أبيات قد لا تكتمل..!
( 1 )
يا فيصل الحامد صباح المشاوير=اللي يحيط (إ)بها العنا ويغذاها! صباح يخلو من نشيد العصافير=صباح فيه الشمس يخجل ضياها!! صباح قلب ٍ غير ومواجع ٍ غير=صباح روح ٍ قحط تشكي ضماها!! صباح عيّا لا يجي بالتباشير=زوّد على روح المعنّـا عناها! مانيب بـّخير إن قلت لك إني بخير=لا شك ورّتني الليالي قساها!!! (2)
يا صاحبي لا يلحقك شك وتقول=إن الزمان الشين غيّر في حالي! أنا على خبرك على الود موصول=وطاريك في قلبي .. وذكرك في بالي! وخذها حقيقه من رفيقك على طول=ببقى معك وافي برغم إنشغالي!! (3)
يا ليتني لا من بغيتك لقيتك=ما كان هذا ياهوى البال حالي! أشتاق لك .. وآصل بشوقي لبيتك=وأرجع بدونك يا حبيبي .. لحالي!! تايه ولا لي غير ليتك يا ليتك=تحس باللي في غيابك جرالي!! (4)
صح الله لسان الوصل واللقيا وذكراها=وسم ّ الله ليال الصيف والفرقى وطاريها! وعينٍ من فراق اللي تحبه طوّل بكاها=عزاها دمعها لا صار ما به من يعزيها!! وقلبٍ موّل الونّه من أعماقه وسـرّاها=ماهيب اللي على شفـّه ولاهيب اللي يبغيها! ولكنّ الزمن والوقت والدنيا وبلواها=تحدّ قلوب عشـّاق الهوى للي يعنيـها!! (5)
لو إن لي غيره من الناس محبوب=ما راح ليلي في الرجا والتمنّي! ليته خذاني معْه أو ليته يتوب=عن الغياب اللي سطا وإمتحنّي!! ولا قمت أداري وابل الدمع بإسلوب=خوف الحكي .. ولا خفوقي يونّي!! يا دوب أداري دمعة الشوق يا دوب=كنّي .. عجزت أعرف وشلون كني؟!! |
أبيــات أكثر من رووعــه
داائمــا تتحفنــا برواائعكـ الشعريــه مبدعــ كما عهدنــااكـ سلمــت يدااكـ وصــح لســاانــكـ يامحمد تحيـاتـي |
رائع كما عهدناك
.. مبدع كما عرفناك .. صح لسانك وسلمت يمينك .. سجل اعجابي بقلمك الساحر .. تقديري واحترامي |
............
... الله الله الله الله الله قال قد لا تكتمل قال ! لاوالله اكتملت ووفيت ووكفيت وانااشهد انك مبدع ياسبيعي وعسى اللي اعطاك بالبتاع يعطينا بالبتيّعه :( أبيات أروت ظمأي في موسم الجفاف :( صح لسانك والله ياسبيعي .... |
اقتباس:
وبدونكم لا يصبح لما اكتب اي اهميّه صح بدنك ولا هنت تحياااااتي |
صمت x صمت
تقديرا للابداع صــــــــح لسانك وتسلم يمناااااااك . . . |
الغااااالي محمد
صح لسانك وسلم بنانك ابياتك التي لم تكتمل افضل بكثير من قصائدي المكتمله دمت ودااااام ابداعك سجل اعجابي وتقبل تحيااااتي لك حبي |
أميرة الجوري ،،
سررت كثيراً بـ مرورك شكراً جزيلاً تحياااااتي |
روعة حروفك الذهبيه التي نبعت من أعماق قلبك
وخطها لنا قلمك بإحساسك الصادق كلمااااااااااااات روووووووووعه.. ابدااااااااع بمعنى الكلمه.. محمد السبيعي ربي يعطيك العافية ودائما ننتظر جديدك أحترامي لك |
كبيرنا الذي علمنا الشعر ، وافي
مرورك وإشادتك وسام شرف شاكر لك أستاذي تحيااااتي |
الساعة الآن 34 : 01 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas