منتديات الوئام - علّمي صمتي الكلام / وعلّمي خوفي السكوت :~ خيوط العنكبوت

بإعتقادي هنـآ يختلط جمال الشعر مع غموضه

اقتبســـت (( بعض )) من قصيده
( خيوط العنكبوت )

.
.
.

علميني ..
كيف احب !!!
كيف في عيونك أموت ؟!!
اسكني نبضي مدينه
ورعشة عروقي بيوت !!
إزرعي فجري أمل
وانبتي في صدري صوت
علمي صمتي الكلام
وعلمي خوفي السكوت
علقيني ..
حتى لو ثورة شعورك
من خيوط العنكبوت !!!

**************

علميني كيف أسافر
واهجر احضان الخمول !!
كيف أوقض صمت شوقي
وفي عروقي ؟!!
أمطر احلامي ذهول
كيف ينبت في ودادي
من عيونك ورد كادي ؟!!!
آهـ ..
لوشفتي عيوني .. !!
كيف غطاها الذبول !!!
كل شي من عمري سافر
حتى لون الورد هاجر ..
صرت انا إنسان آخر
ضعت بإنصاف الحلول
علمـي صمتي الكلام
وعلمي خوفي السكوت
علقيني ..
حتى لو ثورة شعورك
من خيوط العنكبوت !!!

**********
وقضيني ..
صوّتي لذيك الملامح ..
في مسافاتي وحنيني
من سكوتي ..!!
في وهج حلمي إجمعيني
لملميني من شتاتي
من خرايط ذكرياتي
حاولي تلغين ذاتي
حاولي .. لاتسأليني
إكسري الخوف إدخليني
وبجروحي زلزليني
أفتحي دولة شعوري
واسكنيني ..
واحكميني ..
علمـي صمتي الكلام
وعلمي خوفي السكوت
علقيني ..
حتى لو ثورة شعورك
من خيوط العنكبوت !!!

:: ::
:: ::

بإختصار ..
كل تفاهات النهار ..
كل مساحات اللي صار ...
أوجعتني ..
ضيعتني ..
رجعتني ..
حانيٍ ٍ راسي ..
ذليلٍ ..
بإنكسار ..!!
آهـ ..
يارجفة قهر ..
آهـ ..
ياسيفٍ ..
طعني في الظهر ..
آهـ ..
يالحظة غباء ..
تكسر الحيله ..
وتعلنها حصار ..
كل عروقي ..
حتى إحساسي ..
وشوقي ..
من كثر ماتختنق فيها حقوقي ..
فاجأتني ..
بإنتحار ..
بإختصار ..
اشتعل قلبي لهب ..
وصارت ضلوعي ..
وجار ..!!

......................

آهـ ..
يانفسي الحزينه ..
تركضين ..
تبحث جروحك ..
عن بيوت السكينه ..
ماسكت فيك اللهب ..
أوهدى ..
صوت التعب ..
ياحزينه ...
كل جنون الوقت ..
ظالم ..
هدّم أسوار المدينه ..
آهـ ..
ياثورة بحر ..
ماسكت ريح الغضب ..
أغرق أحلام السفينه ..
كل شواطي الحب ..
ضاعت ..
ماتت انفاس الكلام ..
مابقى غير الظلام ..
وروح ..
في الظلما رهينه ..
ياحزينه ..
علميني ..
كيف اعيد الشمس ..
وبيوت السكينه ..
بإختصار ..
اشتعل قلبي لهب ..
وصارت ضلوعي ..
وجار ..!!
.......................

انتهيت ..
هذي هي الخطوه الأخيره ..
إنتهيت ..
رحلتي كانت خطاء ..
كل يوم ..
اهزم حزن ..
كل يوم أفتح مُدن ..
ماقدرت ..
ابني لي بيت ..
آهـ ..
ياكذب المسافه ..
آهـ ..
ياكذب الأمل ..
طالت الأوجاع فيني ..
مارفضت ..
وماشكيت ..
حتى يوم اني اثور ..
من خطاء السيف ..
الجسور ..
ماضعفت .. ولابكيت ..
وش بقى في صبري ..
حتى ..
انتخي به للزمان ..
وش بقى في صدري ..
حتى .
ازرعه حب وحنان ..
وش بقى في عمري ..
حتى ..
يلبس ثياب الأمان ..
كل شي في نبضي كان ..
اختلف طعمه وخان ..
آهـ ..
ومن هاالآهـ ..
آهـ ..
فجرتني وانتهيت ..
بإختصار ..
اشتعل قلبي لهب ..
وصارت ضلوعي ..
وجار ..!!

"

خيوط العنكبوت
للشآعر :: محمد الفيفي