المشاركة الأصلية كتبت بواسطة مياسم (المشاركة 828365)

السؤال هو :

لو صادفك إنسان أعمى ابتلاه الله سبحانه وتعالى بفقدان نعمة البصر وأراد منك أن تكون أنت عيونه التي يرى فيها هذه الحياة
كيف ستصفها له وصفاً تجعله يعيشها كما تراها؟

المشاركة الأصلية كتبت بواسطة الحجاج (المشاركة 828390)

ههههههههههههههههههههههه
السلام عليكم ورحمة الله وبركاته

لا تسألوني ليش باضحك حاقول
انا لما قريت عنوان الموضوع عجبني مرررررررة وخشيت وبعد ما قريت الموضوع نفسه عجبني اكتر
بس لما قريت رد اخويا واستاذي ابو خالد ضحكت
لا تزعل مني ارجوك بس ليش سديتها في وجه البنت مسكينة والله سؤال حلو... طيب كان استنيت شوية ورديت تالت رابع واحد خليها تستفتح
بأمزح معاك والله لا تروح تشيلني من المنتدى وتعمل حكم القوي ع الضعيف
لوووووووووووووول
طيب نخش في الموضوع

انا باقول يا ستي لو قالبني واحد كدا اش حاقوله

اول شي حاخده مكان حلو جو بارد ونسيم عليل واصوات هادئة بعيد عن الازعاج والمضاربات والروائح الكريهة
وحاجلس انا وهو وافضل اوصف له الدنيا زي كأنها جنة واوصف له الغابات والازهار والطبيعة حيكون حاسها
وحاوصف له الحضارة والتطور والهندسة المعمارية في كل شي من كباري وشوارع وحدايق لبرج خليفة وناطحات السحاب
طبعا كمان لو كان رجال دا الي بيسألني حاوصف له البنات كمان وكيف ابدع الخالق خلقهم

بعد كدا حاخده معايا ونروح لاعفن مكان وابدأ اوصف له كل شي بايخ في الدنيا دي وقبيح واوصفه بأسوأ الاوصاف واقبحها مناظر يتمنى الانسان انه ما تولد عشان يشوفها

ودا احسن شي ابدأ بالحلو وبعدين الوحش

بعد كدا اخده ونروح نزور ونسلم على الاموات واحاول ادخل معاه القبر واقوله بعد رحلتنا سوا اتمنى انك عرفت انو مافي شي فاتك من الدنيا وزي مافي اشياء الواحد يحب يشوفها في اشياء الواحد يحب ما يشوفها وانت ما شفت دا ولا دا لكن كلنا في النهاية مكاننا هنا . هو دا الشي الي ما حيفوت على احد مننا
فسيب الدنيا واصبرعلى بلاء يمكن يكون سبب دخولك الجنة وتكون نعمة ما شكرها غيرك تكون سبب دخوله النار

سوري طولت عليكم ، حتى الرجال شكله حيقولي طفشتني يا شيخ هات من الاخر وقولي تبغى توصل لايش !!!!
غلطان اني سألتك خليتني احس بنعمة البصر لو كنت اشوف ما كان جيت ناحيتك
لوووووووووووووووووووووول

حبايبي والله مرررة موضوع حلو واعزوروني ع الخروج عن الموضوع

اتمنى اجابتي وصلت

الحجاج

المشاركة الأصلية كتبت بواسطة الراقيــة (المشاركة 828437)

بصراحه وقبل ما اقرا رد الحجاج كنت بعلق على رد ابو خالد خخخخخخخخخخ

مين قال لك مش ممكن يصير الانسان عيون للآخرين


هو ممكن يكون جزء من عيون الآخرين مثلا لما يجي واحد يشرحلك تفاصلي حادثه انت ماحضرتها مو أحيانا تحس ان اللي يشرحلك عيشك في أجواء الحادثه بالرغم انك ماشفتها؟