|
يـــوميـآت متـزوج (( مقـرود )).....
السلام عليكم ورحمة الله وبركاته
قصـه طريفـه قريتهـآ في مجلـه وحبيـت أنقلهـآ لكـم < < < بيحقدون عليه البنات يومـيآت متـزوج مقـرود..... فيها من المعاناة الشي الكثير فحياكم الله السالفه تقول : يـــا عـــالم ... قسمـا بالله راحت حياتي أوراق صغيرة .... جيوبي مليانه قراطيس..... الظهر تعطيني زوجتي ورقة وبعد صلاة العشاء تعطيني ورقه . طيب يا زوجتي العزيزة فيه شي اسمه دمج , رئــاسة تعليم البنات بكبرها دموجها انتي ما تدمجين ورقة مقاضي الظهر مع ورقة مقاضي الليل ونفتك من هالقلق اليومي ... المشكـله وشي .... المشكله اني اقرا طلبات مالها داعي بس مجبور اجيبها .... ( دراق .. طماط .. بقسماط .. برغـل ) وآخرتها ما نلقى على السفرة إلا كبسة وان سوينا نفوسنا كندين حطينـا فجل... طيب هالبقسماط والصولجان وبقية الأسامي الصعبه من هي لـه...؟ طبعـاً لخواتك أذا جو يوم الربوع وأنـا يا غافل لك الله طقني الجوع مع راشد وابـو صالح... وأذا كنا بالاستراحه وان سوينا فيها ((فسقه)) وكاااااش ارسلنا الهندي يجيب لنا بروستد وتهاوشنا على الثوم كل واحد ياخذ علبة الثاني ... والمدام مع خواتها يتنعمون من خيري ومن تعبي ومطامري في البقالات مع ورقة المقاضي... مـرة من المرارير سويت فيها ذكي وبعد ما قضيت لزوجتي يوم الربوع قلت بروح للشباب... واطب على المدام بدري واحصل خواتها عندها وتوهم حاطين العشاء يلعن ام الكارثه..... أخيــراً شفت ورقة المقاضي صدق لقيتهم حاطين سفرة خياليه....!! بدآيتها في المقلط ونهايتها عند سـاكو اللي ورا حلبان الى درجة أنهن حاطين سيكــل جنب السفره علشان أذا وحده بغت صحن من طرف السفره يمديها تجيبه ... والقا لوحه مكتوب عليها ( السلطه 60 كلم ).... قسـم بالله ما فيه شي ماهوب على السفرة.... المشكله أن زوجتي تعاملني على أني معلمة تدبير منزلي وعندي خبره وأنا والله ما افرق بين الملوخيه والكزبرة... تـقوم تكتب لي مرة في الورقه كيلـو (( كنـآفه كذآبـه )) قسم بالله تروعت وش ذا الكنافه الكذابه انا اعرف الصدقيه علشان اعرف الكذابه... وأروح البقاله مالقيتها حاولت بقاله ثانيه ماعرف البكستاني وش اقول... قلت ما فيها واتصلت بصديق متزوج يعاني مثلي بس انه متزوج من ثنعشر سنه قال رح لمحل حلويات وتلقها عندهم واروح لمخابز المملكه في المروج وانسى اسمها ..!! واقول لراعي المحل عطني كنافه نصابه ناظرني باحتقار وعطاني اشكل بدال الكنافه... أصـلاً اللي في المحل كلهم حريم الله يخلف تذكرت ايام زمان يوم كانو الرجال يروحون للمخابز ومعهم فوط يلفون فيها الخبز علشان ما يبرد... في الأخير رحت عند البياع وقلت ياخي معليش نسيت اسمها بـس...؟ انها كنافه مهيب مضبوطه كنافه كافره بتروح النار ضحــكككك وقال قصدك كنافه كذابه..قلت ايه ابي منها كيلو... زحمـه وكنافه كذابه ومدري ايش اسمها وآخرتها قطعة خبز وحاطين عليها شيره.. الله يحفظ الوالده... ورقة المقاضي حقتها ما تتغير علشان كذا ما نرميها لدرجة اني انا حاطها بالمفضلة لأنها هي نفس الطلبات كل يوم ( بصل .. طماط .. رز .. دجاج .. خبز ) وأذا بغت تسوي كيوت استبدلت البصل بالثوم وحطت الرز قبل البصل والخبز قبل الطماط ... والله اني عشت عمري كله وانا نفسي اكل شي جديد وخاصة ذا اللي يسمونه ( أومليت ) إلى درجة اني سكنت في فندق علشاني لقيته بالقائمه ما دريت انه بيض الله ياخذ اعمارهم... المشكــله هالحــريم ما عندهم رحمه .... درجة الحراره في عز الصيف الف وانت تطامر من محل لمحل ومع سموك ورقة المقاضي .. لو تجيب العثيم او بنده كلها وتنسى شي بسيط قامت القيامه... لآزم ترجع تجيبه وانت اصلاً شرير ولا عمرنا شفنا منك شي يا بخييييييييييييييييييل.... وياعيني على استخدام التقنيه والجيل الثالث... ورقة المقاضي صارت من العصر الحجري هالحين تجيك المقاضي مسج جوال... والله اني ابغا اصيح اذا قريت رسايل جوالي ورسايل جوال اخوياي العزوبيه ... كل رسايلهم حنان وحب وشوق ولهفه ( عنـدمـآ تشـرق شمـس يـوم جـديد اذكـرك ) ( كفـآني أن جنـح الليـل يغشـآني ويغشـآك ) اللـه على الجمس لـولا وارد الستين ..... رساله بالغلط شـف مسجـآتي ( حليب سيرلآك ) .. ( ارجع بدري مـآ عندنا مـويه ) ( الشغاله ما تعشت...! احط لها من عشاك ولا وش اسوي بها ).. وانت جاي جب اعود اسنان .....!!! أعواد اسنان في نص الليل والله من زين الاعذار... المسأله تخريب في تخريب وما قطع قلبي ونكد علي حياتي إلا أذا طلبو تسالي .. تجيب برنقلز قالوا نبي جحا ... تجيب بنكهة الكاتشب قالو نبي بالخل والليمون .. تجيب رقاق سمبوسه الورده قالو مهو بزين نبي رقاق غوار .. تجيب صلصه قالو نبي ماجي.... بس خل عنك والله صار عندي خبره ... هالموضوع اني رحت بعد صلاة الجمعه ومعي كالعاده رفيقت دربي ورقة المقاضي طولها حوالي 7.2 ( وين موبايلي كونكت عني ).. ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه .... جزاهـآ الله خير تفهمت الموضوع بشكل حضاري جداً.. وهذا انا اكتب لكم الموضوع ومن قهوة ابو هيثم عادمها شيشه ولا هامني وش بالقا اذا رجعت للبيت أكيد أكيد رز ودجاج... ملطوشه من منتدى جارنا اخوكم دوما نــــ2004ـــواف |
:d: :d: :d: :d:
:d: :d: :d: :d: :d: :d: :d: :d: رحمت حاااله بس كله كوم والسفره اللي لي روا حلبان كوم عاد لو انهم بالخرمه والاظلم تهون اما لو انهم بالشرقيه يبي لهم هليوكبتر ويالله الله يسعدك نواف . . . |
الله ياخذ اباليسك
وربي تمزعت مصاريني واوجعني بطني من الضحك هههههههههههههههههههههههههههههه ههههههههههههههههههههههه ياخوي ماودك انه طلع شي اسمه رسايل جوال ماعاد يجي فيها الا طلبات مقاضي والا اشعارات تسديد فواتير ههههههههههههههههههههههههه الله يسعدك والله اضحكتني تقبل تحياتي وهات معك بصل وولاعه اذا جيت الاستراحه ههههههههههههههههههههه |
ههههههههههههههههههههههههه
هههههههههههههههههههههه ههههههههههههههههههههههههه والله يرحم حاله .. بس علشان لا يتهور مرة ثانية ويش الورقة المفروض يحترم المشاعر ههههههههههههههههههههه |
اقتباس:
ههههههههههههههااااااي هلا غاليتنا سديمووه هذا سواتكم يالحريم وربي انه قطع قلبي ذا المسكين واحلى شي يوم انه تمرد هذا شكله يدل على موضوعي اللى بالعام هل يحق للزوجه ضرب زوجها الظاهر انها تسطره دوم هههههههههههههاااااي نورتي موضوعي يالغاليه وياهلا بيج والله اخوج دوم نواف2004 |
اقتباس:
اي ياليت ماسووا رسايل وربي كلها فواتير او اغراض كنها ما خلقت الا لذا الشي هههههههههههاي عسى هالضحكه دوم يارب ماتفارق محياك ياغالي ويسعدك ربي دوم ياغالي تقبل تحياتي اخوك دوم نواف2004 |
اقتباس:
هلا وغلا غاليتنا مهره نورتي يالغاليه وحياج رب السماء اي مشاعر وانا اخوج هي المفروض ترحم حاله وياليتها تطبخ له لو مره بالشهر امحق من مره هههاي يسعدج ربي يالغاليه ولاهنتي والله تقبلي تحياتي اخوج دوم نواف2004 |
هههههههههههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه اخ بطني والله موتني من الضحك صدق رحمت هالرجل المسكين واحلى شيء كنافه مهيب مضبوطه كنافه كافره بتروح النار ههههههههههههههههههههه نواف 2004 يعطيك العافيه على هاليوميات |
هلا وغلا ملوكه
نورتي موضوعي يالغاليه واهم شي انها اعجابتكم هذا الاهم ةيسعدج ربي يالغاليه تقبلي تحياتي اخوج دوم نواف2004 |
:d::d: :d::d::d: :d::d: :d::d::d: يسعدك ربي وربي وربي وربي ضحكتني... ربي يسعد ايامك... |
| الساعة الآن 19 : 09 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]