غلا ^_^ الرياض
هنا بهالسوق في شرق الرياض مقابلك.. وهناك = وقفتي جنبك أمك ما عرفتيني وأنا لحالي قربت وكن خلق الله تقول أن المولع ذاك =وقربتي كني أشرت بيدي يمك من هبالي سألتيني ورى شكلك كذا جاوبت من فرقاك =كأنك يوم رحتي ما تركتي غير تمثالي وأنا لي عمر أحبك .. شوفي اش سوى شهر جفواك =اجل لوّك نسيتي يا مها وش صار في حالي أمانة كان بك حيل لغلايه من جديد فداك = ثمان سنين مرت.. وأنت لك دنيا.. وأنا مالي ترى اللحظات في غيابك تطاير في العيون أشواك = تكرهني بمرقاد الليال وتحفي آمالي ولو ليلة تعال أعلمك عن وقتي بلياك = وشف وشلون أحاول عزل قلبي عن حكي بالي وأنا أحاول ولكني فشلت وكل ما بنساك = تذكرني الرسايل يوم اقلبها بجوالي واسج لحارتك يمكني اخلف هقوتي والقاك = ولا القى غير سور الذكريات وحزنه العالي ظلام وصوت لأوراقٍ تطاير كنها تقراك = وشجر ذاوي شكى كثر الحنين وقلّة الوالي وأنا اذكر مرت الفرحة هنا واستوطنت لقياك = على عز الصبا والطيش واحلامٍ بلا تالي كأنك بانتظاري مزهرية "فُلّ" في شباك = وأنا يديني مثل قطر الندى ورموشك ظلالي على غفلة من طيور الصباح اتنفسك وابداك = وأعلق داخلك قلبي وثوبي وأحذف عقالي وأولع لي زقارة عافية.. من جمرةٍ بشفاك = وثنايا الثلج غرقانة بخمرة ريقك الحالي يا ابو عنقٍ حكى دفو الصدر للبرد بمحياك = وغدى ما بينهن مثل الربيع البكر يختالي وأشوف قلادتك مثل الخزامى نابتة في ذاك = على نهدٍ يشق الثوب كنه فقعة سهالي وأدلي بك نفس واجذب قراحك وأن تعذر ماك = يصدّر حادي حيام المشاعر دالهٍ سالي وأدون لك على دفتر طريقي بوح واتهجاك = وأسمعك الكلام اللي نشا مما يوحالي وأقول أني وأنا جنبك كأني قاعد استناك = وبعد ما رحت أحس انك ركضت وقمت تبرالي وشف هالحين أحس أن الرياض بكبرها تبغاك = ونفس الوقت ضاقت ما تبيني دامي لحالي ( نايف ) |
الله عليك يانايف صقر .. عملاق فعلاً
والله عليك ياوافي .. ذوّيق فعلاً صح لسانك .. ولسان شاعرها |
اقتباس:
مافيه الا نايف صقر يعني ؟ :( والنعم بك وبنايف صقر لكن القصيدة لـ نايف ( آخر ) مع الشكر للتشريف وللاطرااء شرفت الفارس ... |
قصيدة روووعة وذوووق راقي أخوي وافي...
تسلم يديك على النقل المتميز... لك تحياتي... |
منذ قرأتها تأكدت بأنها ليست لـ نايف صقر
نفس نايف صقر ليس موجوداً بها لكن الـ نايف الآخر مبدع ومبدع ومبدع ومبدع ومتعب ومتعب ومتعب لله درررررررررررره حتى عنان السسسسماء وشكراً إلى ما لا نهاية يا وافي تحيااااتي |
يسعد مساك وافينا
ويسعد مساء نايف قصيدة راااااااائعه بكل ماتعنيه الكلمه سجل اعجابي وتقبل تحيااااااتي وسلم لي على نايف لك حبي |
انا توقعتها لنايف صقر:surprised
يمكن لأن نايف عملاق ويكفي انك تقول نايف فقط ليعرف الجميع ان المقصود نايف صقر:( على العموم صح لسان شاعرها وناقلها |
اقتباس:
دخلنا في اجواء ابيات القصيده .. لله در تعبيره.. صح لسان شاعرها.. وسلمت انامل ناقلها .. |
واافي
كلـكــ ذووقــ قصيدهــ ارووعــ من الخيـاالـــ صح لسـان نايف وتســـلم يميــنكــ ياقمـــر :: |
كيف حالك يالوافي
صح لسان نايف بلغة كثير السلام لاهان على هذه القصيدة الرااائعه والتي تحمل نفس نايف وروعة نايف وت.....ف نايف دمت بخير |
الساعة الآن 19 : 08 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas