اسبوع راحه بأبتعد لأجل ترتاح = مادام بعدي عنك لك فيه راحه

ريّح شوي وخل خاطرك ينساح = اطلع .. تمشى .. روح للاستراحه

جدّد حياتك .. بدَل الحزن بأفراح = أعط الأمل في نفسك أكبر مساحه

مادامني بالحزن قلَدتك وشاح = مثلك حرام الحزن يصبح وشاحه

وانا باحاول أعبر الوقت واجتاح = اللي عجزت مقاومه واجتياحه

بأقاوم بحبك ولاغيره سلاح = وانا ادري اش ممكن يسوي سلاحه

وأوعدك من هاليوم ماتسمع صياح = لو تنقلب صرخة خفوقي مناحه

لو تذبل الصرخه على رأي مدّاح = يفرض " زمان الصمت " يخفي صياحه

حاولت ابوح وهاجس الخوف ماباح = من خوف تتجرع مرار الصراحه

واليوم باعبر سود الأيام " سوَاح " = سوّاح ومضيّع دليل السياحه

يحمل جواز بختم ( من وين ماراح = خلوه ماحدٍ ناشدٍ عن مراحه )

هايم بقلبٍ كله هموم وجراح = يأمل مع الأيام ينسى جراحه

بالليل الاظلم كنّه معاشر ارواح = يسري بروحه لين يشرق صباحه

ويمسي بها في بحر الأفكار سبَاح = افكار تاهت في محيط السباحه

وطاحت عزومي لكن الحلم ماطاح = وكافحت لأجله شيء يصعب كفاحه

ولما بدأ نور الأمل واشرق ولاح = وفرحت به والصدر زاد انشراحه

هبَت هبوب وعقبها هبَت رياح = واليأس خيّم عقب هبَت رياحه

وباب الأمل مغلق ومن دون مفتاح = وبأمر الكريم اغلاقته وانفتاحه

.


.


.

فهمت قصدي صح ؟ خابرك لمَاح = طيب متى بتروح للاستراحه ؟

طيـب متـى بتـروح للاستراحـه ؟

أقولها ياوافي العز ماراح = شيا وعاد إلا وحامل جراحة
لا رحتها القى بها عشرة الواح=ماعاد فيها يا ابن الجواد راحة

لا رحتها القى بها عشرة الواح ماعاد فيها يا ابن الجواد راحة