خيم علي اليأس
 

احبتي في منتدانا العامر بذكره إن شاء الله

اسعد الله ايامكم بطاعته

يسعدني ويشرفني أن اقدم لكم

هذه القصيدة للشاعر الشاب

ناصر بن علي المحمدي

الذي ستجدونه قريباً في منتدانا

ولكن الآن ظروفه العملية تحول دونه ودون ذلك

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=1 line=200% align=center use=ex length=0 char="" num="0,indigo" filter=" dropshadow(color=deeppink,offx=4,offy=4) glow(color=deeppink,strength=4)"]
واتل قلبي تلة سبوق صقار=للطير يومه بالمسابيق تله
يبي المطير ولا حصله ولا طار=ممسوك بسبوقه وراعيه عله
على الذي ماشفت زوله ولا دار=قدام عيني ولو هي رسوم ظله
عامين ما شفته ولا جتني اخبار=وادعي عسى ما شر وشهو حصله
ماغير اهوجس وهاجس الحب جبار=انا اشهد انه سم حالي وسله
غروٍ سحرني وينهب الروح سحار=اقفا بقلبي والخفوق استحله
ولا له مع الخفرات بالزين معيار=ولو بالشهاده كلهن يشهدله
ولا اظن يوجد له شبيهٍ ولا صار=مزيون متواضع وطيب وفله
وكل الادب كاسيه ويزيد باشبار=عاقل وفاهم والوفا عادتله
وسارت محبتنا على سر وجهار=حبٍ عفيف ولا بدربه مخله
واليوم عن عينّي ركب الغضي سار=ولا عاد ادري بغايته وجهتله
غاب وتركني كامل الزين محتار=ولا ادري علامه دربي الزين ضله
يمكن تعرضته صواديف الاقدار=او الليالي وضيمها عرقلله
اجاهد الهاجوس واخلق له اعذار=ماودي اظلم كامل الزين لله
حيثه عزيز وله معزه ومقدار=باقصى الخفوق اللي من اول وطن له
ومن خوف سقف الحب ياقع وينهار=شديت انا رحالي ابحث وفاًله
ودورت له واتعبت رجلي بالاسفار=حفيت ركابي وارجعن ما وصلن له
وارسلت له من اقرب الناس دوار= وزرعت فيه آمالي المضمحله
وعود علي وقال لي يابن الاخيار=انسى عشيرك يابن الاجواد خله
دورت له مابين وديان وديار=صاحبك مثل اللغز وازريت احله
وساعة تكلم اهوج بصدري النار=واحس بالخافق كما فوح دله
وخيم علي الياس والدمع نثار=سبايب اللي ضاع عني محله
ورموش عيني عن حلا النوم سهّار=والقلب ينشدني عن غياب خله
قلت احتمل ياقلب خابرك صبار=لو كنت ادري وين دربه وادله
لاغوص له لووسط غبات الابحار=وابحث عن المجمول حتى اصل له
مير البلا إنه محيلٍ عن الدار=وهذا علي مزود الطين بله
وهذي دروب الحب ربحٍ ومخسار=حكمه من الله خالق الكون كله
احدٍ خسر واحدٍ جنى حلو الاثمار= واحدٍ تولع بالرموش المظله
والحب قبلي متعب كبار وصغار=وياما شكا رجلٍ ودمعه يهله
وانا من اللي بسكته ذقت الامرار=وجربت مر الحب دقه وجله
ولا من خساره الخساره بالاعمار = وما دام سلم راسي الباقي فداً له
[/poet]

الله الله الله الله عليك ياناصر

اقسم لك بأنني توقـّفت هنا كثيراً لأقرأ

يسعد ايامك اخوي رهين العذاب

تقف كلماتي مشدوهه ومنبهره

امام هذه الشامخه

صح لسانك اخوي ناصر

وسلمت اخوي رهين العذاب

لامتاعنا بهذه الرررررائعه

ونحن بانتظار الاخ الشاعر

وحياه الله وابقاه

ربي يسعد ايامك

""

"""""""

""""""""

"


تسلم ويسلم ذوقك الحلو يارهين العذاب
صح لسانك ولسااان قائلها.

"




.


السيف

يقف القلم عاجز امام هذا الابداع ..
صح لسان الشاعر ..
وتسلم يمناك .. رهين العذاب



.




.

.........

...

رهين السعادة ان شاء الله
الف شكر لاختيارك الموفق

ابدع الشاعر
واحسنت الاختيار

وجميعنا بانتظار الشاعر
ومقدماً
نرحب به ونشكرك لدعوته



سلمت يداك



كلك ذوق


...

بسم الله الرحمن الرحيم

رهين العذاب

السلام عليكم ورحمة الله وبركاته

يا هلا والله وغلا فيك وفي ذوقك
قصيده جزله لشاعر جزل ونحن في انتظاره ايضا
والف الف شكر لك على هذا الاختيار الجميل والبديع
دائماً ذوقك راقي يا رهين العذاب ما شاء الله عليك

كل التقدير والاحترام

الحسام

صح الله لسان الشاعر وسلم يمينك اخي الكريم

بصراحة قصيده بمنتهى الروعة والجمال

يعطيك الف عافيه على امتاعنا بها

شكرا لك على دعوة الشاعر ونحن بالانتظار

تحياتي