|
صمــت الشــفاه .. :(
.....
.. ليت الشفاه اللي شكى صمتها الصمت ================ تبــوح لقـــلوب شكت كتم الاســرار وليت العيون اللي لغتها بها آمنت ================ تفــهم عيــونٍ حكيــها كــله اعذار وين انت ياللي كنت لو قلت ماكنت؟ ================ وين انت ياللي منك قاسيت الامرار؟ وين انت ياللي بك تلوعت وفتنت ؟ ================ وين انت ياللي بي تحملت الاوزار ؟ وين انت ياللي من عنا حبه ادمنت ؟ ================ ومن شان حبه بالقدم دست الاخطار وين انت ياللي من يدينه تكفنت ؟ ================ والناس بالجنة وانا اقــاسي النار؟ وجاني خبر زعزع كياني وحزنت ================ من يوم قالت بيد مــولاك الاعمار وصرخت باعلى الصوت ..تكفين يابنت ================ وهلت دموعي من على الخد مدرار لايازمن .. لو قلت بتزين لي شنت ================ لايازمن .. كــله ولاشــمعة الدار يالله يالمعبود مانرجي الا انت ================ ترحم قــلوب بالـــهوى توها صغار المعذرة وليدة اللحظة وعلى الريق :) يعني مشي حالك |
يالله يالمعبود مانرجي الا انت
================ ترحم قــلوب بالـــهوى توها صغار افلحت ورب الكعبه استاذي الوافي تعجز كلماتي ان تخرج لكي اقدم لك مواساتي واصدق امنياتي لك بالسعاده الابديه والراحه النفسيه اخي اعلم ويعلم الكثير بان الحب (الغرام ) ناااااار لا تفسرها الا لغة الاشعار صح لسانك على ها الابيات وليدة اللحظه اخي بل (استاذي) اجعل كل قصائدك وليدة اللحظه لكي نستمتع اخوك المخلص (الســــــــــــــــــــيف) |
الـــوافـــي !!!
بصراحه ما اقدرر انكر ان قصيدتك تأخذ العقل لـكـن يا الغالي مـا احـب اسمع نـبـرة الـحـزن منك يأسـاكن القـلـب وحدك ما مـعـك ثـاني ******************لا تـقتل الـحـب في قـلـبك وفي قـلـبي في زحـمـة الـهـم تهـت وضـاع عـنـوانـي ******************وانـت الـوحـيـد الذي به يتـضح دربي تـســلم اياديك وصـح لسانك لكن عيوني لا تقول الامل صار مفقود *******لا يكون الياس عندك طبيعه خلي الامل بالله ولا خاب موعود *******عالم بالغيب ولازم نطيعه شـــــــــوق |
الوافي
دائما وافي ابداع ابداع ابداع صح لسااانك والله يبعد عنك كل هم |
وافي
وش فيك علمني المهم كلماتك حلوه بس حالك مو عاجبني تسلم و الله يديمك |
واااافي
مانبي نبرة الحزن تخيم علينا كلنا ولو انها والله رووووووعة وحساسة جداااااا بس ودنا نفرح لكن فين الفرح ؟؟؟؟ انا لي عتب عليك يالوافي !!!!!! سالتك في ضيف السبوع وما رديت على سؤالي الظاهر ماعجبك !!!! تحيااااااتي يالا اعتذر لي !!!!! او جاوب على سؤالي.... |
....
.. هلا وغلا اخوي السيف اشكرك للتشريف وللاطرااء والابدااع ليس الا مانهلته من بحور ابدااعكم فهو منكم واليكم اشكرك لمجاملتك الرقيقة :) كلك ذوق ياذوق ياهلا |
....
.. هلا وغلا حياك شوق اشكرك للتشريف ولمداخلتك الراائعة ولكلمات الجميلة المعبرة والحزن ياعزيزتي ليس بايدينا الهروب منه واعتقد بانه ليس منا من يرضى به لنفسه !! انما ربنا موجود ياشوق اشكرك ياذوق كلك ذوق ياهلا |
....
.. هلا وغلا بالضاري حياااك اخوي اشكرك لتشريفك وللاطرااء ولدعواتك الصالحة اسال الله بان يجعل لك نصيباً منها تسلم لي والابدااع منكم واليكم كلك ذوق اخوي ياهلا |
.....
.. هلا وغلا بساهر الليل مرااحب والله اشكرك للتشريف وللاطرااء آآآه ياساهر اعلمك وش بي ؟ !! السكوت ارحم ولا الشكوى لساهر :) مو علمتك ذاك اليوم بقصيدة موجهه لك تذكر وش كان ردك ؟ حياك والله اخوي والله امزح معاك ابشرك مابي الا كل خير بس تعرف السهر يضيق الصدر :) تسلم لي ساهر كلك ذوق |
| الساعة الآن 54 : 01 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]