متى بتروح للاستراحه ؟ ..!
اسبوع راحه بأبتعد لأجل ترتاح = مادام بعدي عنك لك فيه راحه ريّح شوي وخل خاطرك ينساح = اطلع .. تمشى .. روح للاستراحه جدّد حياتك .. بدَل الحزن بأفراح = أعط الأمل في نفسك أكبر مساحه مادامني بالحزن قلَدتك وشاح = مثلك حرام الحزن يصبح وشاحه وانا باحاول أعبر الوقت واجتاح = اللي عجزت مقاومه واجتياحه بأقاوم بحبك ولاغيره سلاح = وانا ادري اش ممكن يسوي سلاحه وأوعدك من هاليوم ماتسمع صياح = لو تنقلب صرخة خفوقي مناحه لو تذبل الصرخه على رأي مدّاح = يفرض " زمان الصمت " يخفي صياحه حاولت ابوح وهاجس الخوف ماباح = من خوف تتجرع مرار الصراحه واليوم باعبر سود الأيام " سوَاح " = سوّاح ومضيّع دليل السياحه يحمل جواز بختم ( من وين ماراح = خلوه ماحدٍ ناشدٍ عن مراحه ) هايم بقلبٍ كله هموم وجراح = يأمل مع الأيام ينسى جراحه بالليل الاظلم كنّه معاشر ارواح = يسري بروحه لين يشرق صباحه ويمسي بها في بحر الأفكار سبَاح = افكار تاهت في محيط السباحه وطاحت عزومي لكن الحلم ماطاح = وكافحت لأجله شيء يصعب كفاحه ولما بدأ نور الأمل واشرق ولاح = وفرحت به والصدر زاد انشراحه هبَت هبوب وعقبها هبَت رياح = واليأس خيّم عقب هبَت رياحه وباب الأمل مغلق ومن دون مفتاح = وبأمر الكريم اغلاقته وانفتاحه . . . فهمت قصدي صح ؟ خابرك لمَاح = طيب متى بتروح للاستراحه ؟ |
.
اقتباس:
صح لسانك والله يا أبو الوفاء تألق معهود وأبداع معتاد وأحاسيس لايتقن رسمها غيرك تسلم يالوفااا والله يعطيك الصحه والعافيه ... تحياتي وأشواقي |
لا يهمك كل يومين رايحين الاستراحة
بس ماصارت تريح خلها على الله
أقولها ياوافي العز ماراح = شيا وعاد إلا وحامل جراحة مشكور وافي على جمال الصيدةلا رحتها القى بها عشرة الواح=ماعاد فيها يا ابن الجواد راحة |
بكل الووود 0 0 0 لله درك لم أقرأ هنا أحرف تتحدث بل وجعٌ " ي ن زف" وصرخة تلجم الحروف فلا نكاد نتحرى "ردا" بقوتها000!!! دمت بـــ خير 0 0 0 تحياااااتي |
.............
... مشاري أهلا والله بـ هالطله الف شكر للتشريف وللاطراء الرقيق والعذب شرفت مشمش كلك ذوق ... |
............
... السعيد ألف شكر للتشريف وللاطراء ولمداخلتك اللطيفه اقتباس:
:( لاوالله معذور وينك ووين الراحه شرفت شاعرنا العذب ... |
لاجديد
ابداع ينافس ما سبقه من ابداع تسلم يديــــــــك .. وافي .. . . |
.............
... الجوووري كم كنا نفتقد تشريفك الراقي ألف شكر للتشريف الراقي وللاطراء الرقيق والعذب شرفتي الجوري ... |
تسلم يمينك ويصح الله لسانك وبدنك بعد
فعلا جراحات بحاجة الى ضماد الهي يجبر خاطرك إن طعتني لاتبخل علينا من جديدك |
الله الله
والله زمااااااااااااااااااااااااااااان يوافي قصيده في قمة الجمال روووعه بمعنى الكلمه صح لسانك لاهنت |
الساعة الآن 17 : 10 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas