×جاي تسأل عن مكانك ...!!×
::
تغيَّر شي .. لكن .. صار فاضي هالمكـان يعني إنتَ شفت قلبي طحت مِنْ عيني وعينـه كان لك قلبي مدينه ولاحظ إني قلت : ((كان)) يعني إنتَ الحين واحد ((خارج حـدود المدينه)) ليه مستغرب كلامي وليـه أعطيـك الأمـان وليه تَكْذِب في كلامك العـذر وينـك ووينـه ما ألومك كان قلبـك ثـارت أمواجـه وخـان الخطــا منَّي لأني صرت فـي بحـرك سفينـه والسؤال اللَّي كتمته وما نِطَـق فيـه اللسـان كيف إيدك إطعنتني وآنا أحْسِبْهَـا أمينـه ..؟ جرحي ما يرضيه قلبك لو يجـي كلِّـه حنـان لو تبــوس الجرح فيني ولـو تقبلهـا إيدينـه يُوم أحبك قلت كلمه : ( يكرَم المرء أو يُهان ) وإنتَ قلبي ما كرمته وما قدرت إنِّـك تهينـه ( عزِّتـي ).. ما هي جديده آنا شامخ من زمان إغسل إيدك من رجوعي وروح يا إبن اللذينه طاب خاطر قلبي منِّك وهذي الفرقـى رهـان وحتَّى لو قلبي يحبـك ربِّـي بفراقـك يعينـه تدري لما قلت أحبك قلت وما عنـدي ضمـان وإختياري كان خاطىء تجربه بالحيـل شينـه كنت تخطي وكنت أسامح مرَّه مرتين وثمـان أدمح الزله عشانك وأكتـم أنفـاس الغبينـه كنت أحبك وكنت أعزك والغلا فينـي جبـان اخاف تزعل لو ألومك ضعت ما بينـك وبينـه في عيون الناس عادي بس في عيني جنـان وكان قلبي من يشوفك تفضحه نظـرة حنينـه ماني أوَّل من يحب ومنتَ آخر شخص خـان المحبه في زمانك بحـــرها من غيـر مينـه الفشل .. كان النتيجه وأعتقـد آن الأوان أبني مستقبل حياتي وأنسى قصتنـا الحزينـه وخطوتي الأولى غيابك وراح أطبقها عشـان يبكي قلبك لا فقدني والندم .. يملـي سنينـه جاي تسأل عن مكانك !! هو بقى فيني مكان ؟؟ الله يرحمها المشاعر اللي كانت لـك رهينـه قلت لك قلبي ( مدينـه )فيها لك حشمه وشان لكن إنتَ الحين أغرب شخص في هذي المدينه :: |
رد: ×جاي تسأل عن مكانك ...!!×
اختيار اكثر من رااائع
سلمت يداك عذبة كعذوبة حضورك سجلي اعجابي وتقبلي تحياتي لاحرمنا تميزك |
رد: ×جاي تسأل عن مكانك ...!!×
قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه لووو لم يكن هنا الا هذا البيت لكفا ان تكون لها معنا وقيمه مشكوره يالغاليه على نقلك الرائع |
رد: ×جاي تسأل عن مكانك ...!!×
اقتباس:
اشكرك أخي الكريم هذا الإطراء الجمييل .. اسعدني وجوود ردك اخي .. لك جزييل الشكر على المروور .. والتعلييق الراقي .. سلمت اناملك .. خيتك حوور .. |
رد: ×جاي تسأل عن مكانك ...!!×
اقتباس:
اشكرك على هذا التعلييق الراقي .. لك جزيل الشكر على المروور والرد اخي .. خيتك حوور .. |
رد: ×جاي تسأل عن مكانك ...!!×
القصيده أعجبتني فأحببت نقلها لتشاركوني ..
فقط .. اتمنى أن تعجبكم .. خيتكم حووور .. |
رد: ×جاي تسأل عن مكانك ...!!×
حور /
يسعدك ربي |
رد: ×جاي تسأل عن مكانك ...!!×
اقتباس:
عازف .. يعطييك العافيه .. حووور .. |
رد: ×جاي تسأل عن مكانك ...!!×
.................
... اختيار موفق لكلمات جميلة ومعبرة شكراً لذوقك الرفيع كلك ذوق ... |
رد: ×جاي تسأل عن مكانك ...!!×
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه الله الله عليك حووور ذوق ولا ارع منه لهذه الأبيات الجميلة تسلم اناملك لنحظى بما تسطره من جمال الكلمة شكرا لك سيدتي حووووووور ,,,, |
الساعة الآن 57 : 12 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas