منتديات الوئام

منتديات الوئام (http://www.alweam.net/vb/index.php)
-    بوحْ الشعِر والنثر .. (http://www.alweam.net/vb/forumdisplay.php?f=3)
-   -   يانوره بالله اسمعي لاتصدين (http://www.alweam.net/vb/showthread.php?t=94627)

الجوهرة بندر 17 / 01 / 2019 08 : 03 AM

يانوره بالله اسمعي لاتصدين
 
قصيدة المعلمه سارة يوم شافت حبيبها جاي يسجل بنته :

يانوره بالله اسمعي لاتصدين
يابنت حرن مركزه بالصداره

شي جرالي قسم القلب قسمين
وابلا ملامه افهمي للعبارة

باول دوام المدرسه يوم الأثنين
معلمه في وجه باب الأداره

وقفت باللجنه على سادس اثنين
مثل المجند ينتظر للأشاره

هاذي تنادي وهاذي ابله انا وين
زحمه وتو اليوم بأول نهاره

اصوت لثنتين وبيدي ثنتين
نوره مضاوي عايشه مي ياره

وسمعت صوتن رجع القلب لسنين
صوت الذي اسمه بنقش السواره

اختي عن اذنش ناقل البنت هالحين
تفضلي الأوراق والأستماره

عجزت لا اجاوب ولا ارمش العين
طول سكوتي وهو طال انتظاره

حسيت ان الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه يامسلمين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

اتلا علاقتنا ثلاثه وتسعين
باول حلاة العمر قبل انكساره

الشاهد الله ماحصل بيننا شين
ولا يخدش احساس بنت وعذاره

نعم الحبيب اللين الطيب الزين
ونعم الرفيق اللي حفظ حق جاره

ياوجه ابوي الوجه مرحب وسهلين
لا يابعد روح ومعاليق ساره

ودي المه وودي اصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودن تشتهر بالشطاره

ياللأسف هالحين صرنا غريبين
حكم القدر واصدر علينا قراره

الهم والغربال والفقد والبين
وانا اسيره تنتظر للزياره

ويلي على لاماك ويلاه ياحسين
يامن يجمعنا واسوق البشاره

ساره وسكت له لحظه كنها سنين
واقفا واشوفه يوم شب الزقاره

الجوهرة بندر 17 / 01 / 2019 11 : 03 AM

رد: يانوره بالله اسمعي لاتصدين
 
رد حسين على قصيده معشوقته القديمه ساره

يامرحبا ياغايتي ياهلاوين
يابنت عودن فيه طيب ونعاره

لا يابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ماكان شفتي الشيب زاد بوقاره

لا مانسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره

wafei 17 / 01 / 2019 18 : 03 AM

رد: يانوره بالله اسمعي لاتصدين
 
.............


...


يااالطيف

والله انه موقف محرج ومؤثر
ولا يلامون الاثنين على القصيديين
الجميلتين والمعبرتين والمؤثرتين



احسنتي الاختيار


شكراً لذوثك الرفيع


كلك ذوق


...

رآنيا 17 / 01 / 2019 08 : 08 AM

رد: يانوره بالله اسمعي لاتصدين
 
ياربيييه عورولي قلبي :f29:

ربي يعطيك العافية حبيبتي ع الاختيار الجميل

لا تحرمينا من جديدك

~

فتى الجميزه 17 / 01 / 2019 53 : 09 AM

رد: يانوره بالله اسمعي لاتصدين
 
قصيدتين جميلتين ومعبرتين من الأثنين

الأستاذه المتميزة الجوهرة شكراً جزيلاً لك على طيب ذوووقك

وروعة وجمال ألأختيار وسلم روحك وسلمت يدينك يامبدعة


والله يعطيك الصحة والعافية ودمتي في خير وسعادة

أبو خـ البجادي ـالد 19 / 01 / 2019 46 : 09 AM

رد: يانوره بالله اسمعي لاتصدين
 
الله الله بصراحة عشت مع الموقف وكأنني اتصوره امامي


قصيدتين تترجم اشياء عاشها الإثنين في زمن معيّن


تسلمي يالجوهرة


لن نعفيك يا جوهرتنا اتحفينا بمثل هذه المواقف الحلوة


شكرا استاذتي

الجوهرة بندر 20 / 01 / 2019 06 : 06 PM

رد: يانوره بالله اسمعي لاتصدين
 
اقتباس:

المشاركة الأصلية كتبت بواسطة wafei (المشاركة 974090)
.............


...


يااالطيف

والله انه موقف محرج ومؤثر
ولا يلامون الاثنين على القصيديين
الجميلتين والمعبرتين والمؤثرتين



احسنتي الاختيار


شكراً لذوثك الرفيع


كلك ذوق


...


وافي

سررت بتواجدك واسقاط احرفك الجميلة هنا
عطرت هذه الصفحة بعبق زهورك
كل الشكر لك على مرورك
دمت بسعاده :0d30424e61f1:

الجوهرة بندر 20 / 01 / 2019 08 : 06 PM

رد: يانوره بالله اسمعي لاتصدين
 
اقتباس:

المشاركة الأصلية كتبت بواسطة رآنيا (المشاركة 974095)
ياربيييه عورولي قلبي :f29:
ربي يعطيك العافية حبيبتي ع الاختيار الجميل
لا تحرمينا من جديدك
~


رانيا

ما أروع حضورك في متصفحي
بريق لا يطفئه أحــــــد
تواجدك واطرائك الجميل
يسعدني كثيراً
دمتِ بسعاده ياجميله
:e32d:

الجوهرة بندر 20 / 01 / 2019 20 : 06 PM

رد: يانوره بالله اسمعي لاتصدين
 
اقتباس:

المشاركة الأصلية كتبت بواسطة فتى الجميزه (المشاركة 974102)
قصيدتين جميلتين ومعبرتين من الأثنين
الأستاذه المتميزة الجوهرة شكراً جزيلاً لك على طيب ذوووقك
وروعة وجمال ألأختيار وسلم روحك وسلمت يدينك يامبدعة
والله يعطيك الصحة والعافية ودمتي في خير وسعادة


فتى الجميزه

اهلا بك وبحرفك الرائع
سعدت كثيراً لانها نالت اعجابك
لاحرمنا من هذا الحضور الجميل
دمت بسعاده :0d30424e61f1:

الجوهرة بندر 20 / 01 / 2019 27 : 06 PM

رد: يانوره بالله اسمعي لاتصدين
 
اقتباس:

المشاركة الأصلية كتبت بواسطة أبو خـ البجادي ـالد (المشاركة 974137)
الله الله بصراحة عشت مع الموقف وكأنني اتصوره امامي


قصيدتين تترجم اشياء عاشها الإثنين في زمن معيّن


تسلمي يالجوهرة


لن نعفيك يا جوهرتنا اتحفينا بمثل هذه المواقف الحلوة


شكرا استاذتي

اهلا ابو خالد
شرفتني بحضورك ومرورك هنا
وسعيده لانها نالت ذائقتك
باذن الله ابوخالد مثل ماطلبت :er-10:
لاتحرمنا من حضورك الجميل
محبتي :0d30424e61f1:


الساعة الآن 13 : 02 AM بتوقيت السعودية

Powered by vBulletin® Copyright ©2000 - 2019, Jelsoft Enterprises Ltd.
new notificatio by
9adq_ala7sas

[ Crystal ® MmS & SmS - 3.7 By L I V R Z ]