|
انقلااااااااااااب نعم انقلاب واي انقلاب على منتدى ملتقى الشبكات اللي لحم اكتافكم من خيرها اللي شجعتكم وحضنتكم ولمت جمعتكم اللي كانت محط للراحه لقلوبكم اللي تنبض واليوم بكل سهوله يحدث لها انقلاب من مين ؟ من اهلها!!! واللي وثق فيهم اخونا الكبير عبدالعزيز تبون الصراحه انا ما اعرف عبدالعزيز لكن اعرف الملتقى والدسائس التي تحاك ضدها وانتم كلكم مشتركين في الجريمه جريمة الانقلاب هذي انا ما اشترك معكم لو على رقبتي انا ما اخون اللي فتح لنا بابه وكتبنا فيه وقلنا كل اللي بخاطرنا ومشاعرنا جريمه انقلاب ابطالها الأعضاء بدءا بأكبرهم وانتهاءا بأصغرهم عيب عيب عيب عيب والله عليكم ياللي تسببتوا في خراب وحرق الملتقى اقول لها لكم عيب والله عيب عليكم وانتم يا اللي تكتبون وتشاركون فتحوا عقولكم زين ترضون بالظلم ترضون بالمهزله اللي تصير كيفكم اقول قولي هذا واستغفر الله ربي وربكم عن كل زله ولكن يبقى الظلم و00 |
اخي العزيز .........مقهور
كلامك غريب...واظنك جاد فيه اخي العزيز...انا وكثير من الاعضاء...لانستطيع الدخول للملتقي بعدين سامحك الله علي الوصف الذي وصفتنا فيه...النصيحه ماهي بالطريقه هذه...وانا لاعلم لي ان هناك خيانه واتمني .....يرد عليك وافي..... ويوضح الصوره........لان حسب الرساله الي من وافي ان الموقع مؤ قت....................... بعدين قول الدسايس الي تحاك ضد الملتقي اذا كنت صادق احسن الطن...........يامقهور |
اخي العزيز مقهور كلامك غريب مثل ما قل اخي sasa وهل التعبير عن قول الحق جريمه واللملتقى من المنتديات التي يقال فيها كلمة الحق ولو كان على حســــاب المنتديات وهذا الحجب المواقع سوف يطول الجميع والى متى يبقى الظلم حتى ؟ وشكراً |
الاخ مقهور والجميع بامكانكم الاطلاع على ردي على نفس الموضوع بالصداقة شكرا جزيلا |
وشذا الكلام
وشذا الكلام الي انت تقوله وضح
|
ياشباب وش السالفة هذا منتدى ملتقى الشبكات والى لا يعني هل هذا بديل اللمنتدى !!!!!!!
|
بسم الله الرحمن الرحيم
السلام عليكم ورحمة الله وبركاته اخواني الاعضاء الاعزاء لا اجد كلاما اقوله بعد ماذكره الاستاذ الكبير الوافي واشكر جميع من رد وشارك في الموضوع يظهر ان وجود منتدى بديل لملتقى الشبكات لم يعجب العديد من الاشخاص فبداو يكيلون التهم للجميع بلا اسثناء ارجو ان اوضح نقطه بسيطه حتى يظهر لماذا كل هذا الحقد على هذا المنتدى البديل ولماذا كل هذا التهجم على الاعضاء هنا والذين هم اساسااعضاء في منتدى الملتقى اخواني راى الجميع الاعلان الذي وضعها استاذنا عبدالعزيز عن بيع المنتدى وراى الجميع ماحدث للمنتدى من عطل خلال الفتره الماضيه والتي استمر قرابة الاسبوعين وعندما اراد الاخ الوافي ايجاد منتدى مؤقت حتى لا يتوقف الاعضاء عن الالتقاء ببعضهم اذا ماحدث مثل هذا اعطل في المستقبل اتهم من قبل الحاسدين بانه خائن وهذا انما يدل على حقد دفين اتجاه شخص اراد ان نفضل دائما مجتمعين في مكان واحد هذا ماحدث اثناء العطل اما بعد ذلك جاءت رغبة الاستاذ عبدالعزيز ببيع المنتدى نظرا لعدم تفرغه وانشغاله وظروفه الخاصه وليكن للمعلوميه لو حدث ولم يتوفر من يشتري المنتدى خلال فتره بسيطه فهذا يعني ببساطه شديده انتهاء واغلاق المنتدى وضياع جميع الاعضاء الذين فيه اعتقد ان مايجمعنا هو المحبه والاخوه نعم منتدى ملتقى الشبكات هو الذي جمعنا مع بعضنا البعض ولكن اذا ما اغلق هذا المنتدى فكيف لنا جميعا ان نلتقي مره اخرى اعتقد ان ماقام به الاخ الغالي الوافي ماهو الا تحية تقدير ومحبه لكم جميعا لانه اراد لنا ان نبقى مجتمعين في مكان واحد ونبقى يدا واحده لايفرقنا اي امر هذا ما اردت ان اوضحه للجميع وارجو ان اكون ق استعت ايضاح النقاط المبهمه للجميع تحياتي وتقديري لكم يا اغلى واعز الاحبه والاخوان |
وعجبي !!!!
تحيه للاخوان
الأخ الوافي الاخ عاشق مكه وعجبي اني لاتعجب من امر انه امر غريب ان يضع عبدالعزيز منتداه ومجهوده للبيع؟؟!!! عجبي اخواني: 0000000000 انني متاكد من أن الاخ عبدالعزيز كلف الوافي وانتم تعرفون ذلك جيدا أن يتولى مهام هذا المنتدى لحين عودته من الخارج حيث ان عبدالعزيز في الخارج لغرض الدراسه وولى الوافي مهمة الاشراف العام والاهتمام بالمنتدى لحين عودته من السفر و00 و000 و0000 وعجبي !!!! !!!!!!!!!!!!!!!!!1 همسه : أي منتدى بديل مهما كان مقامه لن يغنينا عن ملتقى الشبكات 00 أقول قولي هذا واستغفر الله العظيم والله بكم عليم |
بسم الله الرحمن الرحيم
السلام عليكم ورحمة الله وبركاته الاخ مقهور الاخ الوافي قالك واظن انك شفت الاعلان بنفسك رقم الاستاذ الكبير عبدالعزيز موجود بامكانك تتصل وتتاكد انه يبغى يبيعه ولما تتاكد من الشي هذا وبما انك تقول اي منتدى مايغني عن ملتقى الشبكات فانا اقترح عليك انك تشتريه علشان يفضل ملتقى الشبكات مفتوح على طوووووووول |
اقول اخ مقهور .. تبي ريال ..؟؟؟ ... ياخوي مو كأنك ازعجتنا واقلقت راحتنا ؟؟ الله يهديك بس .. وعلى بالك انت و وجهك تنصح وتوجه .. ما لقيت الا الاخ الوافي تتهمه بالخيانه ؟؟ والله وماقالت فيك وفي نصيحتك .. صحيح انسان ما تستحي .. لا بعد على بالك همك مصلحة منتدى الملتقى .. مسوي فيها اللي يغار على منتدى الاحبه .. انت لو تموت وتحيا مليون مره ما وصلت ولا وصل حبك للمنتدى للي وصل له في قلوب كثير من الاعضاء .. ولو تموت وتحيا سبعين مليون مره .. ما يوصل وفاك لذاك المنتدى ولا ارباع ارباع وفا الوافي .. بعدين انت جاي تعلمنا وين الحق فيه.. وين الصح فيه ؟؟ يعني انت الوحيد اللي مفتح في الجماعه هذي كلها .. انت الفهلوي والعبقري اللي مافيه احد قده .. يا شيخ روح هناك بلا دلاخه .. انا عارف ان الاخلاق تنمع الكثيرين من انهم يردون عليك بالمثل .. لكن يبدو ان اخلاقنا متساويه .. بعدين انا ودي اتهاوش لي مع واحد .. لعانه كذا .. اجل مجرمين و أتالين أتلا (قتالين قتلا).. هذي اخرة الافلام المصريه .. والا تدري .. شكلك راعي افلام هندي من الرخيص .. انقلااااااااااب .. انقلاااااااااااب .. ازعجت الناس بصياحك .. وجع يمصع قلب كل كافر .. وعلى ايش الصياح هذا ... من المنتدى اللي جنبكم وانا اسمعه .. جيت مسررررررررع .. قلت بس الولد حرر القدس ... اخرتها هههههههههههه ... صحيح شر البلية ما يضحك .. اجل الوافي خاين .. وانا خاين .. وكل اللي هنا خونه . ما فيه الا حضرة سعادتكم المبجله اللي من شافها قام يتحمد ربه .. بعدين الحين منتدى الملتقى ما تعرف عنوانه ؟؟؟ مو كل اللي هنا يعرفون عنوانه ؟؟ يعني على بالك انه لو حدث واستمر الملتقى (على حاله) بيتركونه عشان فيه منتدى ثاني .. بعدين يا ذكي .. ياللي ذبحتنا بعبقريتك .. او تدري .. يكفي .. انا اصلا ما ادري وش اللي حدني اكتب وارد عليك .. من انا عشان آصل لعبقريتك .. اعذرني اخوي الذكي .. اللي ما فيه احد قده .. تعدينا على ذكائك ... سلام. |
| الساعة الآن 09 : 08 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]