واحة احزاني
الحزن واحة خافقي فـي سماهـا=طير(ن) يحوم ولا لقى حولهـا فـي واحة: جفاف العمر حزن ارتواها=وكسّر غصونه والثمر صار مذوي مابه ملامح للحياة وصفاها=إلا غراب(ن) ينعق اصوات تدوي وريح(ن) تصرصر بعضها من عتاها=غي المدامع غي والعاتية غي اطوى ظمى الايام واطلق رشاها=وترجع وفاض(ن) مابها قطرة المي واليأس ماخلا شبر ماوطاها=حتى براعمها طواه العطش طي كل ما أغمّض في عيوني اراها=احلى طيوف(ن) كنت من اجلها حي اسنين مرّت واحتسينا حلاها=والمر هذا اللي بقى والشقاء لي راحت وخلتني اسير بهواها=عهدي بها يوم الفجر كان له ضي ويوم القمر له بسمة(ن) وش حلاها=ويوم اليالي مالها شكل(ن) وزي اصارع احلام(ن) مضت لي معاها=واجاذب الحسرات وانوح وابكي اكبر ذنوبي في عذابي غلاها=واصغر ذنوبي في عذابي بعد هي من قسوة الدنيا وجاير قضاها=مكتوب لي حمل العناء لو اقول أي هذي هي الدنيا اذا اعطت قفاهـا=تخليك في خانة خلا مابها شي |
رد: واحة احزاني
................
... واحة الحزن ايوالله ان للحزن واحة ومرافيء يابو يوسف الله يبعد عنا وعنك واحاته ومرافئه كلمات جميلة ومعبرة سلمت يداك كلك ذوق ... |
رد: واحة احزاني
الغالي ابو يوسف
صح لساااااانك وعلا شااااانك ابداااااع وتميز وقافية ولا اروع سأمكث كثيرا هنا استاذي فمن مثل ينابيعك نرتوي دمت ودام ابداااااعك لك مني صادق التحايا |
رد: واحة احزاني
ابويوسف بيض الله وجهك قصيده رائعه
جزاله قوة معنى قافيه جميله استطاع الشاعر التحكم بها بكل اصاله الشعر واعذبه بحق شاعر كتب قصيده اكتمل فيها كل صفاتها صح السانك مليون ولايكفون ونتضر جديدك بشوق |
رد: واحة احزاني
الله الله عليك ابو يوسف
أكبرذنوبي في عذابي غلاها .............. واصغر ذنوبي في عذابي بعد هي جميع الأبيات على هذا المنوال روعة في روعة تسلم شاعرنا .. لكن اذا القصيدة قديمة مافيه مشكلة :earmuffs: واذا هي جديدة ترى ابعلّم عليك بعض الناس :sad2: صح لسانك وتسلم يمينك ... |
رد: واحة احزاني
اممممممم ابو يوسف تسمحلنا نجرب بعد :cool3: ان كانت جديده تراها تغري اكثر :lipsrsealامزح ماشاء الله تبارك الله ،،الله يزيدك عوده للابداع والشاعريه الجزله قصيده رائعه بكل مافيها جزله من جزالة صاحبها اكبر ذنوبـي فـي عذابـي غلاهـا********واصغر ذنوبي في عذابي بعد هـي من قسوة الدنيـا وجايـر قضاهـا********مكتوب لي حمل العناء لو اقـول أي هذي هي الدنيا اذا اعطـت قفاهـا********تخليك في خانة خـلا مابهـا شـي الله الله على الابداع والشاعريه مبدع ولاغرابه في ذلك ،، رهيب الطباق الموجود في البيت الاول الموجود هنا،بيت حوى معنى جميل اختلف حجم الذنب واتفقا في المذنب ، رائعه الخاتمه واقدر اقول انها ختمت بقول شبيه بالحكمه، فيها ابيات كثيره البيت الواحد بوزن قصيده، امتعتنا بهذه الرائعه،،لاهنت استاذي صح لسااانك مدد بلا عدد ورفع الله قدرك واعتلا شانك دمت مبدعا كما عهدناك،،ودمت بسعاده دائمه |
رد: واحة احزاني
قصيدة رائعه
وكل بيت لحاله قصيده صح لسانك ملايين خيو |
رد: واحة احزاني
اقتباس:
الوارف الجميل وافي مرورك عز يابعدي دائما خلك بالقرب دمت بخير |
رد: واحة احزاني
اقتباس:
عذب الحلايا والسجايا القلب الطيب الحنون الشامخ حسن المحمدي كلماتك وسام شرف على صدري الله لا يحرمني من شوفتك يابعدي دمت بعز ومعّزه اخوك |
رد: واحة احزاني
اقتباس:
اخوي الغالي وشاعرنا النحرير الكبير ابو رائد شرف الله قدرك كلماتك بحقي وسام على صدري بيض الله وجهك ويهمني شوفت اسمك دائما دمت بكل خير |
الساعة الآن 52 : 04 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas