احبك كثر مابيني وبينك من ديرورمال=احبك لو تعذبني واحبك لوتعنيني
احبك لويصير اللي يصير وتزعل العذال=احبك لوجميع الناس من شانك تعاديني
عشان تعرف وش كبرالغلا وتشوف كيف الحال=تعرف اني ليا حبيت عجزت المحبيني
اعسف القاف لعيونك وازودلك من المكيال=لآن الشعر شعري وانتي اللي تستحقيني
صحيح ان الغلا لازادهبل بالرجال هبال=يعوذمن بليس ويرقص بوسط الشياطيني
يمثل دورت المجنون ويشجع مع العقال=ويضحك لسراب ونشف ريقه بين عديني
اناقلبي ليا هب النسيم ومالت الاضلال=تهيض واستفز وهيضه صوت المغنيني
تذكر مهرة صفرا اصيل ومالها خيال=يسومها الهلالي واحتكرها ابن السلاطيني
دفع لابن السلاطين الهلالي شيك بالاموال=لكنه قال ابوزيد الهلالي من معاديني
لكن الراس يابس والمتون تميل للاثقال=تعرف ان دخلت الاجي كبيره بالقوانيني
لصار الداخل مجلا تقوم ارجال دون ارجال=تعزوا بالشجاعه والمواعيد المياديني
نسوق ارقابنا دون الدخيل ونطرح المعدال=عساها تستوي والاتولع بين صفيني
اناماهمني كثر الكلام افلان قال وقال=ابيها بالمواقف والمخفالازم يبيني
سمعناصوتها ترعدنظرنا مانشوف خيال=وقفنا للمقابيل ولقيناهم مقفيني
لاخير بماقفن ماتحتميه الناس بالافعال=يموت الرجل في عزه ولايبقى على الشيني
حياة الرجل دون النعم ماتنسام لوبريال=لكن حيل الله اقوا والله انه يصلح الديني
ليا قلنا الاوادم بالتشابه كثرت الاشكال=ولاقلنا على الاجداد ماتطلب براهيني
عسى الله يرحم الماضي عسى الله يرحم الاحوال=عسى ربي يديم الامن وتعيش السلاطيني
وصلاة الله عددماهلت الما مزنته همال=على الهادي شفيع الامه بيوم الموازيني

صحيـح ان الغـلا لازادهبـل بالرجـال هبـال=يعو ذمن بليس ويرقـص بوسـط الشياطينـي

ايوالله انك صاااااااااااااااادق ياخلف
انا اشهد انه يهبل بهم ويصل بهم لدرجة اعظم من الهبال حسبي الله عليه
:nice:

خلف الجابري
قصيدة رااائعة ومعبرة
وابدااااااااع معهود من خلف الجابري

راع المشاعر
الراقية
ملكة احساس

صحت ابدانكم وهذا من ذوقكم وشهادتكم تاج على رأسي
والابداع هو مروركم
ولـــــــكــــــــــم أجــــــــمـــــــل تــــحــــــيـــــــة