعي ونقل ملكيته لشمووووووع قولي تم ... |
رد: قصيدة هبت هبوب الشمال
.. دائما نردد ابيات ونستلذ بها ونظن انها القصيده كامله استفدت كثير من هالطرح سلمت يمناك يا الغاليه رحم الله الشاعر ورحم والديك على هالتوضيح |
رد: قصيدة هبت هبوب الشمال
شموع متألقه وكعاتك بانتقائتك..
قصيده رائعه ومعلومات اروع.. احسنت الاختيار..لك من جزيل الشكر.. تقبلي مروري..ودي لك♡♡ |
رد: قصيدة هبت هبوب الشمال
اقتباس:
حياك ربي استاذي خلف كويس من هالموضوع حققت ماأصبوا إليه وصلت الفائدة،ويسعدني ذلك جداً ولاهان راااسك سيدي، منك الإبداع والتميز استاذي خلف ومنك نتعلم ومازلنا ،بس لو تتركون البخل :book2: سلمت وغنمت ،شرفتني استاذي بهذا الحضور شكرا لك ولعذب مرورك ،لاحرمنا هذا التواجد دمت بكل خير وسعادة |
رد: قصيدة هبت هبوب الشمال
اقتباس:
أهلا وسهلاً بالراوي والأديب فتى الجميزة،حياك ربي استاذي يسعدك ربي على حسن ظنك الدائم بما أختاره يسعدني ذلك ويحملني مسؤلية الوقوف قبل كل موضوع أطرحه مهما كان تميز اختيارنا وجماله فهو لايضاهي تميزك وإبداعك إضافة قيمة ومميزة لهذا المتصفح، بالعكس استاذي اسعدتني هذه الاضافة فالروايات تختلف وإضافتك في محلها أفادتني بصراحة يسلمك ربي سيدي، ووجهك أبيض حضور قيم ومميز استاذي شكراً لك ولهذا الحضور والإضافة أسعدني هذا المرور ،لاخلا ولاعدم دمت بكل خير وسعادة |
رد: قصيدة هبت هبوب الشمال
اقتباس:
حياك ربي شيخنا أبو خالد يحييك ربي ويبقيك ،لاتكبر راسي شيخنا الرواة لها أهلها أما إحنا مازلنا نتعلم أكثر شيء يسعدني أن أعلم أن هناك فائدة خرج بها قاريء لما أطرح .. الله الله ،جبنا الجمل بما حمل وهالحمل ان شاء الله إنه محرز ووجهك أبيض ،يسلمك ربي استاذي : أما على طاري المشيخه ياسيدي هالثوب لبسوك إياه أعضاء الوئام بمحبة وتقدير وأنت أهلاً لذلك وهالثوب بإذن الله دامك معانا فهالثوب مايلبسه غيرك،يغليك مولاااك يارب بالنسبة لي يعز علي أرفض لكن آسفه شيخي ولاتفكر.. وباسم أعضاء الوئام الحاضرين مانقبل،من لبسك هالثوب فصله لأبو خالد فقط.. : استاذي أخجلتني بكرم مرورك وطيب ثناءك فمنك نتعلم ومازلنا ،شاكرة ومقدرة لهذا الحضور ولهذا التشريف،لاحرمنا من تواجدك دمت بكل خير وسعادة |
رد: قصيدة هبت هبوب الشمال
اقتباس:
حياك ربي رحوووله وتسعدني هذه الاستفادة ياغلاتي يسلمك ربي ،امييييين ووالديك ياغناتي شاكرة لطيب المرور ،دمت بكل خير عزيزتي |
رد: قصيدة هبت هبوب الشمال
اقتباس:
حياك ربي لحوووونه ،يسعدك ربي غناتي وحضورك هو الأروع يالغلا،العفووو ولو شرفتي عزيزتي،شاكرة لك ولطيب مرورك دمت بكل خير وود يالغلا |
رد: قصيدة هبت هبوب الشمال
.................
... بيض الله وجهك اول مرة اقرأها كاملة فضلاً عن قصتها ابك انتي نادرة وتصيدين النوادر :( وانا اشهد الف شكر ياشموع عساك شمعة لاتنطفيء ... |
رد: قصيدة هبت هبوب الشمال
اقتباس:
بصراحة كسرتي خاطري بعدم قبول المشيخة :santa3: ورطنا بها وما لقينا ولا واحد يقبلها حتى العضو اللي توه مسجّل رفضها :) الله يجازي اعضاء الوئام ما حطو لي ولي عهد :bl: |
رد: قصيدة هبت هبوب الشمال
اقتباس:
ووجهك أبيض استاذي على الطيب والعلم الزين ياسيدي شكراً لحسن ظنك ولطيب ثنائك العفوو ،امييييين شكراً لك على مرورك لاخلا ولاعدم ،دمت بكل خير |
رد: قصيدة هبت هبوب الشمال
اقتباس:
حياك ربي شيخنا،ولاراح أحد يقبلها شرفت سيدي ولاتحاول مره ثانية تحوّل المشيخه لغيرك ثوب ماهو لنا عيب علينا نلبسه،وماللمشيخه الاانت |
رد: قصيدة هبت هبوب الشمال
اقتباس:
احم احم بدينا في دهن السيور والمجاملة :deal: حتى الخلافة في المشيخة ترفضونها يا كافي:snobby: اقول ترى الثوب يقصّر ويطوّل ويضيّق فيه الا اذا انتي من النقل الثقيل يعني متينة معذورة ونشوف واحد معصقل كراعينه مثل المقص :rolleyes5 |
رد: قصيدة هبت هبوب الشمال
اقتباس:
ههههه أجل مشيختك بالوزن:furious3: ثوب مفصل بخبرة مايحتاج تعديل ولو زاد الوزن ولاتغير ههههههه بعدين ماعرفنا لك تبي ولي عهد ولابتتنازل بتلقى معصقلين لكن مثل المقص تبطي عظم دور وان لقيت لك علي أخليه يرفض شيختك :furious3: |
رد: قصيدة هبت هبوب الشمال
اقتباس:
وش اسوي باللي وضع دستور الوئام يوم رشحوني شيخ ماحطوا لي ولي عهد ورحنا في خرايطها :glasses2: لا تهتمين فيه واحد غيرك حاط عيني عليه معصقل بنمرة واستمارة وما تقدرين ترفضين لأن الشيخ يملك حق النقض الفيتو . |
رد: قصيدة هبت هبوب الشمال
اقتباس:
هههههههه أنا أدري عنك ايه مثلها مثل مشيخة الفلوس ههههههههه ماني رافضه بس باقنع اللي حاط عينك عليه :furious3: |
الساعة الآن 07 : 08 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas