انتي آخر من تمنى وانتي اول من يطول =وانتي اول وانتي آخر من ينال ومن ولى

انتي اول شخص يحظى من خفوقي بالقبول =وانتي آخر وانتي اول من ملك دمعة " غلا "

وانتي اول من سكني رغم انفي والعذول=وانتي آخر وانتي اول من ملكني من .. الى

السؤال ! اللي محيرني وانا كلي ذهول =اختصارك للمسافة بين قلبي والملا !

كيف جيتي تستبق خطواتك لوقت الوصول =وكيف خليتي خفوقي تعزف اوتاره " هلا "

بأسألك كيف اقتحمتي عالمي عرضٍ وطول =هكذا ! ومن دون اذن! وصرتي !.. وشأنك علا !

لين حتى كل مافيني تشرف بالمثول =بين يدّيك ولك اقسم بالوفا لك والولا

كنك اللي عن نساء الأرض جيتي لي رسول =جيتي لترويض قلبٍ لانكرك ولا قلى !

قالت بدافع محبه ماهو بدافع فضول ! = والمحبه ابتلاء والعبد دايم مبتلى

قلت والحصن المحصن والمجود بالقفول =كيف في لحظة تآآكل بابه بسبة حلا !!

اسمعيني والله الشاهد على اللي لك باقول =اشهد الله اني اللي مبتلى في هالبلا

فاتنه تأسر اولي الألباب وارباب العقول =جيت اصد العين عنها وتلت القلب وتلا

وراح يتبعها وبدروب الهوى دق الطبول =لين شيطان الهوى غنى يالالا يالالا

وارقصت من فوق قلبي واسرجت فيه الخيول =وطاب رقص الغانيه والقلب عنها ماسلا

عنق ريمٍ مرتعه بين الخمائل والحقول=ومن نعومتها تحاشى اعطافها زهر الكلا

مترفه ومدلله حسب المباديء و الأصول =والحضارة والبداوة في طبايعها دخلا

ريقها سكر نبات وحكيها حكي معسول=وضحكها مايترك من الهم هم ماجلا

حبها مايعترف لابالمواسم والفصول =هكذا الحب الحقيقي .. هكذا والا فلا

وصفها اعظم بس يعني ! وش بـخلي ووش بـ اقول !=الأكيد ان الحلا منها وهي كل الحلا

اذا هذي نتايج السهر كل يوم اسهر يا شيخ