انشدك عن رجل توثق برجال
استلموا اللغز منقول
انشدك عن رجل توثق برجال=ملكة نصارى بين ذاك وخويه لو يختلف ميثاقهم بان الاشكال=عند الرجال اللي تحل القضيه الاول مسيره بين نازل ورحال=والاخر يسير وقفته سرمديه مع تحيات ابوعلي اخوك: جلمود |
اخوي جلمود
صح لسانك نفتتح الرمعات القطار وخطه الحديدي تحياتي... |
هلا وغلا بالجميع
صح بدنك يابو ماجد ومالك لوا جلمود |
اخوي جلمود
وش رايك بالقمر ومنازله واقتران التاريخ الهجري فيه تحياتي... |
هلا وغلا بالجميع
خلك في الارض يابوماجد كلن يبرق في عمره ويعينه جلمود |
الاخ جلمووود
لا يكون الصاروخ و قاعدته شكلي شتها بعيد!!!!! تحيااااتي |
طيب وش رايك
بالمدفع؟ . . . تحيااااتي |
اخوي جلمود
تاريخ المنتج وتاريخ نهاية صلاحيته تحياتي |
هلا وغلا بالجميع
الليدي عمشا الاعصار مالكم لوا جلمود |
أخوي جلمود
وش رايك بـ ( بحقوق الأنسان ) أو ( إثبات الهوية ) أو ( جواز السفر ) كثرتها عليكم مير إذا كنت حول الحمى علمني جعلك تسلم يالغالي |
هلا وغلا بالجميع
عازف الناي لا لست حول الحمي انا قلت في الرد السابق كل واحد يدور في نفسه وبتلقون الحل ان شاء الله مالك لوا جلمود |
اخوي جلموووود
لا يكون الحذاء ؟؟؟ كرمكم الله . . . |
هلا وغلا بالجميع
الليدي عمشا مالكم لوا جلمود |
اخوي جلمود
السلام عليكم يمكن العمر يكون موثق بتاريخ الميلاد تحياتي |
هلا وغلا بالجميع
الاول مسيره بين نازل ورحال=والاخر يسير وقفته سرمديـه
ابوماجد لازم يكون بينهم تناسق والباقي عليكم بالنسبه للعمر احلى رمعه ومالك لوا وتراك تدور حول الحمى جلمود |
مساء الخير
اخوي وش رايك بجهاز تخطيط القلب وجهاز الضغط للجميع تحياتي |
اخوي جلمود ماقصرت يالغالي ولكن الذهن مشتت
وش رايك بالدم والقلب تحياتي... |
هلا وغلا بالجميع
الاول مسيره بين نازل ورحال=والاخر يسير وقفته سرمديـه
القرنفل ابوماجد لازم يكون بينهم تناسق والباقي عليكم بالنسبه للعمر احلى رمعه ومالكم لوا في القلب وشرايينه ونبضه ودمه وتراك تدور حول الحمى بالنسبه للعمر جلمود |
جلمووود
مساك الله بالخير ماتكون حياة الانسان و موته؟؟ اقصد حالته في الحياااااه وحالته بعد الموت ؟ ؟ |
هلا وغلا بالجميع
الليدي عمشا مالكم لوا جلمود |
اخوي جلمود
السلام عليكم ممكن استخراج الذكاء بالتناسب بين..العمر العقلي .والعمر الزمني ممكن مقياس النظر حيث ان الستة العلويه ثابته والسفلى تتغير 6؛9؛12الخ حسب قوة الابصار تحياتي |
هلا وغلا بالجميع
ابو ماجد مالك لوا ولاتروح في التفكير بعيد هذا شي واضح للعيان ممكن الشخص العادي يحكم عليك انه في خلل في التنااسق الاول بين نازل ورحال ( يطلع وينزل) والاخر يسير وقفته سرمديه ( يوصل حد معين ويبقى مايتغير الى نهاية العمر) والباقي عندكم جلمود |
السلام عليكم
مساكم الله بالخير جميع اخي العزيز {{{{{{ جلمود }}}}}}} الحل ان قالها الله وإن ماخاب ظني ياخوي الوعد ----------- او --------- الكلمه الصادقه وتفبل خالص تحياتي البداح |
هلا وغلا بالجميع
هلابك اخوي البداح وتشرفنا بوجودك معنا ومرحبا مليون الوعد والكلمه الصادقه مالك لوا راجع الردود السابقه فيه شبه توضيح وتلميح جلمود |
أخوي الغالي :- جلمــود صباح الخيرات والسرور للجميع والله يعطيكم العافية والصحه والله أنك ما قصرت يابعدي في التلميح ولكن الظاهر أن المخ حجر ما عاد ينفع فيه التلميح ولاغيره مير عسى الله يسويها وعندي ثلاث رمعات أن ماصاب منها عيار هونا عن المحاولات كلها وهي:- 1- وش رايك ( بالفكين العلوي والسفلي ونمو الأسنان فيها )وهي تكتمل عند عمر محدد. 2- وش رايك ( بالأطــراف ) اليدين والرجلين والتي تنموا حتى عمر معين. 3- وش رايك ( بالعمر )فالحياة الدنيا الذي ينتهي و ( العمر ) فالحياة الأخره الذي يبقى بدون زيادة أو نقصان. لاهنت أخوي الحبيب وبيض الله وجهك والمعذره على كثرة رمعاتنا لكن وش نسوي نبي ننهيها ولاقدرنا. وتقبل أرق التحايا والتقدير؛؛ |
هلا وغلا بالجميع
انت في الملعب اخوي عازف الناي لكن عدل الرمعه مظبوط وعطنى المعنى الشامل الاول مسيره بين نازل ورحال والاخر يسير وقفته سرمديـه فلان وفلان جلمود والحل |
أخوي الغالي :- جلمــود صباح الخيرات والسرور للجميع والله يعطيكم العافية والصحه وآسف على التأخر في الرد عليك ولكن كنت مسافر وعند العوده رأيت ماكتبت وجعلك تسلم يالحبيب نقول ( اللحي والفلغ ) وإذا ما كانت هذي نقول ( الكف والخف ) لاهنت وبيض الله وجهك يابعدي وفيت وكفيت وتقبل مني كل الود والتقدير |
هلا وغلا بالجميع
مالك لوا وارجع الى رمعتك اللي قبل هذي كنت تقول= اليدين والرجلين والتي تنموا حتى عمر معين. ( طيب عطني المعنى الشامل وشهو) هذا اللي وقفته سرمديه واللي يطلع وينزل هذا انت تحكم فيه ولازم يكون فيه تناسق بينهم (لو يختلف ميثاقهم بان الاشكال) ميثاقهم يقصد بها التناسق بينهم اذا لم يحل في المره القادمه سوف اطرح حله وانتم ماقصرتو طعنتوه من كل جهه جلمود |
هلا ورحب فيك أخوي الغالي ( جلمود ) والله شيء يحير إذا كان مصطلح طبي فهذا صعب على من ليس لديه درايه بالطب ولكن وش رايك ( بالساقين ) فهي التي تنمو في أعتقادي وما يتحكم بالأتزان أعتقد أنه ( المفاصل ) أو ( الحبل الشوكي ) والله يعينك علينا غشمان وعجزنا نطعنها فالقلب وتقبل أجمل التحايا والتقدير؛ |
هلا وغلا بالجميع
في الحقيقه ماقصرتو عطيتو اللغز حقه من الرمعات وزياده واللغز يقول لو يختلف ميثاقهم بان الاشكال= اذا مافيه تناسق بينهم معناه انه فيه اشكال او خلل نوعا ما (مثال اذا ؟؟؟ك كذا لازم يكون ؟؟؟ك كذا) وهذي عند الاطباء شي معروف وعادتا ينصحون الحفاظ على هذا التناسق قدر الامكان عند الرجال اللي تحل القضيه= طبعا المقصود الاطباء او اصحاب الخبره في هذا المجال الاول مسيره بين نازل ورحال= يرتفع وينخفض حسب تصرفك مع نفسك والاخر يسير وقفته سرمديـه= هذا الى مرحله معينه في العمر بعده خلاص يقف هذا التوضيح يعتبر تقريبا حل للغز ولكن انتظر من يقول فلان وفلان اخوكم : جلمود |
ههههههههههههه أخوي الغالي ( جلمود ) بيض الله وجهك يابعدي وأشهد أنه بعد هالتوضيح ما فيه توضيح وأن جبتها خطأ هههههه لا تعلم على أحد يقول الغالي جلمود ( التناسق بين (الطول والوزن ) يعني يكون وزنك متناسق مع طولك مايكون وزنك (90ك ) وطولك (150سم)وهذا عدم تناسق وله تأثيراته في بطء النمو وإذا كان وزنك( 90ك) وطولك تقريباً (175سم) هذا متناسق نسبياً ويكون النمو لديك بشكل طبيعي وبشر عسى التخبيط حول المعنى ياجلمود. أتعبناك معنا ولكن تعرف غشمان ومتعافين .ههه لاهنت يالغالي وصح لسانك والله يعطيك الصحه والعافية وتقبل بكل الود تقديري وأحترامي؛؛ |
ههههههههههههههه
صح السانك ياعازف الناي نعم هو الوزن والطول
انشدك عن رجل توثق برجال=ملكة نصارى بين ذاك وخويه لو يختلف ميثاقهم بان الاشكال=عند الرجال اللي تحل القضيه الاول مسيره بين نازل ورحال=والاخر يسير وقفته سرمديـه والشكر موصول لكل الاخوه المشاركين تحياتي للجميع اخوكم: جلمود |
اقتباس:
------- --- صح بدنك يالغالي وبيض الله وجهك على أعطائنا الفرصه من شأن نتعلم مير أشوى وحلينا لوهو لغز واحد ولو ما كان صح أعتزلنا مرة وحده لاهنت يابعدي وجعلك تسلم على جهودك الراائعه أنت والأخ الحبيب (الأعصار ) اللي تسعون دائماً لرفع مستوى القسم برغم قلة الفاعليه من الأعضاء الذين نتمنى عودتهم في القريب العاجل. فلكم كل الشكر والتقدير والإحترام؛ |
الاخ عاااازف الناي
الف مبروووووك و بيض الله وجهك على الرمعه اللي ما بغت تجي و صح لسااااانك يااخ جلموووود على اللغز ومشكوووور على التوضيح تحياااااتي |
هلا والله ورحب فيك أختنا الغالية ( الليدي عمشا ) وجعل الله يبارك فيك شفتي وشلون أتعبنا هاللغز ولكن ما قطعنا الأمل في وجود الحل وطعناه مع كل أتجاه لين جات بدماغه ولكن بعد التوضيحات التي أعطانا الأخ جلمود الله يعطيه العوافي . الليدي ومن قالت بيض الله وجها وعسها تسلم من كل شر آآآلف شكر وتقدير لك على تواجدك الراقي . وتقبلي تحياتي وتقديري؛ |
الساعة الآن 51 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas