انشدك عن بنت على رأس رجال
هلا بالجميع واستلموو هذا اللغز وابي اوضح من البدايه انا مركب حل هذا اللغز على حاجه فقط شفتهااا بالسعوديه 00
ما ادري موجوده عند الغير والا لا 00 واستلمو اللغز 0 انشدك عن بنت على رأس رجال 000 خصة لناس وجارهم ما يشوفه ما شفتها بالسوق والدار بها الحال 000 بس الحضاره غيرة في ضروفه اشوفها عندي وعندك لها احـوال 000 لاكن برجاله تغـــير وصــــوفه واقبلو تحياتي 00 |
هلا وغلا بالجميع
صح السانك يافيصل2002 وتسلم على هالالغاز الطيبه يابو فلان والله يعطيك العافيه في انتظار رمعاتكم يالنشاما اخوكم, |
اخوي جلمود00
حقيقه تعجز يدي بالكتابه عن شخصكم الكريم00 اعتقد لو كتبت وكتبت لا يمكن اوفيك حقك 00 اصلا اخو انت ما شاالله ما دح نفسك باسلوبك الطيب مع الاعضاء00 ووساعت صدرك لناااا 00 ولا هي غريبه على اللي مثلك يا بعد حي انت 00 اقبل مني التحيه والتقدير لك ولزملاناا الاعضاء هؤلاء الرائعين 0 تحياتي |
مساء الخير اخوى فيصل2002
وصح لسانك ولسان ابو طارق على لغز التنقيط وابشرك قطعنا نخله وبقت وحده كان ودك تخرف ابشر بسعدك سكريه صفراء تمرة مفتل وكبر فنجال القهوة ومثل الذهب من باريس نجد يا بعدى ومشاركتى تقول يالطيب الريحانه الى يحطونها اهل تهامه على روسهم او القدحه لذعه النار الى يتبهون بها من زمان لاتضحك وتقول وش هلقديم انت 2002 وانا كنور من سيارات ارمكو القديمه تحياتى لـــــــــــــــــــــــــــــــــــــــــــــــــ ــــــــــــــــــــــــــــــــــــــك |
يا مساء الفل اخبي الكنور00
انت اخوي مثل الذهب مهما على فوقه اغبار يبقى مع الايام سلــعه ثمينه بعدين يالطربه آمر وشتبي اللي تبيه انااا حاضر 00 اكيد انت مدهااال للرجال الطيبين واناا ما اشك بأنك راعي معنااا يالعزوه 00 اما رمعتك الريحانه اللي تحط على الروس بتهامه مالك لوى00 ولاهي القدحه لك تحياتي 00 |
يعطيك العافية اخي فيصل 2002
اشكركم على هذا التواصل بكل جديد من المواضيع والردود محاولة للحل // فية شئ فكر ت فية موجود في اماكن لم تصلها خدمات الهاتف ونادر الوجود في اماكن اخرى قلت يمكن يكون حل للغز هذا الشئ اسمة // الهاتف الريفي ومن فوقة توضع الطاقة الشمسية لامدادة بالحرارة لتشغيل جهاز الارسال والاستقبال ممكن يكون هذا الحل وممكن انة بعيد عن الحل بعد الطاقة الشمسية عن الشمس تحياتي |
الرمح0
هلا وغلا وشلونك0000000 انا احييك بروحك المرحه00000 واشكرر جداا على هذا الثناء 00000 الذي ليس مستغرب من سعادتكم000 اما بالنسبه للرمعه فليست هي ماتقووول00 والله اخي ان رمعتك بعد الشمال عن الجنووووووووووب00 وهذي الحاجه في مواقع معينه شفتهااا ولا كل شخص لا طب الى مكانهااا حصلت له 00 تحياتي اخوي الرمح00000 |
صح لسانك اخوي فيصل علىهاللغز الطيب من طيب راعيه
وش قولك بالأريل أو هوائي جهاز النداء أخوكم أبوطارق |
هلا ابو طارق وانت اطيب يالعزوه0
اما حلك فليس كما تقول الاريل 00 هذا بمكان معين فقط تشوفهااا يعني مو بكل مكان 00 وهذي الحاجه مخصصه لناس فقط وجارهم ما يشووووفه00 يعني ناس حقيقيين اوادم يالله وضحت 00 |
الأخ فيصل تحية طيبة لك ولجميع اعضاء المنتدى الكرام ومشرفيه الأعزاء
بالنسبة للحل وش رايك بالفقع او الزبيدي وشجيرته الصغيرة اللي يستدلون بها عليه،،،،،، |
ممكن تكون إبرة الانسولين لمرضى السكر .....!!!:)
|
هلا أخوي فيصل
لاتحسبن سكوتنا ناسين لاوالله ....مير إنشغالات و تفكير شف يالغالي عندي ثنتين: 1- هذه اللي فوق قير السياره اللي عليه الغيارات واحد و ثنين ... وريوس 2- غطى البلف للكفر هاه هي سماويه |
عبقرينو00
هلا وغلا وشلونك 00 ملك لوى مو الفقع او الزبيدي او الشجره اقبل تحياتي |
هلا دهن العود00
مالك لوى ابرة الانسلين |
هلا وغلا ابو طارق 0000
عادي يالطربه عارفين اللي عندكم 000 واكيد من كثر الاغاز شرد التفكير وصار الواحد ما يجمع 000 والوضع عادي جداا 000 اما رمعاتك كلهااا بعيده او على قولتهم سماويه00 وبعدين ابعدو عن السياره نهائي00 ولك اجمل تحيه وتقدير |
أخوي فيصل ممكن أشارك
ماهي المحاله والناعور التي توضع على البير هاه صح وإلا لا؟ وشكرأ لك |
هلا وغلا بغريب المدينه0000
وبالنسبه للرمعه مالك لوى لا المحاله ولا الناعور تحياتي |
هلا أخوي فيصل
ممكن تكون المخباه أو الجيب هاه هي سماويه ثانيه وينك عن المسابقه أبطيت علينا تراي رفعت راية التحدي |
هلا ابو طارق000000
هلا وغلا اناا والله موجود وقلبي معكم ولاكن الخميس والجمعه تعرف اجازه والواحد يستغلهااا 00 جلسه مع العائله او طلعت بر 000 اما بالنسبه للرمعه سماويه00000 ولك اجمل تحيه |
أخوي فيصل
مثل ما قال أخوي الكنور نبتت نخله بشوشتي ممكن أعرف بس هي تتعلق بالبيوت |
امر يا ابو طارق كلش ولى ينبت بشوشتك نخله ما ابي ابلشكم بالجداد 00
هذا توضيح للجميع0000000 هذا الحاجه تشوفه بالسفر بس وخاصه بالطياره 0000000 وش تبي بعد انت تامر00 يالله منهو اسرع واحد الان00 تحياتي للجميع000 |
ممكن تكون شاشة التلفزيون اللي موضوعة على ظهر الكرسي أما كل راكب .....!!!:)
|
صح لسانك ممكن تكون لمبة طلب المضيف
|
دهن العود 000
غير صحيح شاشه التلفزيون00 عبقرينوو000 صح بدنك ولا لك لوى لمبة طلب المضيف ولكم تحياتي |
طيب،،ممكن اللمبة اللي جنب لمبة طلب المضيف وهي للقراءة...أو...فتحة تهوية المكيف اللي فوق الراكب،،،،
رمعة أخرى ممكن تكون اللمبة اللي فوق برج المراقبة |
عبقرينو
لا والله ماهي اللمبه اللي جنب لمبة المضيف 00 تحياتي |
اخوى فيصل ابقول لك شى والى ماركب الطيارة وشلون يرمع اقول لاتضحك يابوى يكفى ضحك
|
هلا وغلا بالكنور0000
عاد تصدق ان لي اخوي ما يسافر الا بالسياره ما يداني الطياره 00 مره كان مريض ودنااا نعالجه بالرياض طبعااا حالته تعبانه يعني ما يستحمل السياره لازم طياره واتفقنااا انه قبل الرحله يعطيه الدكتور بنج ونذهب فيه بالطياره طبعااا ما يحس ومن شين الحض ضربناه البنج قبل وقت الرحله بنص ساعه وذهبناا فيه الى المطار 000 الطياره تعطلت بالمطار وجلسلت اكثر من ساعتين صحي الرجال ودري انه بالمطار تصدق انه وهو مريض دقه رجليه للبيت من الزعله 00 وسائة حالته الى الاسواء 00ولكن الحمدلله الان زين 00 اكيد اخوي الكنور فيه ناس ما تحب الطياره نهائي 00 ولكن الله عرفناه بالعقل يالطربه ماشفناه 00 يعني اكيد انك سامع فيهاااا من صديق او قريب00 تحياتي يالعزوه000 |
الله لايهينك يخوى فيصل وراك تفضحنى انا اخوك الوعد بالدار
ياغالى وش رئيك فى درجه الأفق او النافذه ودك تويق ولكن جارك قاعدآ لك او مجله السعوديه او علامه ممنوع التدخين وبيض الله وجهك اسعدتنا الله يسعدك تحياتى |
وش قولك برقم المقعد أو البوردينق
ومشكور عالتوضيح |
الاخ كنور 000
مالك لوى النافذه000 اخوي ابو طارق 00 لك تحياتي ولا شكر على واجب00 رقم المقعد او البوردنق مالك لوى 00 تحياتي |
ممكن تكون الزيتونة التي تنحط على رأس عود الأسنان وهو مغروس في الكلاب ساندويتش .....!!!!!:)
|
هلا دهن العود 000
اقرب رمعه حلوووه ركزي وبعدين انا قلت شفته عندنااا بالطائرات السعوديه 00 تحياتي |
للأسف أنا ما سافرت على الخطوط السعودية علشان كذا أنا ما أعرف ايش اللي يقدمونة للركاب ...احتمال أحد الأخوة يقدر يصيدها وخصوصاً معظمهم من السعوديين ...عندي رمعة ثانية بس أعتقد سماوية ...ممكن تكون المظلة المكونة من أعواد الخشب الصغيرة جداً والتي توضع على حافة كأس العصير أو على قمة الايسكريم أو الكيك .... أو قطعة البرتقال أو الليمون اللي يوضع على حافة كأس العصير ....!!! :) :( :confused:
|
انا قلت بالبدايه انه فقط انا شفته عندنااا 00
وبقدم بالدرجه الاولى فقط 000 ورمعاتك رهيبه يا دهن العود00 وانشالله انك تبين تجيبينه |
هلا وغلا بالجميع
صح السانك يافيصل2002 وانا اعتقد ان دهن العود حلت اللغز 90% لكن رمعتها اللي على عود الا سنان وصلتني الى حله التمره على عود الاسنان في الدرجه الأولى يجيبونها لك مع القهوه اخوك, |
صح لسانك يا جلمود ولا هي غريبه عليكم 0
وصح لسان دهن العود اللي قربت الحل 00 انشدك عن بنت على رأس رجال 000 اللي هي التمره على راس العود خصة لناس وجارهم ما يشوفه طبعاا خصه للدرجه الاولى فقط وجارهم السياحيه ما يشوفونه0 ما شفتها بالسوق والدار بها الحال 00 طبعااا ما شفتهااا بالبيوت او السوق بمثل ه الحال0 بس الحضاره غيرة في ضروفه طبعااا الحضاره هي اللي غيرت في ضروووفه00 اشوفها عندي وعندك لها احـوال 000 طبعاا التمره عندي وعندك ماهي بها الشكل هذاا00 لاكن برجاله تغـــير وصــــوفه لاكن برجاله العود تغير حالته واسف اذا ما كان وارد تحياتي للجميع وصح لسانك يا جلمود مليووووووووووون |
هلا وغلا بالجميع
صح بدنك يالغالي ولا عليكم زود والله يافيصل2002 ينقل للالغاز المحلوله اخوك, |
الساعة الآن 46 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas