|
إنذاار ... تنبيه .. >> إذا ما دخلتو بذبحكم .. (( مشكله )) ..
السلام عليكم ورحمة الله وبركاته .. أشحالكم أخواني خواتي .. الموضووع جدا لا يستحمل .. العدد جدا كبير في المنتدى .. والتواجد أكبر .. لكن لا ردود مثل الناس .. ولا توااصل مثل العالم .. يقهرني العضو إذا سجل وتفرج .. طيب شارك ولو ببتسامه ترى والله المشاركات ببلاش .. والحبر ما بيخلص .. ولا بيقل قدرك ومقامك .. الفرق بين اللي مــــا يرد.. واللي يرد بشكر او يعطيك العافيه .. او جزاك ربي خير .. او احسنت .. او يسلموووو .. او غيرها من الألفاض المختصره .. اسمحوولي ولا شي .. يعني بالعربي (( كلنا فالهوى سوى يا صاحبي )) لا تعتقد ان الردود هاذي مجرد كتابه .. ملايين البشر وملايين الناس تشوفها .. الكل يعبر عن شخصيته بطريقته فالرد .. سواء كان استاذ ... مهندس .. طالب .. مهستر .. طبيب .. عالم .. مثقف .. جاهل .. ويطلق عليه الحكم .. بدون رحمه .. ليش تتعرى مواضيعنا بهالردود .. في مواضيع جدا جميله تنطرح .. لكن اللي يردون بضمير معدودين على الأصابع .. اسمحولي كثرت الردود اللي نشوفها بدون ضميير .. المهم عند العضو اني فعال ومشاارك .. هذا اللي يوهم فيه ذاته .. صرنا نرد على مواضييع غيرنا عشان نلزمهم بالردود على مواضيعنا .. تعبت الإداره من كثر ما تحاول فينا .. عشان تحصل ثمره حلوه .. ليش الكل ما يعبر عن ذاته واحساسه وقناعاته .. ليش كل واحد منال لزم نفسه بقسم محدد اصبح كمأنه مسؤوول عن الرد فيه هو وبس.. صرنا احزاب والكل يرد على اللي هو ملزم نفسه فيه .. المنتدى مفتوووح للكل .. مو بس للقسم اللي انت ترد فيه دائما .. هذا مو انتقااد عشان نقلل شأنهم بالعكس .. لهم الشكر والعرفان .. لكن ليش باقي المنتدى شفيه .. كل المنتدى محتاج لردودكم .. لكن للأسف .. يعورني قلبي فعلا يوم أشوق التوااجد كبير .. لكن محد يرد .. المنتدى خامل ... والكل يشكر ويمدح فيه .. طيب ليش الكذب .. نحنا نكذب على انفسنا .. منتدى كبير ومهم .. لكن ما فيه غير 11 او 12 عضو فعالين ؟؟؟ هل هذا الكلام يدخل عقل انسان عاقل ؟؟ حتى اللي ما يفهم بالمنتديات شي بيستغرب .. كيف كبير كيف يكون المثل ؟؟ كيف جمييل كيف رائع؟؟ .. اعضائه قليل ..اسفه اقصد احبائه قليل ليش بعضنا يبالغ برده ويعطي الموضووع اكثر من حقه .. على فكره هذا الشي ممكن يمنع اعضااء كثير من المشاؤكه بهالموضووع .. ويكون الرد هو سبب تعرري هالموضووع .. المفروووض الكل يراعي ان للبعض وجهات نظر تختلف عنا ... ولازم نحترمها .. مو بكيفنا ننزل مووضوووع وهلم ما جرا .. يلا موضووع ورا موضووع موضووع ورا موضووع .. والمواضيع اللس انطرحت قبل بدون ردود .. عادي لازم كل موضووع بالمنتدى ياخذ حقه .. مثل ما انت تنزل موضووع ويحترق قلبك إذا كنت تعبان فيه .. وبعدين واحد يجي ينزل موضووع منقول بارده مبرده .. ويغطي على موضووعك .. ولا تلقى تفاعل من احد .. وتصبح منبووض .. وهذا سبب هروب الأعضاء .. طيب ليش نحنا ما نفكر في بعض ؟؟؟ ليش البعض منا ما يحترم الثاني .. للاسف هذا واقع .. للأسف للأسف للأسف .. الكل يفكر بنفسه وما همه الثاني ابد .. نحنا اخوه .. نحنا اصدقاء واحبااء .. حتى لو كانت المسافات بعيده ... لكن قلوبكم تحمل معاني ساميه .. وما شاء الله ما شاء الله والردود تثلج الصدر ما شاء الله .. اغلبهم .. يسلمو .. يعطيك ربي الف عايفه .. لك جزيل الشكر .. وخلص الرد .. كيف يكون للرد نبض دامه تكرر وصار عادي ؟؟؟؟ كيف تحسس ان العضو اللي وضع الموضووع مهم بدون مجاتملات ومبالغات ؟؟ ونحنا اغلب ردودنا تكرار بتكرار .. التأمل بالموضووع هو السبيل الأمثل عشان نمحي هالشي .. يمكن يكون الغلط من العضو اللي نزل الموضووع نفسه .. تدرون ليش .. لأنه ما ابدر رايه .. والأعضاء يتقيدون بأنهم ما يقدون يبدون رايهم .. إلتزاما بصاحب الموضووع .. الأرصده من اعداد الردود ما تهم .. ممكن الواحد منا بتألق برد او ردين يتكلمون ويوصفون شخصيت هذا الإنسان .. ثقافته .. الأخلاق الحميدة هي القوة اللي مستحيل تقهر في ردودك .. دافع عن حقك .. ابدي رأيك بكل احترام .. ليش نستحي من ابداء الآراء ..؟؟؟ انثر .. ابدع .. تميز .. لكن بشي جمييل .. يا حباايبي ورب البيت كثرت الردود او قلتها ما تنفع ولا تضر .. إذا كنتو فعلا تحبون الوئام .. وفعلا حاسين بالي انا حاسه فيه .. يا ريت يكون في تفااعل ياريت يكون في تغيير .. لأن حال الحبيب الوئاام .. انا اقولها .. لو انتو تستحون تقولونها .. ما تسر .. تعبت الإدارة .. تدور لكم مسابقات .. وتسوي وجوائز وهدايا .. وشكر وعرفات .. وتقدير واحترام ..وبطييخ .. و و و و و و لكن ما لقت غير ............... طيب ليش ما نرد هالكثير بالقليل .. المواضيع المنقوله .. حتى لو اهي منقووله .. لكن تعبر عن شخصيتة الناقل .. لازم تبدي رأيك فيها .. انت نقلت لأنها عجبتك .. طيب ليش اعجبتك .. اثير موضووع .. شك .. ريب .. أي شي .. حول الموضووع .. عبر عن رأيك .. أدلو بدلوك .. عشان تنمي أفكاارك .. وتحضد ثمرها ردود جمييله .. ترتقي .. وترقي فيها مكانك .. نحنا اهني مو عشان اقولكم وتقولولي ..لا مو عشان اعرف ذوقك وتعرف ذوقي ... لا وألف لا .. نحنا اهني .. تطور انفسنا .. نكتسب افكار .. نكتسب ثقافه ... نكتب اخوان .. وفعلا رب اخ لم تلده امك .. تلقى الكثير من الفوائد فالمنتدى .. هل سأل واحد منكم نفسه ..؟؟؟ شو استفاد من هالمنتدى ؟؟؟ شو اعطااه هالمنتدى ؟؟ شو انت اعطييته للمنتدى ؟؟ هل اعطيناه ردوود عاريه ؟؟؟ هل اعطيناه عدم التفات ولا مبالاة ؟؟ وهو اعطاكم الكثيير .. ليش الإنسان دائما جاحد .. وما يعطي اللي يعطيه .. ليش نديير ظهورنا بدون ما نشعر بأنفسنى ؟؟ ليش كل الهم ان يقولون فلان .. وفلان .. وفلان .. القول ما ينفع .. ليش الأنسان اناني .. ليش يحب البروز على حساب غيره ؟؟ ارقتـــــــــي ... يُرتــــقى بك .. إذا ما كنت انسان صاحب خلق و فكر جيد .. تأكد أنك مستحيل يكون عندك قلم جيد .. لكن إن وجد .. فتأكد انك من المبدعين .. وحاول .. اتمنى القى تغيير بعد كل اللي كتبته .. ولكم جزيل الشكر .. خيتكم .. محبتكم .. \ حوور .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
والله ياحور ماكل من عرف يقرا ويكتب عرف يكوون رد او ينسق محاوره
فيكتفي بالشكر وهذا شي عنده كبير هذا محمود مشكوور على الاقل بس البلا لاشفتي المشاهده 53 والردود 3 وربي هنا التحطييييييم صح .. حوور مبادره للتشجيع والمنافسه اشكرك عليها يسعدك الباري |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
تسلم يمينك حووور
والله موضوع في الصميم شكرا لك ولقلمك الغيور يسعدك ربي |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
ياااااااااااعيني عليك ياحوووووووور
كأنك تقرأين افكاري والله كنت بصدد طرح موضوع مشابه لولا تعطل الانترنيت عندي لكن طرحك جاء في الوقت المناسب وقلتي مابخاطري واكثر التقييم اولاً والتثبيت ثانياً والعودة لاحقاً للموضوع مع الشكر |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
...............
... فعلاً ياحور كلامك في محله والنقاط التي اشرتي اليها لاغبار عليها ووالله انه لشيء مؤسف ويدعوا للاحباط ان نرى الوئام بهذا الكم من الأعضاء وفي المقابل نجد تفاعل يمثل نسبة ضئيلة جداً امام هذا الكم من الأعضاء وشيء مؤسف ويدعوا للاحباط ويدعوا الكتاب والمميزين من اعضاء الوئام للعزوف عن الكتابة عندما تقابل اطروحاتهم بالقراءة فقط بدون تعليق او بتعليق من باب المجاملة فقط ! سابقاً كنا نعاني من النسخ واللصق من منتديات ومواقع اخرى في المشاركات والآن اصبح النسخ واللصق حتى في الردود ! فهل يعقل ان نصل الى هذا الحد ؟ هل يعقل ان افكارنا واقلامنا اصبحت عاجزة الى هذا الحد ! والله شيء غريب ومحير الأخوة هنا في ادارة منتديات الوئام عملوا كل مابوسعهم من اجل خلق جو مهيأ للابداع سواءً من الناحية التقنية والمتمثلة في صندوق كتابة متطور يشتمل على كل طرق التنسيق او من ناحية التشجيع متمثلة في التثبيت والتقييم وحتى المسابقات ولكن .. !! عموماً اشكر لك غيرتك واهتمامك وطرحك المميز ومن خلال موضوعك هذا اود التنويه بأنه تشجيعاً للمميزين ودعوة للتميز سيتم الاعلان قريباً عن انشاء مجموعة V.I.P حيث يستطيع العضو المتميز الانضمام لهذه المجموعه وستكون لهذه المجموعه مميزات خاصة من حيث الصلاحيات ومن حيث الترشيح الفوري للاشراف والكثير من المميزات سيتم ايضاحها عند الاعلان ... |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
حتى لو حط كلمين غير متناسقين.. او شكر بطريقت ذاته .. وكان فعلا قاصد هالشكر .. لكان للرد نبض .. لكان فالرد رووح .. حتى لو انا ما اعرف اكتب .. لكن احسسج بحساسي حتى لو برد بسيط يقدر يكتبه اي انسان بدون احساس .. لكن اهني ارجع واقوول الضمييييييييييييييييييييييييييير .. لو انتي سويتي شي وفعلا انا كنت محتاجته .. وجيت قلت لك دلع مشكورة .. بتحسييين بثقه بتحسين بحساس غير لأنها طالعه من قلب .. وانا كنت محتاجه هالحاجه منج فعلا .. لكن لو انا ما ادري اصلا شو الموضووع او شو السالفه .. وكل همي النقاط وعدد الردود .. كل همي ان الكل يدخل مواضيعي .. هل تعتقدين لكلمة الشكر اهني قيمه ؟؟؟ يخيه صج اللي قلتيه يحططططم ولكن مو مثل تحطيم كلمه مختصره بعد شقااء وجهد فالموضووع .. بس شنو بتقولين .. كلنـــا مخطئن وكلنــــــــــــــــــا اسأنا بدون ما ننتبه .. ولازم نصحح الغلط ..والله يطـــرح البركـــــه .. أشكرلج تواجد ردج القيم حبيبتي .. لا عدمت تواصلج .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
الموضووع طلع من حشوة قلبي .. >>> تعبير متعوب عليه .. لأن صدق انقــــــهرت .. محد يحاسب .. ولا حد يحاتي غيره .. يا اخي والله ندخل .. نرد على مواضيعنا .. ونخلي مواضيع غيرنا بدون ردود .. طيب ليش هالأنانيه .. والمشكله ان موضووع العضو الثاني توه مطرووح طازه .. بس فضلنا موضووعنا عليه .. ليييييييييييش..؟؟؟؟؟؟؟ والله شي يقـــــــــــــــــــــــــهر .. يسعدك ربي على المرور.. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
فعلا كلامك صحيح 100 % .. ويعووووور القلب .. ويحــــــــرق الدم .. ويبط المرااره .. :behead2: الأعضاااء اقصد الأحبااء قلال .. ننظر للكم نستعجب ونستغرب .. ننظر للكيف .. نصاب بأنوااح الإحبااط .. لك جزيل الشكر على التقييم والتثبيت أخي .. يسعــــــد صبـــــــــاحك .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
وش هذا الصياح من صلاة الصبح..؟؟ وشبك تصارخين وتخاصمين؟؟؟ يختي ماتلامين!! ايه ياحور.. والله انها تقهر وودك تمسكين هالاعضاء وتخشخشينهم بالغصب يضغط رده وبعدها يطلع... يالله باذن الله باذن الله فكرة الوافي تعطي نتيجة.. يسعد ربي صباحك.. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
ايه والله ما نمت إلا لما نزلتها ... بس شدرااج اني قاعده اهايط من تالي الليل هههههههههه .. شفتي شلون يا استاذه .. يالله الله يهدي الجميع .. وان شاء الله نشوف تغيير في غضوون ايام قليله .. وبتنجح ان شاء الله الفكره .. دامها فكرة وافينا .. صبااحج ورد الغاليه |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
ياعيني عليك ياحور
وربي انك قمه وربي ياخيتي ان كل اللي كتبتيه كان بخاطري منذوب مبطي << لاحظي بس بس قلت لااصبري يابنت بيتعدل كل شئ ان شاء الله موضوعك جاء بوقته وربي ملينا ياختي نبي حركه نبي جو نبي هواش وطقاق وزحف وحركات نبي ابداااااااااااااع مثلك وشرواك ياحور وربي بجد ماقصرتي موضوع يستاهل التقيم وعسى ربي يقدرنا جميع وننهض بالوئام دمتي لنا ياابدع حوووور .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
فعلا يا حوور
كلامك كله في محله صدقت بكل كلمه قلتيها والدليل موضوع { اقسى اللحظات } موضوعي عشانه خخخخع,,,, وفيه مواضيع كثير مقروءه بس ماكو اي رد !!!!!!! بس عن جد قهر الي داخين عليه 18 ولا فيييييه اي رد تحطيييييييم بس يالله اهم شي الفايده يعطيك العافيه على الطرح تسلم اناملك يالغلا ,,,, |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
ايه هاذي اللي تبرد قلبي .. جعلني ما انعدم منتس يا خيه .. وربي من يومين اشووفج مو موجدوده ... واقوول وينها ذي الخبله مالها صييت ابدا .. وين راح صيتها الذااائع .. يلا عاد مو كلام نبي همه .. ونبي ردوود .. انا بقييم الحمله .. ويالله هالله هالله بس بالتشجييع والمثاابره .. حملة لا لأقلام الإختصار .. نعم لأقلام الإبداع .. يلا يا خيه .. نبي ابدااع ما بعده ابدااع .. حتى بالردود .. مو بس المشاركات .. ونبي افكار يديده .. اعصري ذا المخ .. صدقيني بيطلع عجاايب .. واستعيني بأي احد من الإداره او من الأعضااء .. ترى المشاركه زينه وممكن نفيدج .. ونستفييد من بعض .. ونولد افكاار عجييبه ... بس نبي الهمه .. يسعدج ربي يا خيه . . |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
منورة المتصفح الغاليه .. خيتي .. الموضووع نحنا طرحناه مو علشان العتااب .. والتشره .. نبي نعرف أخطائنا ونصلحها بقدر المستطااع .. إذا كان على موضووع واحد لج .. فيا خيه .. انا عندي مواضيع واايد والكل عنده مواضيع يمكن ما لفت انتباه احد .. فما يعني إذا ما حصلتي رد على موضووع واحد ان موضووعج مب حلو ... ابدا .. والفشل بشي مو معناته النهايه .. بالعكس .. من قناعاتي أن الفشل بداية النجااح .. وحتى لو محد رد ما نقدر نغصبهم على شي .. حبيبتي .. ذوقي غيرعن ذوقج غير عن ذوق الباقي .. كل واحد منه يمثل شخصيته بحسن اخلاقه وذووقه و فنه في انتقاء المواضيع .. والرد عليها .. انتي من المبدعين اللي ساهمو وهم جددد .. لكن يحتاجون الدافه .. نحاول نراعي بعض بالمشاركات .. إذا في احد منزل مشاركه ما نحط مشاركتنا إلى ما ياخذ الموضووع اللي قبلي حقه .. لازم نتعاطف مع الموضووع كأنه انسان له حقوق .. وعليه واجب واحد .. واللي اهو توصيل الإنموذج بشكل صحيح .. اتمنى ما أكون طولت عليج بالكلام .. لكن خلينا نبدع ونحط ايدينا بإيدين بعض .. وهذا الكلام مو بس لج .. هذا الكلام للجميع .. اللي يبي يحط إيده بإيدي ونتج مواضيع ونطلع المكمون اللي داخلنا انا موافقه .. واتريا منكم مبادره .. ايا كان .. حتى ولو كان عضو توه مبتدأ .. مافي أي مشكله .. طريق الإبدااع يبدء بخطوة .. خلونا نسلكها ... حتى لو كانت صعبه وشاقه .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
والله إنك دقيتي على الوتر الحسااس يا حوور !! للأسف لنا أعضااء وأخوه منتدى كثر ونراهم في المنتدى كل يووم ولكن للأسف تواجدهم فقط من أجل المشااهده وليس من أجل التفااعل وربما بعضهم يتكرم ويتناازل إنه يرد برد زي وجه من أجل أن يرى النااس أنه موجود !! ليس هذا ما نطمح إليه وليس هذا ما عهدنا عليه الوئام وأعضااءه ولكن ربما نحن مقبلون على جيل قص ولصق مثل ما قال وافي ( قص ولصق حتى في الردود !! )
والله إن الوضع غير صحي ويحتااج إلى إقتلاع بعض المحسوبين على الوئام من جذورهم لكيلا يكونوا عاله على الوئام وزواره يعني تخيل إنك دخلت على منتدى آخر غير الوئام سواءً كعضو أو كزاائر وتتفاجأ بعدد الأعضاء والزوار المتواجدين الذي يفوق الألف ولكن التفااعل صفر فمالذي سيتباارد إلى ذهنك ؟؟! انا حقيقة بدأت أشك إن بعض الاعضاء مسكورة أصابعهم ومو قادرين يكتبوا شي بالعكس هناك من الأعضااء من صار له حادث سير ومع ذلك يدخل الوئام ويشاارك مثله مثل غيره ويكفي أن أذكر هنا شروق الوئام الله يذكرها بالخير عموماً حتى لو تكلمت ليييييين الصبح أنا متأكد إن بعضهم أذن من طين وأذن من عجين !! شااكر لكي هالغيره الغير مستغربه على شخصية راقية مثلك أختي حور وربي يسلم يديك ,.., |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
نعم اخي .. كلامك جااء في صميم القلـــب .. بس أعتقد .. هذا العجز مو عجز عن الحركه .. ولا انه عيب خلقي ما نقدر نغيره .. هذا عجــــــــــز العقـــــــــول .. وليش عجز الأبداء .. للأسف الشديد .. لو كان بدنيا تكون المشاعر والأحاسيس كافيه لإيصال كل ما بالنفس من ابدااع .. لكن لا خــــــير في علـــــــم حبــــس .. إذا كنا انانيين لهالدرجه وما نبي الخير لبعض شلون راح نقووم وننتعش .. شلون راح نكبر ونتطور ؟؟؟ الله يذكرها ويرجعها لنا سالمه غانمه .. اخووي حتى انت محتاجين جهدك معانا .. انا وحده وإيد وحده ما تصفق .. لازم نتكاتف .. عشان نقدر نرجع لو جزء صغير من اللي عطانا إياه الوئام الحبيب .. اثنين ثلاثه ممكن يقومون المنتدى كله .. وينعشونه .. ويرجع منتدى الإبداع مثل سابق عده .. ويصيرون القدوه .. عشان تلتم أفواج الإبداع من كل صوب .. الكل في داخله مكمون غير عادي من الطاااقه .. ولازم نطلعها ونهيئ لها جو الإبدااع وإيصال الفكر الراقي .. لك جزيل الشكر اخي على المروور والمشاركه بهالرد الراقي.. انتظر تفاعلك معااي وابداعك .. حوور .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
انا معك يا {{ حووور }}
|
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
وانا معـــك .. بس أبـــــــــي همه .. وشطاارة وتنفيذ افكاار .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
يوووووووووه انتي للحين تصيحين <<<مانست
والله انك قلت اللى بالخاطر ماادري وشفيهم اكثير الاعضاء اشوف تواجدهم ومااشوف لهم رد ليش كذا يااخي على الاقل قول يعطيك العافيه بس على قولك القهر اذا ان كتب الموضوع وتعبان عليه ولا يرد الا 3 او اربعه جد تحسين بتحطيم حوور اذا تبين فزعه او مخك لقط فكره سنعه دقي على المسن وانا بااساعدك اما اذا تبين هوشه فالازم البدايه فيك :earmuffs: وش قلتي ؟؟؟ |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
فعلا الموضووع يحرق الدم بس شنسوي .. ان شاء الله بيكون في استجابه ^_^ .. انا واثقه .. بس دعوااتج انتي وهمتج.. ياحبج للهواش >>> هههههههههه خالصه منذ مبطي لالالالا ما يصير جذي انا اتضارب وبعد تبدين فيني يا مفتريه ... هههههه وربي انج مو طبيعيه .. جايتج جايتج .. بس ترى إذا تبين تفازعين بكرفج كرااف ههههههههههههههه بس كنت انتظر غزووله تدخل عشان افاتحها .. بس ما عليج دامج معي .. نقول لغزوله بعدين .. يمكن ما ادخل المسن هاليومين .. وتقل مشاركاتي بالمنتدى <<< بحاول ان ما يصير هالشي >>>>>>> غزوله عادتني <<< كانت مزكومه والحين انا .. ولا اليوم داخله تقولي ما اكلم مزكمين هذا اللي ناقص .. على العموم .. عندي شويه خرابيش تعجبج .. بقولج على المسن تمام .. يسعدج ربي خيتو .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
الدعوه حملات وحركات :smug2:
والله أسمعي ياخيتي أنا أكتب موضوع ولا أنقله إن كان فيه رد فبها ونعمة وإذا مارد عاادي يعني دامه متاكد من جودته الرد مايكون شي مهم يعني رأي مايجوز لبعضكم بس هذي وجهة نظري |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
حور
كلام سليم في الصميم والكثير يرد على بعض المواضيع بشكرا وهو ما قراها المهم الكيف وليس الكم والمعذره على التاخير |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
موضوع جدا جدير بالإهتمام ..
لكن اللي محيرني متى نزل هذا الموضوع يا حووووووور أول مرة اشوفه يمكن عشانه مثبت ماخذت بالي منه .. المهم نسيت وش بقول :) واللي قالوه الربع والربعات يكفي .. انا واصلة معي الى الإتش H .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
كلام جمييل .. يعني انت مقتنع .. ^_^ .. لكن يا خيي الموضووع مو جذي الموضووع اكبر .. انا ودي اكفخ اليووم .. هههههههه بس الحمدالله حصلت استجابه جمييله من البعض .. يجزاك ربي خير .. ودمت متفااعل .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
صح لسانك المهم الكيف وليس الكم .. وهذا اللي انا اصيح فيه من صباح الله خيير .. بس شنسوي .. انبح الصووت ومحد سامع .. بس الحمدالله في كثيير ما شاء الله تغيرو بعد الكلام .. صارت ردودهم ولا احلى .. ^_^ لك جزيل الشكر يا خيي على المروور .. نبي تفاعل .. >> لا تعصب .. يسلمو دمت متفااعل .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
اهيء اهيء اهيء اهيء اهيء اهيء اهيء اهيء وربي يا بو خالد كسرت مياديف مياديفي .. مو كسرتهم بس حطمتني .. ههههههههههههههه اجل متى نزل هاه .. نزلته قبل صلاة الصبح بنص ساعه .. كل هالصيااح .. وكل هالمضاارب وكل هالإزعاج .. وما شفته .. وش اقول بس .. لنــــــــــــــــــــــــا الله .. هههههههههه .. على العموم .. يعطيك ربي الف عافيه على المروور والمشاركه .. بس شنو الأتش ؟؟؟ ما فهمت ؟؟ |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
الإتش الله يسلمك ارتفاع الحرارة مقياسا على حرارة السيارة يعني كلامك اللي ذكرتيه في لب الموضوع .. هو ما اشعر به ولم استطع التعبير عنه .. ويعني ايضا انكي كفيتي ووفيتي ,, وكل عام وانتي بخير ,,, |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اقتباس:
هههههه تسلم اخووي .. احرجتني .. ههههههههههههههه وصلت فكرت الأتش .. ^_^ .. يعطيك ربي الف عافيه اخووي .. ما قصرت .. وانت بخير اخوي .. |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
اختي حووور اشكرك على هذا الموضوع الشيق وياليت اعضاء المنتدى يقرونه ويخلون بعض المشتركين يصيرون اعضاء بعضهم عنده حوالي 100مشااااركه ولاحد عبرلهم هاذي المشكله والله يعطيك الف عااافيه على هذا الموضوع اللي انتظرتها من زمااان
|
رد: إنذاار ... تنبيه .. >> إذا ما دخلتو بذبحكم .. (( مشكله )) ..
عشتي يا حوووور على ها الموضوع
ولله انه النقاط الي ذكرتيها كلها عندي عليتها تعليق اش كبره ها العدد الكبير من الاعضاء وينهم والا بعد يكونو من المتواجدين لكن المنتدى جاااااااااااااااااااامد ثلج الاعضاء هذا هم بس تعرفي خليني اقول لج شي شوووفي انا عضوة من متى اهنا في الوئام عرفت اعضاء كانو فعلا اعضاء بمعنى الكلمة حتى انه احس انه الوئام صار جزء من حياتهم وينهم احين وينهم لقيت وحده منهم مرة وكلمتها الا تقول لي المنتدى ملل جامد ما احد يشارك ولما نشارك ما ما احد يرد يا ما مواضيع قوية قوية تنزل لكن ما فيها تفاعل ما فيها اي تجاوب والمشكلة انه تحسين في من يسمعج لكن جامد ليش ؟؟؟؟؟؟؟؟؟؟؟ هذا التكرار يولد الفراررررررررر الاعضاء وينهم احين انا غبت عن المنتدى فترة لكن اكذب عليكم لين اقول ما اطل على الوئام لازم اجي اشوفه القااااء نااااايم وفي سبات عميق واقول خلني اغيب وارجع يمكن الحال احسن وارجع والحال مثل الشي يمكن ها الفتره شوي شوووي قعد من النوم بس نعسان لحين رغم انه وافي والادارين وغيرهم احس انهم شمعة تحترق بس عشان احدي يشوف نور ها الشمعة ويتحرك .. .. .. ^ هذي النقط لانه في كلام وايد بس المهم مو الكلام المهم الفعل فا انا ما ابي اتكلم وايد كفيتي و وفيتي يا حور اتمنى هذا الكلام وراااء ثماااااااار اشكال و الوان ان شاء الله لا حرمنا منج يا حور دمتي لمنتداج الحبيب http://www5.0zz0.com/2009/09/13/02/310566963.gif |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
والله موضوع المفروض اللحين يطلع على الساحة
ركود عجيب في المنتدى صار المنتدى كنه مهجور يالله الله يرد أعضائنا سالمين والي مسجيلين زيادة عدد يتفاعلون ويشاركون |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
والله ما الومك
حتى حنا نرد على ان هم اللي رادين بس لو تددخل تلقى العضو/ـه هو اللي يرد مثال:نورت الصفحه وبعدين وش تبينا نرد حطي نوته كبيره بالمنتدى وحنا نسوي نسخ ولصق السبب لاني ما عمري شفت رد الا يسلمو... شكرا لك ...والخ الخ الخ الخ |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
<<<عجزت لا سوي تعديل
انت فعلا صادقه بس الاداره اللي يشاركون وانا اعرف الاعضاء اللي يردون على مواضيعي ومواضيع الاخرين انا ما ودي اقولهم علشان يمكن انسى احد وويزعل علي >>>وانا اقول ليه ما يرد علي الا الا الاعضاء الكبيرين |
رد: إنذاار ... تنبيه .. >> إذا ما دخلتو بذبحكم .. (( مشكله )) ..
مثل ما قلت أختي كثير من المواضيع القيمة لا نجد لها رد يقيمها أكثر و يزيد من ازدهارها
بل يكتفي القارئ برد على الموضوع :شكراا , يعطيك العافية و يمكن ما قراه بالاصل لا نريد مثل هذه الردود لا بل نريد تعليق أو نقد أو غير شيئ المهم رأي الخاص |
| الساعة الآن 42 : 07 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]