ما هو سبب عزوف الشباب عن الزواج من بنات الديره و الزواج من اجنبيات !!!!!
 

اعزائي .. ممكن نعرف منكم ماهي اسباب عزوف الشباب عن الزواج من بنات الديره وسبب زواجهم من اجنبيات ..

انا سمعت اعذار وايده وبنظري انها واهيه بس ابي وجهة نظركم بعدين اقول وجهة نظري ...

فطامي السبب .. هو .. وبلا شك قلة عقل من بعض الشباب .

والله الموفق .

تحياتي للجميع

موضوع جميل وتمنياتي لكم بالتوفيق

موضوع جميل بس فكر غريب الله العالم

المهم السبب انه بعض الشباب الله يهديهم مغرم بالستالايت واللي يشوفه

من جمال في الفتيات الاجنبيات هذا من جهة من جهة اخرى يبحث عن الحرية

يعني وين رايح مافيه ومن وين جاي بعد مافيه امسك الباب يعني الله لايهينك

اطلع من الصبح ولاتوريني وجهك الا نص الليل اذا ممكن ولله يستر

تحياتي

المسافر..

مرحبا فطامي:)

موضوع جميل وحساس جدا

وفي اعتقادي انه بسبب ارتفاع مهور بنات البلد

وزياده التكاليف هي لسبب الرئيسي


وياتي بعدها البحث عن الجمال


تحياتي

عزيزتي دانه مشكوره على مشاركتج .. تسلمين ..:)

=====

عزيزي المسافر كلامك ما اقدر اقول انه صح ولا اقد اقول انه غلط .. بالنسبه للجمال فماشاء الله بنات الخليج تعدلت اشكالهم مو نفس قبل الحين نسبه كبيره جدا منهم جميلات او مملوحات على قولتهم والبنت بجمال روحها واخلاقها .. هذا لو كنت تبحث عن الجمال .. اما بالنسبه للحريه وين رايح ومنوي ياي يا عزيزي انت تعتقد ان الاجنبيات بتخليك على كيفك ليش اهي مو مراه ايضا وتغار على زوجها كالخليجيه .. تبي تسالك ليما تغثك وين رايح ومنوي ياي .. ومافي حريه معاهم يعني ما سويت شي ؟؟!!

وفوق هذا كله ماياتمن عليهم انا شخصيا اعرف وحده من بعيد صبرت على زوجها كثير وعطته الحريه حتى ريوله حبتهم ولما خذت الجنسيه عليه .. شاتته ورفعت عليه قضايا ما تخلص وكلشوي رايحه المحكمه ابي حقي ككويتيه .. والله حرام ..:(

مشكور على المشاركه يالمسافر ..:)

====

خالد الله يخليك قولي اي سبب الا هالسببين ..

غلاء المهور :confused: الحين وايد عوايل تزوج بناتها دون تحديد مهر وكل ريال ومدة ايده ولا تقول لي نسبه قليله بالعكس .. وايد منهم يبون الستر ..

والحين العروس مو ضروريه مثل قبل الا عند البدو هذا شي ثاني (( لا تاخذ بدويه )) :D

التكاليف .. يا عزيزي قد يتهيا لك ان الاجنبيه تكاليفها اقل لاكنها في الحقيقه تكلفتها كالخليجيه على المدى البعيد ..

تبي بيت وسياره وخدامه وتليفون نقال حالها كالخليجيه وصدقني ماراح تقول لها لا او ترفض اعطائها اللي تطلبه :o

على العموم مشكور على المشاركه ..:)