|
لا تستفز إحساس هايم وملهوف
لا تستفز إحساس هايم وملهوف= اقل مابه خل عيني تحلّااااك جيتك ولا لي شرهه اكثر من الشوف=جيت ارتوي نظره واعوّد بلياك جيتك ضما والوجه شاحب ومخطوف=ضامي لشوف طلالتك من تمناك رد الأمان لخافقٍ بك زبن خوف=ارّد العيون اللي وَرَدَ شوقها ماك مايجتمع بالقلب إقبال وعزوف=ولا يتفق بالحب واثق وشكاك ماجيت لك إلا وانا حيل مشغوف=ارحم فوادٍ ادمنك حب واغلاك اما انت تعمل به جميلٍ ومعروف=ولا اعتقه ويرد لي مثل ماجاك |
رد: لا تستفز إحساس هايم وملهوف
الله الله عليها قصيده جميله ورائــعــه صــــح لسانـك أستاذ عادل الغــدير
وصح الله بدنك وروحك وتسلم وسلمت يمناك ولاعدمناك وبيض الله وجهك على نظم وبدع هذه المنظومه الرائعه وقــد أبدعت فيها أيما أبــداع وحبك وسبك وإلى الأمام يامبدع ونحن في أنتظار جديدك القادم هذا ولشخصك الكريم أطيب تـمـنـيـاتــي وأجمل تــحـيـاتــــي ودمـــت وســـلــمـــت |
رد: لا تستفز إحساس هايم وملهوف
.................
... لبا الشمال واهل الجوف خاصة وشعراء الشمال وابو يعرب خاصة واندية الشمال والقلعة خاصة :( :( كلك على بعضك حلو كلمات ومشاعر وسبك وحبك بيض الله وشششك ياعادل الغدير وعودة حميدة وموفقه وربنا يتوب عليك من القطاعه :( ... |
رد: لا تستفز إحساس هايم وملهوف
اقتباس:
حياك الله اخوي فتى الجميزه وشكرا على الاطراء الجميل وصح كلك ايه النقي |
رد: لا تستفز إحساس هايم وملهوف
اقتباس:
وجهك ابيض والحلا منبعك عرفت تضرب على الوتر الحساس وياليتك تزورنا بالشمال فرصه وقت هالربيع شي مايوصف لك ودي ومتناني |
رد: لا تستفز إحساس هايم وملهوف
سبك وحبك جميلين جداً صح لسانك ،وسلم منطووقك مايـجـتـمـع بـالـقـلـب إقــبــال وعــــزوف ولا يـتـفــق بـالــحــب واثـــــق وشــكـــاك وااقعي جداً هذا البيت ومعبر أبدعت بقصيدتك أخ عادل سلمت وغنمت ،ودمت ودام ابداعك |
رد: لا تستفز إحساس هايم وملهوف
اقتباس:
الاخت الفاضله شموع الغربيه سعد بمرورك المعطر بعبق الشيح صح كلك عزيزتي ولا ندمتي تحيتي |
| الساعة الآن 13 : 09 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]