نهـار اقبلـت كانـت خجولـه وخايفـه=تـلـدّ وتـصـد وكــن ماهـيـب شايـفـه
من النظـره الأولـى وانـا مولـعٍ بهـا=محبـه مـن الأعمـاق ماهيـب زايـفـه
وحاولـت انسيـهـا خجلـهـا وخوفـهـا=وجاذبتها اطراف الحديث وطرايفـه
وسمعتهـا شـيٍ عـن الشـوق والـغـلا=وترجمـت عـن قلبـي شقـاه وكلايفـه
وكـانـت بـدايـة حـبـنـا وإجتمـاعـنـا=وعشنا مـع اسـرار الغـرام ولطايفـه
بـروضٍ عـذيٍّ مامشـى فيـه غيـرنـا=ربيعه ونبته مقدر أحصـي وصايفـه
قضينـابـه ايــامٍ مـضـت ماحسبتـهـا=ولكـنـهـا كـانــت بــلاشــك كـايـفــه
ويـوم الربيـع امسـت تقافـا معالـمـه=وجاتـه سمـومٍ بـأول الصيـف لايفـه
رجع خوفها اللي خابره في عيونهـا=مثل نظـرة اللـي موقـنٍ مـن حتايفـه
وقامـت تجمّـع مابقـي مــن متاعـهـا=وشالـت علـى حـرٍ يلاعـب سفايـفـه
وتالي العهد يوم إستدارت وعرضت=بذاك العشي والشمس صفرا مهايفـه
على البعد تومـي لـي بيدهـا مودعـه=وداع الـذي مـانـي بـراجـي نكايـفـه
ولااخذت منها غير جرحي وعبرتي=وذكرى لها دايـم علـى البـال طايفـه
لها حن قلبي بين الأضـلاع وإنحنـى=حنين العسيـف اللـي مفـارق ولايفـه
وضاقت بـي الدنيـا الوسيعـه ولابقـا=سـوى قمـةٍ فـي راس مرقـاب نايفـه
عسيره على اللـي ماتعـوّد طلوعهـا=بهـا تتعـب اقدامـه وتيـبـس شفايـفـه
أهـيّـض بعاليـهـا خفـايـا مشـاعـري=وافيّـض بهـا دمــعٍ تسـابـق ذرايـفـه
حسايف على مـا كـان بينـي وبينهـا=لــو إن البـنـادم ماتـفـيـده حسـايـفـه
وانا عارف إن العمـر لابـد تنقضـي=سنينـه ويبقـى ماكتـب فـي صحايفـه
وياما عذلت النفـس واكثـرت لومهـا=ولـكــن لاتـقـنـع ولاهـيــب عـايـفـه