(( تدرين ولا أقول .. دوك المثايل ))
تهشّمت في حضن بُعدك خمايل=ماتت عطش من يوم غبتي وانا غبت وساحت على فيّ الضمير القوايل=وغصون قلبي طاح عن ظله النبت ماجبت لي قبل الوداع الرسايل=ولا قلت لي انك عن مواعدي تبت طيّب وش اعمل دام مابه دلايل=او غلطتي .. اني حليم ومعك طبت .؟ يقين كان شموخ والشك زايل=كنت اتأمل موقفك لو انا انصبت تدري بأني كنت أضّمك صمايل=واني بهجران المحبين .. أسهبت .؟ تدري بأني كنت اشوفك قبايل=والزين غيرك صار في عيني .. الجبت .؟ تدرين ولا أقول .. دوك المثايل=واجمل قصايد في عيونن له احببت انتي عمر كان الفرح فيه هايل=بس انتِ فرحة عمر مالي معه وقت انتي قمر نوره على الكل مايل=ذابوا وانا محدٍ يلومن اذا .. ذبت انتي ثغر حوى دقاق الخصايل=فيه النظر يبعد عن انفاسي الكبت انتي امل لاشك ما منه طايل=مثل السراب اللي ترى العين لاغبت انتي غديرٍ سلسبيلٍ وسايل=من كثر ماكنت انتظر اشربه شبت طابت جروحٍ قبل اعرفك هوايل=من بلسمك طابت جروحي وانا طبت ويوم استوى ساقٍ من العام مايل =ادخلتني في حرب خاسر وحاربت مامن ورى طرد المقفّي حصايل=ياما تعبت من المقفّين واتعبت ذكراك هي اللي بقت والجمايل=تبقى جمايل بين الأحباب لو غبت |
رد: (( تدرين ولا أقول .. دوك المثايل ))
اقتباس:
كلام سليم وشعور متدفق لا يجاريه شعور هكذا تكتب الخواطر وتنثر الشجون سلمت وسلم بوحك الصادق وتفبل مروري د ساري الرياض |
رد: (( تدرين ولا أقول .. دوك المثايل ))
اقتباس:
وقصيده رائعه شاعر يابا يوسف ومتمكن . انا فخور بحضورك وفخور بشعر مثل هذا الشعر. نعم هكذا السبك والحبك . شعرك يطربني وهنا اسمع شعر سلم لي شاعرالشعور . ابو يوسف انت مبدع وراااائع . صح الله لسانك . ودمت كما انت متألق .. لك مني صادق الوود |
رد: (( تدرين ولا أقول .. دوك المثايل ))
شاعرنا عبدالله العتيبي لااعرف ماذا اقوول وتعجز الكلمات على ان توفيكم حقكم ولكن اقوول انه ليس لابداعكم حدوود نتوقف عنه اشكرك من كل اعماقي على هذه القصيده تقبل خالص ودي.. |
رد: (( تدرين ولا أقول .. دوك المثايل ))
لله درََك ياعتيبي اشهد بالله انك راعي جزله لاهنت لاجديد فالابداع حليفك اينما وجد قلمك .. قوة سبك وقوة حبك يجيدها من برع في العزف على اوتار الابداع مجال جمالها يطووول ، ومقام مقالنا قصير تحيرنا بالاقتباس، وتلجمنا الروعة في جمع بقايا الحروف لنشيد بتلك السبائك .. فشعرك يمتعنا ،وبوصفه يخجلنا صح لساانك مدد بلا عدد ،،وسلمت وسلمت اناملك دمت بكل خير وسعادة |
رد: (( تدرين ولا أقول .. دوك المثايل ))
اقتباس:
القدير // .. د ساري الرياض صح بدنك لوجودك يتمتم المساء بلحن النقاء انت رائع ياساري سَر الله فؤادك بكل عزيز وغالي كن بخير فاضلي شكراً بحجم السماء |
رد: (( تدرين ولا أقول .. دوك المثايل ))
اقتباس:
الرائع // .. خلف الجابري المساء عندما يصافح قلباً كقلبك فهو المحظوظ ياصديقي كذلك الصباح ..؟ أعشوشب متصفحي كـ العادة .. شكرا لانك كنت هنا غابات من ورد لقلبك الجميل |
رد: (( تدرين ولا أقول .. دوك المثايل ))
اقتباس:
ياهلابكِ اختنا الرائعة جداً الخلوقه // .. دمعة رجا تواجدكِ يشبه للبدر ليلة تمامه كوني في الجوار دائماً فاضلتي حتى يطيب لنا الشعر سحايب تُمطر روحكِ |
رد: (( تدرين ولا أقول .. دوك المثايل ))
اقتباس:
الوارفه // ... شموع الغربية امطرتينا من سَماؤكِ نجوماً تتلألأ ولم تزل مضيئة بيننا وبين الظلمة تنيرُ لنا الحروف ونهُركِ الدفاق ينسكب في دياجير المعاني ويروي عطش القوافي لمذاقهِ العذب الرقراق .. الفاضلة شموع غابات من جوري لقلبكِ الطاهر |
رد: (( تدرين ولا أقول .. دوك المثايل ))
..............
... ياعبدالله . اقسم بالله انك كتبتني من خلال هذه القصيدة ! ياخي احيان اشك ان انت انا وانا ماادري :( لاتشره علي . تخبر حالتي " العقل يروح ويجي " لكن اذا جاء وتأملت هالابداع قلت بعيد علي وتأكدت انه عبدالله ههههه ابدعت ثم ابدعت ثم ابدعت واقسم بالله انك مبدع ياعبدالله قصيدة رائعة ومعبرة بأسلوب سهل ممتنع لامس المشاعر وداعب الأحاسيس الف شكر لهذا الابداع عبدالله كلك ذوق ... |
الساعة الآن 24 : 07 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas