جانـي يسولـف يشكـي الـهـم زعــلان = يـشـكـي الـزمــان وعـلـتـه والغـرابـيـل
يشكي القدر يشكي البشر قال يا فلان = حـظــي وحـظــك عـثــروه الـعـواذيــل
قلـت القـدر مــال البـشـر فـيـه مـيـزان = هـي حكـمـة الــرب علـهـا للتساهـيـل
مير اطلبـي امـن الولـي عالـي الشـان = يجـمـع اقـلــوب بالمـحـبـه لـهــا مـيــل
عاهـدتـك الله بـالـوفـا طـــول الازمـــان = منـسـاك يــا راع الـرمــوش المظـالـيـل
منسـاك ياليـن النعـش فــوق الامـتـان = وتـعـيـش وحـــدك بـالـيــال المـقـابـيـل
وهلـت عيونـه دمعتـن فــوق الاوجــان = ومسحـت دمـعـة صاحـبـي بالمنـاديـل
وضميـت خلـي لحظـه بييـن الاحـضـان = ودنـق وقـال اهـواك يــا فــلان بالحـيـل
ومسكـت يمنـا صاحبـي قـال يـافــلان = نسـيـتـنـي كــــل الـعـنــا والـبـهـاذيــل
واقفـا وهـو يضحـك عقـب كـان زعــلان = يـشـكـي الـزمــان وعـلـتـه والغـرابـيـل

تبغى الصراحة .. ؟ كان تبغى الصراحة = انت الوحيـد اللـي لـه الـروح ترتـاح
لـو ان قلبـي مالـقـى فـيـك راحــة = ولو ان قلبي منـك مـن جـرح لجـراح
وبرغـم ذا .. الخاطـر يزيـد انشراحـه = واحزانـي بقربـك تـحـول لـلافـراح
وان غبـت تشغـر فـي حياتـي مساحـة = مساحـةٍ سكانـهـا جـنـون و اشـبـاح
امـسـي بدنـيـا كلـبـوهـا مـنـاحـة = واسري بهـا فـي عالـم الحـزن سـواح
ليـلٍ بوجـه اليـأس يـدفـن صبـاحـه = ويكتب على باب الامـل ( دون مفتـاح )
واصبحـت فـي سجنـه مقلـد وشاحـه = وعزي لمـن بالحـزن قلـد لـه وشـاح
وعـزي لـمـن لايمـلـك الا صيـاحـه = صمته قضى .. والبوح .. والباقي صيـاح
علـى الـذي جانـي بكـامـل سـلاحـه = وانا الـذي مااملـك سـوى حبـه سـلاح
ابيـض سلاحـه قلـب كـلـه سمـاحـه = وسلاحـه الاســود مظالـيـل ذبــاح
مااقـوى المواجـه دون وطـأة رمـاحـه = واحلـى هزايـم نزفهـا داخلـي فــاح
ياطـيـب والله غـزوتـه واجتـيـاحـه = وفيه اتشـرف لـو بعـد روحـي اجتـاح
ميـر البـلا انـه مـادرى عـن سفاحـه = وياعـل ماغيـري هنـي فيـك سـفـاح
تبغى الصراحة..؟! مووت احبـك صراحـه = وابغى الصراحة .. هل بعد موتي ارتـاح ؟

والله إني قبل اعرفك كنت مثل الغـاوي = لو يشوف الدرب قدمه جنبه مـا دلـه
صابني سهم الغرام ولا لقيـت مـداوي = وعلة العاشق حشا علات ما هي علـه
قلت ابا اكتب فيك بيت وكنت ناوي ناوي = ناوي إنه ما يزيد البيت واصبـح فلـه
انت ملهم للشعر والشعر يمك ضـاوي = تفتخر فيـك القصايـد دقهـا والجلـه
يا حلاة الشعر فيك الشعر لك عنقـاوي = كيف ما يحلى الشعر وانته حلاه وحلـه
قمت اكتّبْ فالقصيد وصرت كني راوي = يا شعوري خبرينـي يـا عسـى لعلـه
يا عسى يصله قصيدي لو شعري هاوي = يا لعله ينتبـه لـي يـا قصيـدي قلـه
قله إني من فراقه صـرت ذاوي ذاوي = ليه ما يعطف علي اشلون ما ني خلـه
كنت افكر فالهوى والعشق والهـواوي = وكنت اكذب كل عاشق دمعتـه تنزلـه
لين شفت ادموع عيني كالخرز مـداوي = كل ما امسح دمعه الأخرى تجي منهلّـه
السماء زرقاء وليلـي بـارد وشتّـاوي = آه ما اطول ليلة العاشق وما اكثر غلـه
رحت اردد قلت احبك آآه احبك قـاوي = لو بها لهجة مصر والحب ما به خلـه
قلت احبك حب زايد حب ويش يسـاوي = قالت ايساوي بقامـوس المحبـه شلـه
قلت ليه اشلـون بالله فهـم العمـاوي = فهميني يا حياتي وادمحـي لـي زلـه
قالت اسمع كل منهو حب قلبـه كـاوي = إن كواه الحب وإلا جاه من يفطـن لـه
وكل منهو حب حبه في عيونه حـاوي = ينظر لغيره يقول الحـب عنـدي كلـه
قلت يا قلبي ويا عمري تراني شـاوي = محترق من شمس حبك قمت ادور ظله
انتي الأولى وغيـرك والله إنـه ثـاوي = يا الغلا اللي تـل قلبـي تلتيـن وتلـه
يا عيوني يا حياتـي حبنـا الشرقـاوي = قام يرسل بالغرام ويـا غـرام ارسلـه
ليه ما تعطف علي وترحـم الشقـاوي = وانت تدري حبنا وصل القمـر واحتلـه
كان عذرك عمك وخالك ومن لك يـاوي = وابعدوني عنك سيفي بأظهـره واسلـه
لا تحسب إني ضعيف ولا اقدر الهقاوي = ما عرفتيني اليا منـي وطيـت الملـه
انقلب من ذيب اسد واعرفي سبعـاوي = والأسد دايم ملك والشعوب ارضـاً لـه
ما علي من القرايـب بجيـك افـداوي = دربي اللي قد رسمته عارفه واوصلـه
انت حبي وانت روحي وارحم الغلباوي = عارف الحاله وعارف وش بقى بالحلـه