حسوفة ــ وندم
 

حسوفة : قصيدة ارسلها لي صديق عزيز علي جدا وطلب مني مساعدته في موضوعه بعد ان زرع في نفسه الامل والاماني لتحقيق رغبته من الزواج ممن احب الا ان الامور لم تسير على ما تمناه ولم يتحقق له ما اراد .

ويقول فيها :
[poet font="Simplified Arabic,16,firebrick,bold ,normal" bkcolor="orangered" bkimage="http://www.mahroom.net//backgrounds/13.gif" border="groove,10,limegreen" type=0 line=200% align=center use=ex char="" num="0,black"]
الله من هم تعلاه حسوفه=على حبيب منوتي بكل الناس
أمني النفس واصبر لعلي أشوفه=واكتب أحلام قلبي بكراس
لعل الغضي في يوم تسمح ظروفه=يحن على قلب غدى فيه مغراس
أرسلت رجل صادقات حلوفه=ينشد المحبوب وش عنده لي احساس
رد الجواب بصدق كامل حروفه=قال الحبيب يغليك ياخيرت الناس
بس (........)هو راس خوفه=خايف يجيه يوم نحس وينحاس
قلت العشق ماهوب عطف ومروفه=العشق تنازل لوياصل بها الراس
أرجي لعل الله يامر صدوفه=واروي ظما قلب تعلاه هوجاس
والله لو القلب يرخصه جوفه=لعصر صافي محبتي بكاس
واسقي حبيبي من الغلى صنوفه=واصير له عقبه شراب وانفاس
تمت بحمد اللي عينك ما تشوفه=ربنا المعبود رب كل الاجناس

[/poet]

ورديت بقصيدة سميتها ندم ــ حيث اني تندمت اني سعيت له في امر طلبه مني ولا تحقق مطلوبه ـ والامر قسمه ونصيب ــ والطرفين كلهم لهم مكانه عاليه عندي . ولا باليد حيله .

وهذا ردي :
[poet font="Simplified Arabic,16,orangered,bold ,normal" bkcolor="" bkimage="http://www.mahroom.net//backgrounds/11.gif" border="groove,10,limegreen" type=0 line=200% align=center use=ex char="" num="0,black"]
الله من ضمير تندم واحسوفه=مع هاجس أودع الفكر محتاس
من علم ماودي أذكر حروفه=تسبب بالشقى لخيرت الناس
أنعت ضميري القاسي مابك مروفه=ولا بك رحمة ولا بك احساس
ودي أجازيه من شـي أشوفه=ودي أنزعه وقطع حباله بفاس
ودي ينزعه قاسي الاحساس ويلوفه=بدروب ثقيلات الاوزان وينداس
زوّد غثاه ابيات واضحات حروفه=ابيات مرسلات لي بقرطاس
علوم فيها اصبحت لي معروفه=وخافيات ما يعرفونه الناس
دعيت ربي بعدها يطفي نار بجوفه=ويغنيه بغيرها من بعد الافلاس
ما طالت النفس تقديم معروفه=لاغلى الغوالي من الناس
اللي غلاهم بعيوني اشوفه=مثل الذهب والثاني جوهر الماس
لا والله ماهذي وصوفه=يشهد الله غلاهم عندي ماله قياس

[/poet]

وسلامـــــــــــــــــــــــــتكم

طارق

دعيت ربي بعدها يطفي نار iiبجوفه ويـغنيه بـغيرها من بعد iiالافلاس

ربنا ييسر أموره،،

أجدتما .

بالتوفيق ،،،،،

لك أرق تحية،،،،،،،،

صح لسانك .. ولسان صاحبك ..

بصراحة ضعت بين الحروف ..

أشعر كأن الأبيات فيضٌ من حمم بركانية ..

تصوير في غاية الشاعرية ..

دمت أخا عزيزا .....

تحياتي .................................................. .

...........

...


ياطارق
وربي يادوب اشوف الحروف من النوم
ولكن كان ربك اراد وصحصحت لابد من العودة
مو هذي اول قصيدة لطاارق ؟
اذاً لابد نستمتع بها واحنا مصحصحين عالآخر
بس احنا نصحصح متى ياطااارق


والآن اكتفي بالقول
سلمت يداك


وكلك ذوق ياطارق ..

سلمت ياطارق



صح لسانك






تقبل احترامي وتقديري

ياهلا باخوي نغم

آمين الله ييسر أموره

مشكور يالغالي لتواصلك واطرائك

تقبل مني احلى تحيه
طارق

الاخت نجلاء فيصل

صح بدنك

بارك الله فيك

اطرائك شهادة اعتز بها
تسلمي والله

ياهلابك وحياك

اجمل وأرق تحيه لك
اخوك طارق

........

أخوي الوافي

صح النوم
وصبحك الله بالخير

وتسلم والله

والظاهر ان اللي مثلنا مايصحصح بسهوله (من كثر الهواجيس)

لكن خله على الله

تحياتي لك يالغالي

شرفت والله

يالوافي..

الأخ ابو سعود

تسلم وصح بدنك

اشكر لك مرورك وتواصلك

تحياتي ..

اخوي طارق
شاعر بديع والله
ردك راقي وقصيده روووعه
تسلم يمينك
لا عدمناك اخوي
اتمنى ان ارى قصايدك دوم مو بس اليوم
تقبل تحياتي

عزيزي طارق .. بعد التحية ،،،

شكرا له .. شكرا لك .. شكرا لكما انتما الاثنين .. جميل ماسرده صاحبك وجميل مارددت انت به عليه ، ورجاء ان تخبره عنا لكي يزورنا هو بذاته لنستمتع بما ينثر من كلمات ، استاذي الف شكر لك ودمت لنا يامرهف الحس والاحساس ...

تطرق علي الباب وتاتيني وحدك
وينه عزيز القوم صاحب القصيـــدة

مساء الورد
 

مرحبا الف طارق


صح السانك والسان الشاعر اللي ارسل لك القصيده


وانشاء الله نرى الأحسن والأجمل في المرات القادمه


اخوك


الحسام

ياهلا بأخوي نمر

الله يرفع قدرك تراي ماني شاعر لكن هذي مادري وشلون طلعت .. فختت غصب من حر مااوجست .

وأشكرك على اطرائك
اطرائك شهادة اعتز فيها لا سيما انها من شاعر كبير مثلك طال عمرك


وتسلم والله
تحياتي لك يالغالي

الخ محمد خميس

ياهلابك والله والعفو

طلبك على العين والراس .. لكن صديقي ماهو من هواة النت . لكن اتمنى انه يسمح لي بنشر شي من شعره ــ وابشر .

وتسلم يالحبيب

يالغالي من مودتك بعـد حنا نودك
............ ودي اكتب لك ابيات تصلح نشيدة
فيها من جميل المعاني مايشدك
............لكن كثير منها يصيدنا وقليل نصيدة

تحياتي لك يامحمد ابو خميس

الصوت الهادي

يالصوت الهادي والله صوتك ماهو هادي صوتك موجود معنا في كل مكان وأشكرك على حضورك وتواصلك يالحبيب . (وتراه ماهو مزعج)

ياهلابك والله

وصح بدنك

وشكرا لك


تحياتي
لك

الاخ الحسام

يامرحبا والف تحيه وياهلا بأخوي

شرفت والله

أشكرك لأطرائك

ولحظورك

وتواصلك

تحياتي لك

أخوك
طارق

تسلم اخوي انت وصاحبك على هالابيات الرائعه

ياهلا بخاطفة العبرات

شكرا لمرورك وتشريفك

وشكرا لأطرائك

تسلمي والله

حياك الله

تحياتي

اخوي طارق
قصيده اكثر من رائعه ولم يبقى ماهو اروع الا تلك المشاعر التي ينبض بها كل سطر
اخوي اخيرا تنازلت واتحفتنا بقصيده من شعرك
انت شاعر مبدع فلا تحرمنا من ابداعاتك
لك مني الف تحيه
لولlulwaـــــــوة

الأخت لولوة الغامدي

أهلين وسهلين

مشكوره لإطرائك العذب ــ كلماتك أخجلتني وأحرجتني بعد
ترا انا ماني شاعر يالولوة انا مازلت أحاول أخطو خطوه على أول الدرب

شاكر لك إشادتك وتشريفك

وتواصلك المستمر

ياهلا بك وبارك الله فيك

تحياتي لك
طارق