منتديات الوئام - ... ضروري ... ضروري..

منتديات الوئام (http://www.alweam.net/vb/index.php)

- ‏ بوحْ الشعِر والنثر .. (http://www.alweam.net/vb/forumdisplay.php?f=3)

- - ... ضروري ... ضروري.. (http://www.alweam.net/vb/showthread.php?t=43635)

... ضروري ... ضروري..

ياحبايبنا ممكن اعرف من قائل هذه القصيده..
وان كان هناك رابط لها فهو ما اتمناه واشكر لكم تعاونـــكم..

http://members.aol.com/dcreelma/imag...new/flower.gif

.....

شفتها ياسعود صدفة بعد ماغابت سنين
********عند قسم المختبر وسط مشفى الجامعه

جيتها ثم قلت ممكن في سؤالي تسمحين
**********ناظرت فيني بدهشة نظرة متواضعه

قالت انته تحسبني من بنات صايعين
******* تحسبني في زماني عن طريقي ضايعه

قلت انا ماراح اطول كلبوها كلمتين
*********وابعدت عني شويه ثم جتني راجعه

قالت اسأل واضح انك من رجال طيبين
******* بس هرجك يالسنافي كان وشهو دافعه

قلت انا حبيت وحده يوم حنا صغيرين
******ومن ثمان سنين راحت للمواصل قاطعه

عقبها ماذقت نوم يهتنيه النايمين
*******ساهر في طول ليلي لين شمسي طالعه

اذكر انه فيه حبه فوق ثغره من يمين
**********واذكر انه لاجرينا كن شعره تابعه

واذكر انه عاشق بالورود الياسمين
*******صار قلبي بالورود اللي عشقها زارعه

طابع اسمه بقلبي فيه سين وفيه عين
*******وفيه الف وفيه دال وسط قلبي طابعه

قاطعتني بقولها سبحان رب العالمين
*************كررتها مره ومرتين ورابعه

قلت وشبك وشبلاك يابنيه ترجفين
******** ليش عينك يابنيه من كلامي دامعه

قالت الموقف وقلبي والمحبة والحنين
******** كيف اشوفك بعد ماكنت عنك قانعه

قلت انا بسألك انكانك انتي تذكرين
******** عن مواثيق ثمنها من حياتي دافعه

قالت ظروف الزمان ماتطيع العاشقين
****** بيعوني غصب حبك لوهو ماني بايعه

انا في دنياي حالي كنها حال السجين
******* حتى لو فكوا سراحه فيه شي مانعه

زوجوني غصب واحد وحرموني حاجتين
******** السعادة في زماني والحياة الرايعه

والحين انا ام لثلاثه عندي ريم وياسمين
****والولد اسمه على اسمك والمشاعر جايعه