|
عالم الشوق.؟!!
في عالم الشوق تهت
بزحمة احوالي .! وانا لحالي ودرب الوصل ي طوووله ... // ماغير طيفٍ جميل وماضيٍ غالي . وإحساس روحٍ بكف الوجد محموله // كم ذقت كاس الزمان المر والحالي ! وكم ركّز المزن فوق الحلم هملوله " // إن جيت ارتب حروف الشعر في بالي يضيع من كثر مر البال معسوله // ويترجم إحساسي المبهوت سربالي يستر جسد عاري الأسرار بحلوله // ويطير بعضي جناحه يكفخ آمالي والبعض مني على ميهافي فلوله // متناثر اشلاء من حولي ومن حالي " وغصين عمري يحت اوراقه ذبوله // أعظم من البعد قصر بخاطري عالي .!! والموت حارس وله ابواب مقفوله .!! // يادوحة طموح روحي طال مقيالي والعمر راحت ركاب العمر مذهوله.؟!! // قد كنت احسب الهوى لا هب يصفالي واربح بعد جولة الهجران لي جولة // لكنّي اشوف زول الصدّ يبرالي ... والرحلة اللي بواد الذات مجهولة.؟!! |
رد: عالم الشوق.؟!!
اقتباس:
في عالم الشوق تهت بزحمة احوالي .! وانا لحالي ودرب الوصل ي طوووله إن جيت ارتب حروف الشعر في بالي يضيع من كثر مر البال معسوله الله الله عليك ياعبد الله العتيبي صح الله لسانك وأعتلى قدرك وشأنك وتسلم وبيض الله وجهك ياشاعرنا القدير والمبدع أبدعت وأجدت وأفدت ووفيت وكفيت وسبك وحبك وشكراً لك من الأعماق على هذه القصيدة الجميله والجزيله والرائـعة وسلمت يمناك ولاعدمناك وأنت قد عودتنا على الجزل والجميل من قصيدك الذي كله روائـع وحكم أخي العزيز تقبل ودي وتقديري لشخصك الكريم حفظك الله ورعاك أستاذي |
رد: عالم الشوق.؟!!
. . . . . . .
. . . الله الله الله ياااعيني عليك ياعبدالله وياعيني على عالم الشوووق الذي حلق بنا في عالم الابداع ابدعت ياعبدالله وعساه الشوق اللي يزيد ويزيد لتزيدنا ابداع :juggle2: سلمت يداك خيي كلك ذوق . . . |
رد: عالم الشوق.؟!!
قد كنت احسب الهوى لا هب يصفالي واربح بعد جولة الهجران لي جولة // لكنّي اشوف زول الصدّ يبرالي ... والرحلة اللي بواد الذات مجهولة ========== ترانيم شعرية تحمل جرس موسيقي له ثلاثة اضلاع .. الوزن والقافية والمعنى وهكذا أصبحت القصيدة كاملة في كل شيء صح لسانك أبو يوسف وتسلم تلك الأنامل التي كتبت فأبدعت . |
| الساعة الآن 26 : 01 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]